2 John 1:6 - Bible Ni Thothup

⁶ Fan e re bugithin ney ni gu be yog ni nge t’uf be’ rok be’ e aram e thingar da pired ni gadad be fol ko tin ke yog Got ngodad ni ngad rin’ed. Re bugithin ney nike pi’ Got ni ngan fol riy ni bod rogon ni kam rung’aged aram ko tabolngin e ba’aray nike ga’ar: thingar um pired ni gimed gubin nib t’uf bigimed rok bigimed.

2 John 1:6 Referans Kwoze

1 John 5:3

Ya ba’aray fan ni nge t’uf Got rodad: fan e ngad folgad ko tin keyog ni ngad rin’ed. Ma tin keyog ni ngad rin’ed e gathi rib mo’maw’,

1 John 2:24

Mu guyed rogon nge dab mpaged talin e thin rok Got nni fek i yib ngomed ni kam rung’aged ko som’on. Fa’anra dab mpaged talin e tin kam rung’aged ko som’on, ma aram e gubin ngiyal’ ni bay um pired ni kam ta’ab girdi’gad e en ni Fak Got nge en ni Chitamangiy.

1 John 2:5

Machane en nra fol ko thin rok Got e aram e cha’ ni rogon nib t’uf Got rok e ke yan i aw nrib fel’ rogon. Ireray rogon me muduwgil u wun’dad ni gadad be par u fithik’ Got.

John 15:10

Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog, ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.

John 14:15

“Fa’an gu ra t’uf romed, ma gimed ra fol ko tin kug ta’chiylen ngomed.

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

John 14:21

“En nra fel’ u wan’ e tin kug ta’chiylen ngomed me fol riy, e ireram e cha’ ni gub t’uf rok. Chitamag e ra t’ufeg e cha’ ni gub t’uf rok; ma ku er rogog ni ra t’uf rog mu gguy rogon nge nangeg.”

1 John 5:15

Demturug e ngiyal’ ni gadad ra ning ban’en ngak ma be rung’ag e n’en ni gadad be yog; ere fa’anra gadad manang nib riyul’ e re bugithin ney, me ere ka gadad manang ni gadad ra ning ban’en ngak ma ra pi’ ngodad.

2 John 1:5

Ere gu be wenig ngom, i gur e re pin nir ni gab t’uf rog: ni gadad gubin ni nge bagadad me t’ufeg bagadad. Re bugithin ney ni kug yoloy kug pi’ ngom e gathi bbugithin nib be’ech nike yog Got ni ngan rin’; ireray e re bugithin ni kan pi’ ngodad ko tabolngin.

Deuteronomy 13:4

Mu leked SOMOL ni Got romed mi i par madgun u wun’med. Mu ted nga tagil’ e tin keyog ni ngu’um rin’ed, mi gimed fol u lungun, mu’um pigpiggad ngak mi gimed par ni gimed ba yul’yul’ ngak.

John 14:23

Me fulweg Jesus ngak ni ga’ar, “En ni gub t’uf rok e ra fol ko thin rog. Ra t’uf rok e Chitamag, ma Chitamag nge gag e gamow ra yib ngak nggu pirew rok.

1 John 2:7

Gimed e pi tafager rog ni gimed ba t’uf rog, re motochiyel ney ni kug yoloy murung’agen ngomed e gathi bbe’ech; ya ka fare motochiyel ni kakrom ni ka fa binem ni immoy romed ko tabolngin. Fa bin kakrom e motochiyel e aram fare thin nni pi’ nge yib ni yigo’ kam rung’aged.