1 Timothy 4:8 - Bible Ni Thothup

⁸ Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

1 Timothy 4:8 Referans Kwoze

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

1 Timothy 6:6

Liyor ni yima tay ngak Got e ri ra fel’ rogon be’ riy ni fa’anra kefel’ u wan’ e tin bay rok.

Proverbs 22:4

Um par ni bay madgun SOMOL u wan’um, ma ba sobutan’um, me yo’or ban’en rom, ma ga par ni yibe ta’fam, me n’uw nap’am.

Proverbs 19:23

Mu fol rok SOMOL ma ga par nib n’uw nap’an e yafos rom, ma ga ba gaman ndariy ban’en nra buch rom.

1 John 2:25

Ma ba’aray e n’en ni yog Kristus nra pi’ ngodad — ni aram e yafos ndariy n’umngin nap’an.

Mark 10:30

e ka bo’or e tin nrayag ngak ko biney e tamilang nra reb ma ra’ay yay e ke mun ngay ni naun, nge pi walagen ni pumo’on, nge pi walagen ni ppin, nge pi chitiningin, nge pifak, nge yungi binaw ntafen, ma ku errogon e togopluw ni bay i tay e girdi’ ngak; ma bin ni bayib e tamilang e bay yag e yafos riy ngak ndariy n’umngin nap’an.

Psalms 37:29

Pi’in yad mmat’aw e bay ra pired u daken fare but’, me par ni taferad ni dariy n’umngin nap’an.

Psalms 37:11

machane pi’in ba sobut’anrad e bay ra pired u daken e nam, nge felan’rad nike yo’or ban’en rorad ma yad ba gapas.

Hebrews 13:9

Ere dab mpaged e pi machib nib thil ko biney nge fekmed nga wuru’ e wo’. Ya bfel’ ni gelngin lanin’dad ni nge gel e ngi i yib rok Got ngodad nib tow’ath, ma gathi bochan e gadad be fol u bogi motochiyel ni murung’agen e ggan; ya pi’in ni ur folgad ko pi motochiyel ney e de fel’ rogorad riy.

Isaiah 3:10

Pi’in mat’aw e yad ra felfelan’ mra fel’ e urngin rorad. Ma yad e bay ra felan’gad ko tin ur marwuliyed.

Eklesiastes 8:12

Be’ nib kireb e rayag ni nge rin’ e oloboch ni ra’ay yay ma ku be par nib fos. Ahh rriyul, gu manang ko mang e yad be yog: “Fa’anra um fol rok Got, ma urngin ban’en mra par ni bfel’ rogon,

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Titus 3:8

Re thin ney e ba riyul’. Gub adag ni ngar mu tamilangnag e girdi’ ko yu bugithin ney, ni fan e pi’in nib mich Got u wun’rad e ngar tiyan’rad ngar ngongliyed e ngongol ni bfel’. Ya tiney e bfel’ ma ba ga’ fan ngak e girdi’.

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

1 Korinth 8:8

Machane gathi ggan e ra chugur nagdad ngak Got; ere dariy ban’en nra mul rodad ni fa’anra dab da ked e re ggan nem, fa reb e mun ban’en ngodad ni fa’anra da ked e re ggan nem.

Jeremiah 6:20

Dariy fan u wun’ug e incense ni yad be fek u Sheba i yib ngog, ara spices nni fek u reb e nam nib orel. Dabi fel’ u wun’ug e tin yad be pi’ ngog; dabi fel’ u wun’ug e pi gamanman ni maligach ni yad be pi’ ngog.

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.

Psalms 37:9

Pi’in nib pagan’rad ngak SOMOL e yad ra tafnay e nam, ma pi’in kireb e bay ni tulufrad nga wuru’ e nam.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

1 Korinth 3:22

ni aram e gag Paul, nge Apollos, nge Peter; nge re fayleng ney, nge yafos nge yam’, ngiyal’ney nge yu ngiyal’ ni kabay ngam’on ni bay fini yib; urngin e pin’ey e yigo’o gimed e fanmed,

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

BABYOR NI JOB 36:11

Fa’an yad ra fol rok Got ngu’ur pigpiggad ngak, ma ra par e yafos rorad nib gapas ma bfel’ rogorad.

Matthew 12:32

En nra yog ban’en nib togopluw ngak e en ni Fak e Girdi’ e yira n’ag fan rok; machane en nra yog ban’en nib togopluw ngak fare Kan Nthothup e dabiyag ni yira n’ag fan rok — e chiney fa bi’id.

1 Timothy 4:7

Machane ngam tem u orel ko yat ni gathi murung’agen Got ndariyfan ni ngan weliy. Um par ma ga be muruwliy ni ngi i par pangim nib m’agan’ Got ngay.

1 Timothy 6:3

En nra machibnag yugu ban’en nde ta’reb rogon ko tin nib riyul’ e thin ni thin rok Somol rodad i Jesus Kristus nge rogon murung’agen ni gadad ma liyor ngak Got

1 Timothy 6:5

nge tugthin ni be yib rok e girdi’ nib kireb lanin’rad ndakuriy e thin rok Got u wun’rad ni ir e tin nib riyul’. Ma yad be finey ni liyor ni yibe tay ngak Got e reb e kanawo’ ni nge yib e salpiy ni pire’ riy.

2 Timothy 3:5

ma bay ur dake yad be liyor ngak Got, machane bay ra pi’ed keru’rad nga gelngin. Mu tem u orel rok e pi girdi’ nem.

Luke 5:38

Danga’! Wayin nib be’ech e ngan ngal’uweg ngalan e tutuw nib be’ech ni keru’ e gamanman!