2 Kings 1:2 - Bible Ni Thothup

² Ahaziah ni Pilung nu Israel e mul u daken e naun rok nga but’ u Samaria nge maad’ad nib gel. Ma aram me l’oeg boch e tamal’og ni ngar fithed lanyan’ Baalzebub, ni got rok fare binaw nu Ekron u Filistia, ni nge nangfan ko ku ra gol fa dangay.

2 Kings 1:2 Referans Kwoze

2 Kings 1:16

me ga’ar ngak, “Ba’aray e n’en ni be yog SOMOL: ‘Bochan e kam l’oeg e pi tamal’og ni ngranod ra fithed laniyan’ Baalzebub, ni fare got nu Ekron — ni gowa dariy e got u lan yu Israel ni ngam fith lanyan’ — dab kum fos; bay mum’!’”

Mark 3:22

Ma boch e tamchib ko Motochiyel ni karbad u Jerusalem e yad be yog ni be lungurad, “Ke yib i ying Beelzebul ngak! Pilungen e mo’onyan’ e ir e ke pi’ gelngin Jesus nrayag ni nge tuluf e mo’onyan’.”

Matthew 10:25

Ere en ni yibe sukulnag e susun e nge fel’ u wan’ ni nge bod e en ni ir e be fil ban’en ngak, ma en nsib e nge fel’ u wan’ ni nge bod e en ni ir e masta rok. Fa’anra kan pining Beelzebul ngak e en ni ir e lolugen e tabinaw, ma urngin e girdi’ ko fare tabinaw ni bay ni pining boch e ngachal ngorad ni kab kireb ko biney!

Isaiah 37:19

ma kan orfeg e pi got rorad ni ku gathi bogi got, ya kemus ni bogi liyos ni gek’iy nge malang ni ngongliy e girdi’ nga pa’.

Luke 11:15

machane boch i yad e ga’ar, “I Beelzebul ni pilungen e mo’onyan’ e ir e ke pi’ gelngin e cha’ney be yag ni nge tuluf e pi mo’onyan’ ngar chuwgad rok e pi’in kar yinggad ngorad.”

Isaiah 37:12

Pi ga’ rog ni kakrom e ra buthiged e pi binaw nu Gozan, ngu Haran, ngu Rezef, miyad thang e pogofan rok e girdi’ nu Betheden ni ur pired u Telassar, ma dariy reb fapi got ko pi girdi’ nem ni aywegrad.

2 Kings 1:6

Mar fulweged, ni lungurad, “Ke yib be’ nib mo’on i mda’nagmad me yog ngomad ni nggu sulod nggogned ngom ni be ga’ar SOMOL ngom, ‘Mangfan ni ga be l’oeg e pi tamal’og ni ngar fithed laniyan’ Baalzebub, ni got nu Ekron? Mog, bochan e ga be leamnag ndariy e got u Israel? Dab kum gol ko re mad’ad rom nir; bay mum’!’”

2 Kings 1:3

Machane me yog ba engel rok SOMOL ngak Elijah, ni fare profet nu Tishbe, ni nge yan i mda’nag fapi tamal’og rok Ahaziah ni Pilung nge fithrad, ni nge ga’ar, “Mangfan ni gimed be yan ni ngam fithed laniyan’ Baalzebub, ni got nu Ekron? Mogned, bochan e gimed be leamnag ndariy e got u Israel?

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

Acts 20:9

Ma be’ ni kab pagel ni Eutykus fithingan e ke par nga langan e winda ngalang; ma nap’an ni be welthin Paul, ma be gel e chuchuw ngak Eutykus, me munmun me ri mol, me mul ko thal ndalip thal e naun nga but’. Ma fa’an ranod ra feked u but’, ma ke aw e fan rok.

Tang Ko Pitang 2:9

Adag rog e bod e gazelle, fa deer ni kabbitir. Ba’aram nib sak’iy u charen e rungrung. Ni be changar u winda nga naun me damit u thilin e sagel.

BABYOR NI JOB 31:3

Ma pi’ e riya’ nge mogothgoth nge yib ngak e pi’in yad ma rin’ e kireb.

1 Kings 22:34

Me pag ba salthaw nu Syria ba gan e gat’ing, ni gathi Ahab e leamnag ni nge aw ngak me aw ko peth ko madan e mael nike yin’ nga daken ni nge ayuweg ko mael. Me non ni ba ga’ laman ngak e en ir e ma yannag e chariot rok ni ga’ar, “Kug maad’ad!” Me ga’ar ngak, “Mu chuwegeg u fithik’ e mael!”

1 Kings 14:3

Mu fek i yan ngak ragag e flowa ni lof, nge boch e kek, nge ba melor i honey. Mag fith ngak ko mang e nge buch rok e re pagel ney ni fakdow, mra yog ngom.”

1 Samuel 5:10

Miyad pi’ fare Kahol ko M’ag nge yan ko binaw nu Ekron; fa’ani taw ngaram me non e girdi’ ni ba ga’ lamrad ni lungurad, “Kar feked fare Kahol ko M’ag rok fare Got nu Israel i yib ngaray ni nge li’dad ni gadad gubin!”

Judges 11:24

Ere gimed be guy rogon ni ngam fulwegned? Mu ted romed urngin e tin ke pi’ Kemosh ni got romed ngomed. Machane gamad e nge par romad gubin e tin ke pi’ SOMOL, ni Got romad ngomad.

Judges 5:28

Me changar e chitiningin Sisera nga wean u thilin e sagal ko winda; me ga’ar, “Mangfan nike pag nap’an ni nge yib e chariot rok? “Mangfan nike sag’al e pi os rok ko sul?

Isaiah 2:6

Got, ka mu n’ag e girdi’ rom, ni pi’in owchen Jakob! Fare binaw e ke suguy ngonglen e pi bey ko pi nam nu lan e ngek nge pong thagith ni bod yu Filistia. Girdi’ e yad be folwok u yalan boch e nam.

Joshua 15:11

Me yan fare mathil u rom nga daken bochi burey ni bay ko lel’och u Ekron, me cheal nge sor i yan nga Shikkeron, nge pag e Burey ni Baalah, me yan u rom nga Jamnia. Me yan i mus fare mathil ko fare gi Day ni Mediterranean,

1 Kings 22:40

Ma fa’ani yim’ Ahab me yan Ahaziah ni fak nga luwan nge mang pilung.

2 Kings 17:16

Ra th’abed urngin e motochiyel rok SOMOL ni Got rorad ngar ngongliyed l’agruw i wasay ni ya’an fak e garbaw ni pumo’on ni ngu’ur tedfan; mu kur ngongliyed ya’an fare got ni bpin ni Asherah, mu’ur tedfan e pi t’uf, mu’ur pigpiggad ngak fare got ni Baal.

Isaiah 19:3

Arme nggu wagageynag e tin ke tanomnag yu Egypt mu gu mulegan’rad. Bay rman ayuwgad ko pi liyos rorad, bay u ranod ko pi tapig ngu’ur fithed e thagith komang e bfel’ ni ngar rin’ed.