2 John 1:8 - Bible Ni Thothup

⁸ Ere mu ayuwgad, ya ri mul u pa’med e tin ni kad muruwliyed, ya nge yag ngomed urngin e tin ni ngan pi’ ngomed.

2 John 1:8 Referans Kwoze

Hebrews 10:35

Ere dabi mulan’med ngu’um pired nib pagan’med, ya bay wenegan ni ba ga’ nra yib ngomed.

Revelation 3:11

Dabi n’uw nap’an mu gub. Mu ayuweg e n’en ni bay rom, nge dabi fek be’ puluwom ko gel ni kam tay.

1 Korinth 3:14

Fa’anra dabi yik’ e n’en nike toy be’ nga daken e re def nem, ma bay puluwon nrayag ngak.

1 Korinth 3:8

Ma ta’reb rogon e en ni yung nge en ni pu’og e ran ngay; ya Got e bayi bagayow me pi’ puluwon u rogon e maruwel ni tay.

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Mark 13:9

“Mu ayuwgad. Ya bay ra koled gimed ngar feked gimed ngalan tafen e pufthin. Ma bay nli’med u tafen e mu’ulung i yan; ma bay ni piningmed nga p’eowchen e pi’in yad be yog e thin nge pi pilung ko nam ni bochag, ni ngam weliyed ngorad fare Thin Ni Bfel’ ni yib rok Got.

Galatia 3:4

Ba ga’ e gafgow ni kani tay ngomed ni bochan e Thin Ni Bfel’ ni yib rok Got, ere ngam n’iged nge yan i aw nike m’ayfan? Rib muduwgil ni bay fan!

John 4:36

Re mo’on ni ir e nge t’ar e woldug e yima pi’ puluwon ni nge kunukunuy e woldug nike el ni fan ko yafos ndariy n’umngin nap’an; ni aram e re mo’on ni yung e woldug nge re mo’on ni t’ar e woldug e bay ra felfelan’gow u ta’bang.

Galatia 4:11

Kug rusnagmed! Gur aram e urngin e maruwel ni kug tay ni fan ngomed e ke yan i aw ndariyfan?

Luke 21:8

Me ga’ar Jesus, “Mu ayuwgad ndab ni ban nagmed. Ya bo’or e girdi’ ni bay rabad ni yad be fek fithingag nra bagayad ma be ga’ar e ir gag, ma ku bayi lungurad, ‘Fare ngiyal’ i n’em e ke taw ngay!’ Dab manged bagayad.

Hebrews 10:32

Ki gimed manang rogomed ko tin ba’aram e rran nike yan nga tomur. Lan e pi rran nem u tomuren nike gal ram’en e tamilang rok Got nga dakenmed, e bo’or ban’en ni mu gafgowgad riy, machane gafgow ni i yib ngomed e de gel ngomed.

Filippi 3:16

Demturug rogon, machane ngdarod i yan ngam’on ni bod rogon fapi motochiyel ni ud folgad riy ke yan i mada’ ko chiney.

Mark 13:23

Ere mu ayuwgad! Ya kug weliy urngin ban’en ngomed u m’on ko ngiyal’ ni dawori taw ngay.”

Matthew 24:4

Me fulweg Jesus ni ga’ar, “Mu ayuwgad ma dab mpaged be’ nge ban nagmed.

Daniel 12:3

Ma pi’in yad ba gonop e bayi gal rama’enrad ni bod ram’en lanelang. Ma pi’in ni ur filed ngak bo’or e girdi’ ni ngu’ur rin’ed e tin nib mat’aw e bay ur pired ni be gal rama’enrad ni dariy n’umngin nap’an ni bod e pi t’uf.”

1 Korinth 15:8

Me gag e tomur ni ki m’ug ngog ni yugu aram rogon ni gu bod be’ nni gargelnag ndawori taw nga pulan.

Luke 19:19

Me ga’ar ngak fa’anem, ‘I gur e lal e binaw e nge milfan ngom ngu’um gagiyegnag.’