1 Timothy 4:14 - Bible Ni Thothup

¹⁴ Dab mpag e tin nrayag rom ni Got e ke pi’ ngom, ni pi’ ngom ko fa ngiyal’ ni welthin fapi profet riy me tay e pi’in pi’ilal ko galesiya pa’rad nga dakenam.

1 Timothy 4:14 Referans Kwoze

2 Timothy 1:6

Ireray fan ni gu be puguran ngom ni ngam guy rogon ngam mon’og ko fare n’en ni gab salap riy nib tow’ath ni pi’ Got ngom ko fa ngiyal’nem ni gu tay pa’ag nga dakenam nggu yibilayem ngak Got.

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

Acts 6:6

Me fekrad fare ulung i yan nga p’eowchen e pi apostel, me tay e pi apostel pa’rad nga dakenrad ngar yibiliyed yad.

1 Timothy 5:22

Dab mu gur ngam tay pa’am nga daken be’ ngam yibiliy ni fan e nge muruwliy e maruwel rok Somol. Dab mu’un ko denen ni be ngongliy boch e girdi’; mu tem ni gab machalbog.

1 Thessalonika 5:19

Dab mmagawon niged e maruwel ni be tay fare Kan Nthothup;

Acts 13:3

Miyad par ndakur abichgad ngu’ur meybilgad, miyad tay pa’rad nga dakenrow ngar yibiliyed yow ngak Kristus, nge mu’ miyad l’oegrow ngranow.

Acts 8:17

Ma aram me tay Peter nge John pa’row nga dakenrad, me yib fare Kan Nthothup ngorad.

Acts 19:6

Me tay Paul pa’ nga dakenrad, me yib fare Kan Nthothup ngorad; miyad welthin ni thin nu bang ma ku yad weliy e thin rok Got.

Acts 11:30

Ma aram miyad rin’ ni aram rogon, miyad pi’ e re salpiy nem ngak Barnabas nge Saul ngar fekew i yan ngar pi’ew ngak e pi’in pi’ilal ko galesiya.

Acts 22:5

Fare Prist ni Th’abi Ga’ nge girdi’en e re ulung nem ni polo’ e rayag ni ngar micheged ni gu be yog e tin riyul’. Ra yoloyed e babyor ngar pi’ed ngog ni nggu fek i yan ngak piyu Israel ni yad boch pi walagdad ni yad be par u lan e binaw nu Damaskus, ma aram mu gu wan ngaram ni nggu kol e pi’in girdi’en Jesus nggu m’ag e chen ngorad nggu fekrad i yib nga Jerusalem ngan gechig nagrad.”

1 Timothy 4:15

Um rin’ e pin’ey ma ga tiyan’um ngay, nge yag ni guy e girdi’ ni gubin ni ga be mon’og i yan.

1 Timothy 5:17

Pi’in pi’ilal ko galesiya ni bfel’ e maruwel ni yad be tay ni aram e yad be gagiyegnag girdi’en e galesiya e susun e ngan tafinaynag ni bay rogorad ni nge bagayad min pi’ puluwon nike l’agruw yay, ni ba ga’ ni pi’in nrib gel e machib ni yad be tay nge thin rok Got ni yad be fil ngak e girdi’.

1 Timothy 5:19

Dab mmotoyil ko tin kanog nib togopluw ngak be’ nib ilal ko galesiya ni fa’anra de yib i yog l’agruw ara dalip e girdi’ ni yad e mich riy.

1 Timothy 6:12

Mu athamgil ngam mil nike musmus rogom ko sagreng ni yibe tay u rogon nib mich Got u wun’uy, ngam yagnag ngom e yafos ndariy n’umngin nap’an; ya ireray e re yafos nike piningem Got ngay ko fa ngiyal’nem ni mu weliy ni bfel’ rogon u p’eowchen bo’or e girdi’ rogon nike mich Kristus u wun’um.