2 John 1:10 - Bible Ni Thothup

¹⁰ Fa’anra yib be’ ngomed ni gathi tin ni fil Jesus ngodad e ke fek i yib, ma dab mu pininged nga tabinaw romed; ni mus ni nge lungumed ngak, “Nge yib e gapas gom,” ma dab mogned ngak.

2 John 1:10 Referans Kwoze

Titus 3:10

Mu non ngak e en ni be ruw raba’nag e girdi’ ni dabi lich ko l’agruw yay, ma fa’anra dabi fol riy ma aram ma ga tem u orel rok.

2 Thessalonika 3:6

Pi walagmad ni girdi’en Kristus, gamad be ta’chiylen ngomed u fithingan Somol ni Jesus Kristus ni ngam ted gimed u orel rok urngin e pi’in walagey ni girdi’en Kristus ni yad bmalmal ndarir uned nga reb e maruwel, ma darir folgad ko fonow ni gu pi’ed ngorad.

2 Thessalonika 3:14

Sana bay be’ u wur ni bay dabi fol ko thin ni kug pi’ed ke yib ngomed u lan e gi babyor ney. Fa’anra bay mi gimed tay fanmediyan rok ngam pired rok u orel, nge mang ir e tamra’.

1 Korinth 5:11

N’en ni ir e gu be yog e dab um cheggad ngak be’ ni be yog ni ir reb i walagey ni girdi’en Kristus machane be ngongliy e ngongol ko darngal, ara ba chogow, ara ma tayfan mma meybil ngak e liyos nma meybil boch e girdi’ ngay, ara ma t’ar e thin nga daken e girdi’, ara be’ nib tamu’un rrum, ara ma th’ab e motochiyel. Mus ni ngam par nga but’ ngam un ngak e mit i girdi’ nem ko abich ma dab mu rin’.

2 John 1:11

Ya en nra yog e re bugithin ney ngak e yow ra mang ngabang ngu’ur rin’ew e kireb ni be rin’ fa’anem.

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Psalms 129:8

Dariy be’ nra yan u to’oben me ga’ar, “Mang e yigi fal’eg SOMOL wa’atham! Gamad be fal’eg wa’atham u fithingan SOMOL.”

Genesis 24:12

Me meybil fare tapigpig ni ga’ar, SOMOL, ni Got rok e masta rog i Abraham, mu ayuwegneg e daba’ nge yag ngog e tin kugubnag ma ga tay nga tagil’ e tin kamog ngak e masta rog ni bay mu rin’ ngak.

1 Kings 13:16

Machane me fulweg fare profet nu Judah, ni ga’ar, “Dabiyag ni nggu’un ngom nga tabnaw fa gu fanay e tin ga be t’ufegeg ngay. Ma ku dab gu wa’ fa gu unum ban’en ni kam pi’ u roy,

Acts 15:23

Miyad pi’ e babyor ngorad ngar feked ni ba’aray e thin riy. “Gamad e pi apostel nge pi’in pi’ilal, ni er walagmed, e be lungumad e nge felan’ Got ngak urngin pi walagmad ni pi’in nni gargelegrad ma gathi yad piyu Israel, ni yad be par u lan yu Antiok ngu Syria, ngu Cilicia.

3 John 1:10

Bay gub mu gu weliy ngomed urngin ban’en nike rin’: ni pin’en nib kireb nike yog ni murung’agmad nge urngin e tin ni be yog nde riyul’! Machane gathi kemus ara’; ya bmuduwgil ni gathi bayi changar ngak e pi’in walagdow ni girdi’en Kristus ko ngiyal’ ni bay rabad, ma ku bayi taleg e pi’in yad ba’adag ni ngar ayuweged yad, ma bayi guy rogon ni nge chuwegrad u lan e galesiya!