Biblia Todo Logo
Bib sou entènèt

- Piblisite -




1 Timothy 4:10 - Bible Ni Thothup

10 Aram fan ni gadad be athamgil ma ba gel e maruwel ni gadad be tay, ni bochan e ke l’agan’dad ngak Got ni be par nib fos, ni ir e ke biyuliy urngin e girdi’ mma ayuwegrad, ni pi’in ke mich Kristus u wun’rad e ri ma ayuwegrad.

Gade chapit la Kopi




1 Timothy 4:10
40 Referans Kwoze  

ni ir e ba’adag urngin e girdi’ ni ngar thapgad ngak ma ngar nanged e tin nib riyul’.


Yu daken Kristus e ir e be n’ag Got fan e denen rodad riy, ni gathi kemus ni denen rodad, ya ku errogon e denen rok urngin e girdi’.


ni ir e pi’ ir nge biyuliy urngin e girdi’ ngak Got. Ireram e mich riy ko re ngiyal’ i n’en ni turguy Got, ni ba’adag Got urngin e girdi’ ni ngar thapgad ngak,


Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!


Ma kad guyed ma ka dogned ngak yugu boch e girdi’ ni en ni Chitamangiy e l’oeg Fak nge yib ni ir e en ni nge thapeg e girdi’ nu fayleng ngak Got.


me lungurad ko fare pin, “Ke mich u wun’mad Jesus ni gathi bochan e tin ni kam weliy ngomad, machane bochan e kug rung’aged e tin nike yog, ma aram e kug nanged nri ir fa’anem ni nge thapeg e girdi’ nu fayleng ngak Got.”


“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.


SOMOL ni Gubin ma Rayag Rom, rib felfelan’ e pi’in gur e ke lagan’rad ngom!


Ere ngdarod ngak nga wuru’ e binaw ngad uned ngak ko tamra’.


Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.


Kabfel’ ni nge pagan’uy ngak SOMOL ko bin ngan toer ko girdi’.


Me gag e gu bod bake gek’iy ni olive ni galunglung u lane naun rok Got; Ke pagan’ug ko t’ufeg rok ni dabi mus ni manechibog ko pi chibog.


Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.


Ya leamnag ni gafgow ni ngan tay ko moning ni fan ngak fare Messiah e ka ba ga’ fan nga urngin e machaf nu Egypt; ni fan e i par nike yip’ owchen ko tin ni kabay ngam’on ni bayi pi’ Got ni puluwoy.


Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.


Machane fa’anra gu sowath, ma re gi babyor ney e bay yog ngomed rogon pangidad ni nge par nrogon girdi’en e tabinaw rok Got, ni aram fare galesiya rok fare Got ni be par nib fos, nre galesiya nem e ir e duga’ me ir e be dunubiy fare thin nib riyul’.


Ya ba pagan’ ngak Got ma be yog ni ir Fak Got. Ere mu son gad ngad guyed ko ra yib Got i ayuweg e chiney fa!”


I SOMOL e rib manigil; ma yoror ko girdi’ rok u ngal’an e gafgow; ma ayweg e pi’in nra pigichelgad ngar sapgad ngak.


Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.


“Machane gu ra towaathnag be’ ni gag e ke pagan’ ngog.


Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.


Mu uned ngog i pining e sorok ngak SOMOL, ni gimed gubin e pi’in nike ayuwegmed u pa’ e to’ogor romed. I ir e ke lagmed u pa’ e pi to’ogor romed,


I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.


Fanam yal’uw e bod fini tolang e burey; ma fenam mat’aw e bod feni to’ar e rigur. Gur e ga ma chothowliy e girdi’ nge gamanman.


Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”


Machane Got e runguyeg nge ayuwegneg me pingegeg nggu par ni bod rogog e chiney, ma ayuw ni tay ngog e de aw nib m’ayfan. Ya ke thil, nike gel e maruwel ni kug tay ngak urngin e pi apostel, machane gathi gag e gu be rin’ u gelngig, ya Got e be ayuwegneg.


Susun e nggu m’ad, machane ir e ayuwegmad nda gu m’ad, ma bay i ayuwegmad i yan; me ir e ke l’agan’mad ngak ni bay ki ayuwegmad ko riya’ bayay,


Ren’ey e bfel’ ma ba felan’ Got ngay ni ir e ma thapegdad ngak,


Swiv nou:

Piblisite


Piblisite