2 John 1:3 - Bible Ni Thothup

³ I Got ni Chitamangiy nge Somol Jesus Kristus, ni Fak e en ni Chitamangiy, e ngu’ur ayuwegew gadad, ma yow be runguydad, ma yow be pi’ e gapas nga lanin’dad, ngu’ud pired riy u fithik’ e yul’yul’ nge t’ufeg.

2 John 1:3 Referans Kwoze

1 John 4:10

Ba’aray rogon ni gadad ba t’uf rok Got: gathi ud pired nib t’uf Got rodad, ya ud pired ni gadad ba t’uf rok me l’oeg Fak nge yib, nu daken Fak e nge n’ag Got fan e denen rodad riy.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

1 Timothy 1:14

Ma Somol rodad e tow’ath nigeg ko ayuw ni pi’ ngog nge pag rogon me pi’ ngog fare mich nge t’ufeg ni fadad ko ta’ab girdi’ ni gadad ma tay Kristus.

1 Timothy 1:2

Ngak Timothy, nike mang be’ nri fakag u daken e mich u wun’uy ngak Kristus: I Got ni Chitamangiy nge Kristus Jesus ni ir e Somol rodad e ngu’ur ayuwegew gur ma yow be runguyem, ma yow be pi’ e gapas nga lanin’um.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

2 John 1:1

Re babyor ney e yib rok e en nib ilal — Ni yan ngak fare pin nge pifak ni bogni’ nri yad ba t’uf rog. Gathi kemus ni go’ gag, ya urngin e girdi’ ni karnanged e tin riyul’ ni gimed ba t’uf rorad,

2 Timothy 1:13

Dab mpag fapi thin nib riyul’ ni kug fil ngom, ya ir e ngu’um fol riy, mu um par u fithik’ e michan’ nge t’ufeg nma yag ngodad ko ta’ab girdi’ ni gadad ma tay Kristus Jesus.

Zekariah 8:19

“Fare pag abich ni yima tay ko bin ni aningeg, lal, medlip, nge bin ragag e pul e nge par ni bogi madnom ko felfelan’ nge paslagan’ rok e girdi’ nu Judah. Thangri t’uf romed e tin rriyul’ nge gapas.”