1 Timothy 6:21 - Bible Ni Thothup

²¹ Ya boch e girdi’ e karogned ni bay e re llowan’ nem rorad, ma wenegan ni be yib ngorad e kar olobochgad da ku ranod u rogon kanawo’en nib mich Got u wun’uy. I Got e ngi i ayuwegmed ni gimed gubin.

1 Timothy 6:21 Referans Kwoze

2 Timothy 2:18

Kar pagew kanawo’en e tin nib riyul’ e thin yow be kirebnag rogon nib mich Kristus u wan’ boch e girdi’ ni bochan e yow be yog ni ka ni mu’ i faseg e yam’.

1 Timothy 1:19

mu um par nib mich Kristus u wun’um ma dariy ban’en ni be yog lanin’um ngom ni kam rin’ nib kireb. Boch e girdi’ e darir folgad ko tin be puguran lanin’rad ngorad kar kireb niged rogon nib mich Kristus u wun’rad;

Kolose 4:18

Re bugithin ni ba’aray e ri gag Paul e gu yoloy nga pa’ag: Nge felan’ Got ngomed. Dab mpaged talin e chen ni ka nin’ ngog! I Got e ngi i ayuwegmed.

Hebrews 13:25

I Got e ngi i ayuwegmed ni gimed gubin.

Titus 3:15

Urngin e girdi’ ni yad bay rog e be lungurad e nge felan’ Got ngom. Mu weliy ngak e pi tafager rodad ni pi’in ke mich Got u wun’rad ma yad be par nike pagan’rad ngak ni gamad be yog ni nge felan’ Got ngorad. I Got e ngi i ayuwegmed ni gimed gubin.

2 Timothy 4:22

I Somol e ngi i par u lanin’um. I Got e ngi i ayuwegmed ni gimed gubin.

1 Timothy 6:10

Ya chogowen e salpiy e ir lik’ngin urngin mit e kireb. Boch e girdi’ e ri yad ba’adag ni nge yag ngorad ni aram tapgin ma kar mal’afgad u rogon ni nge mich Kristus u wun’rad, ma ke m’ingan’rad ke yib e kireban’ ni pire’ ngorad.

1 Timothy 1:6

Ya boch e girdi’ e kar pi’ed keru’rad ko pi thin ney kemang e tin ndariyfan ni yad be un i weliy e ke fekrad nga wuru’ e kanawo’.

Roma 16:23

Gayus, ni ir e gu be par rok, ni ir e ma mu’ulung girdi’en e galesiya nga tafen e keyog ni nge felan’ Got ngomed; mi Erastus, ni ir e tachibgil salpiy ko binaw, nge Quartus ni walagdad e karognew ni nge felan’ Got ngomed.

Roma 16:20

Mi Got ni ir e ma pi’ e gapas ngodad e dabki n’uw nap’an me pirdi’iy Satan u tan e rifrif u aymed. Ngi i par e runguy rok Somol Jesus rodad romed.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’