1 Timothy 4:1 - Bible Ni Thothup

¹ Keyog fare Kan Nthothup nib tamilang ni boch e girdi’ e bay ra n’iged e michan’ rorad ngak Kristus ko tin tomuren e rran; miyad fol ko pi kan ni yad ma lifith l’ugunrad, ni aram e kar folgad ko machib rok e pi mo’onyan’.

1 Timothy 4:1 Referans Kwoze

2 Peter 2:1

Pi profet ni go’ bogi ban’en e m’ug u fithik’ e pi’in kakrom, ma ku aram rogon ni bay yib i m’ug e tamchib ni go’ bogi ban’en u fithik’med. Bay ra feked i yib ngomed e machib nra kireb nigey, ni machib nde riyul’, ma bay ra mithaged murung’agen e re Masta ni ir e ke biyuliyrad, ma aram miyad girngiy e riya’ nib tomgin nga dakenrad.

Jude 1:18

Ya fa’an rogned ngomed ni lungurad, “Ra taw ko tin tomuren e rran ma bayi m’ug e girdi’ ni bay ur moning niged gimed, ni girdi’ ni tin nib kireb ni yad be yim’ ni bochan, e ir e yad be fol riy.”

2 Peter 3:3

Bin som’on e thingar mu nanged ni tin tomur e rran e bay yib i m’ug boch e girdi’ riy ni tin ni yad be yim’ ni bochan e ir e be gagiyegnag pangirad. Bay ur mon’oggad ngomed

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.

2 Korinth 11:3

Kug rusnagmed nri yib e kireb nga fithik’ i lanin’med nge dab kum yul’yul’gad ngak Kristus, ni bod rogon ni bannag fare porchoyog Eva.

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.

1 John 4:6

Machane gadad e bmil fadad ngak Got. En ni manang Got e ma motoyil ngodad; ma en nde mil suwon ngak Got e der ma motoyil ngodad. Ireray kanawo’en me yag nda nanged e n’en nib thil ko Kan ko tin riyul’ nge kan ko tin nib oloboch.

John 16:13

Ngiyal’ nra yib fare Kan Nthothup nma dag e tin riyul’ e bayi pow’iymed ngam nanged urngin e tin riyul’. Gathi tin be leamnag e ra weliy ngomed, ya tin ke rung’ag e ra weliy ngomed, mra weliy ngomed e pin’en ni bay yib.

1 John 2:18

Pifakag, ke chugur nga tungun! Kanog ngomed ni bay yib e To’ogor rok Kristus; me ere chiney e bo’or e to’ogor rok Kristus nike yib i m’ug, ma aram fan ni kad nanged nike chugur ko tungun.

Daniel 10:14

Ku gub ni nggu tamilangnag lanin’um ko tin bayi rin’ e girdi’ ko nam rom. Fa pin’en ni kam guy e bogi n’en ni bay fini yib.”

Revelation 2:11

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Ya pi’in yad ra gel ndar paged yad ko kireb e dabki buch ban’en rorad ko yay ni migid e yam’ ni yira tay.”

2 Timothy 4:4

Ma bay ra pi’ed keru’rad ko tin nib riyul’ ndab kur rung’aged me mang yat e ra tiyan’rad ngay.

Revelation 20:10

Ma fare Mo’onyan’ ni ban nagrad e nin’ ngalan fare lipath i nifiy nge sulfur, ni ir e ka nin’ fare gamanman ngay nge fare profet ni yugu ban’en; ma aram e bay ni gafgow nagrad ni rran nge neap’ ndariy n’umngin nap’an.

Revelation 3:6

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Revelation 2:29

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Ezekiel 38:16

Bay mu cham ko girdi’ rog nu Israel ni bod bang i nifeng nib gel ni be th’ab daken fare nam. Nap’an nra taw ko ngiyal’ i n’em, ma bay gu l’oegem ngam giliwnag e binaw rog ni fan e nge gagyel ko pi nam ko gag Mini’, me dag fanag thothup ko n’en ni kug rin’ u dakanam.

1 Peter 1:20

Ni Got e turguy u m’on ko ngiyal’ ni ba’aram ndawori sunumiy e fayleng riy, ma ke yib i m’ug ngomed ko tin tomur ney e rran ni bochmed.

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.

Kolose 2:18

Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,

1 Korinth 10:20

Danga’! N’en ni gu be yog e aram e n’en ni ka ni pi’ ni maligach u daken e altar rok e pi’in ndar nanged Got e ka ni pi’ ngak e pi mo’onyan’, ma gathi ngak Got. Ma dabug ni ngam manged e pi mo’onyan’ ngabang.

Mikah 4:1

Tin bay fini yib e rran e fare burey ni bay e Tempel riy e bayi par ni ir e th’abi tolang u fithik’ e pi burey, ni bay nga daken gubin e pi burey. Bo’or e pi nam ni bay ra thelep gad i yan ngay

Jeremiah 49:39

Machane tomuren e bay gu gagiyegnag e girdi’ nu Elam ngki fel’ rograd bayay. I Gag SOMOL e kugog e pi thin ney.”

Jeremiah 48:47

Machane pi rran ni bay yib e bayi gagiyegnag SOMOL yu Moab nge sul e flaab rok nga tagil’ bayay. Gubin e pin’ey ni yog SOMOL e aram rogon nra taw ngay u puluwon yu Moab.

Isaiah 2:2

Tin bayib e rran nga m’on e re burey ni bay e Tempel riy e bayi par ni ir e th’abi tolang u fithik’ gubin e burey, nge m’ug ngalang u fithik’ gubin e burey. Pire’ e nam ni bay rabad ngay,

Deuteronomy 32:29

De pat ngan’rad ko mang ni kar waergad, der nanged fan ko mangfan nike yodorom.

Deuteronomy 4:30

Nap’an ni gimed ra aw nga fithik’ e gafgow ko pin’ey nike buch romed, ma tomuren e gimed ra sul ngak SOMOL ni Got romed ngam folgad rok.

Numbers 24:14

Me ga’ar Balaam ngak Balak, “Chiney e nggu sul ngak e tirog e girdi’, machane som’on e nggog ngom e n’en ni bayi rin’ e girdi’ nu Israel ngak e girdi’ rom ko tin bay yib e rran.”

Genesis 3:13

Me fith SOMOL ni Got fare pin ni ga’ar, “Mangfan ni mu rin’?” Me fulweg ni ga’ar, “Fare porchoyog e ban nigeg nggu way.”

Revelation 20:8

ma bayi yan ngi i bannag e pi nam nib wear u daken e fayleng ni polo’, ni aram yu Gog nge yu Magog. Ma bayi kunuyrad Satan nga ta’bang ni fan ko mael, ni yad bod urngin e yan’ ni bay u dap’e l’ay.

Revelation 19:20

Min kol fare gamanman ngan fek, nge fare profet ni yugu ban’en ni ir e i ngongliy e maang’ang u p’eowchen. (Pi maang’ang nem e ir e bannag e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an fare gamanman.) Ma fare gamanman nge fare profet ni go’ ban’en e yow l’agruw nnin’row ni ka yow ba fos ngalan fare lipath i nifiy ni sulfur e be urfiy.

Revelation 18:23

Ma gathi bay ku ni guy bayay ram’en e magal rom; ma gathi bay kun rung’ag laman e ppin nge pumo’on ni ngan m’ag e mabgol rorad. Ya girdi’ nma folchuway’ rom e ba ga’ buguwrad u fayleng ni polo’, ma kam bannag e girdi’ ko pi nam u fayleng ko pig rom ni yigo’o bogi ban’en!”

Revelation 13:14

Me bannag urngin e girdi’ ni yad be par u daken e fayleng ni bochan fapi maang’ang nni pag ni nge ngongliy u p’eowchen fa bin som’on e gamanman. Me yog fare gamanman ngak urngin e girdi’ nu fayleng ni ngar ngongliyed ba liyos ni ngan tayfan fare gamanman ni fa’an nni maad’adnag ko saydon, machane de yim’.

Revelation 9:20

Ma tin ni magey e girdi’, ni pi’in ndar m’ad ko pi gafgow ney e dar paged fapi n’en ni ur ngongliyed. Ma dar paged e meybil ni yad ma tay ngak e mo’onyan’ ma ku yad ma tay ko liyos nni ngongliy ko gol, nge silber, nge wasey nib row, nge malang, nge ren, ni bogi n’en ndabiyag ni nge guy ban’en, ara rung’ag ban’en, ara yan.

Revelation 3:22

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Revelation 3:13

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”

1 Korinth 12:11

Machane ta’ab Kan Nthothup e be rin’ urngin e pin’ey; ra be’ ma ba thil e bin nike pi’ e tow’ath ngak nrogon nike finey.

Acts 28:25

Ma aram miyad yan ndakir ta’reb lanin’rad u fithik’rad u tomuren nike yog Paul e re bugithin ni ba’aray ni ga’ar, “Rib fel’ rogon ni welthin fare Kan Nthothup u l’ugun fare profet ni Isaiah ni welthin ngak e pi chitamangimed!

Acts 17:18

Ma boch e tamchib ni yad girdi’en e Epikurean nge Stoik e ku ra welthingad ni yad be guy e en ni ir e ba sorok ko tin ni be yog. Me ga’ar boch i yad, “Cha’ney nde nang ban’en ma ba ufanthin e mang e be guy rogon ni nge yog?” Me ga’ar boch e girdi’, “Gowa be weliy murung’agen yugu boch e got u boch e nam.” Rogned e re bugithin ney ni bochan e be machibnag Paul murung’agen Jesus nge murung’agen e fos ko yam’ nike tay Jesus.

Acts 13:2

Nap’an ni yad be pigpig ngak Somol ma yad be pag e abich, me ga’ar fare Kan Nthothup ngorad, “Mu faled Barnabas nge Saul ngabang, ni nge mil farow ngog nge mang yow e ra ngongliyew e maruwel ni kug piningrow ni ngar muruwliyew.”

Ezekiel 1:3

U rom u Babylon u to’oben e lul’ ni Kebar, e gu rung’ag lungun SOMOL riy ni non ngog mu gu thamiy gelngin u fithik’ag.

Revelation 16:14

Yad e kan ni mo’onyan’ ni yad ma ngongliy e maang’ang. Dalip i kan ney e ka ranod ngak e pi pilung u fayleng ni polo’ ni ngar kunuyed yad nga ta’bang ni fan ko mael ni fan ko fare rran ni ba ga’ fan, ni Rran rok Got ni Gubin ma Rayag Rok.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

1 Kings 13:18

Ma aram me ga’ar fare profet ni pilbithir nu Bethel ngak, “Ma ku gag reb a profet ni bod gur, ma keyog SOMOL ngak ba engel ni nggu piningem ngam un nga tabnaw rog nggu nang salpem.” Machane fare profet ni pilbithir e be ban.

Jeremiah 23:26

Nge uw n’umngin nap’an ni ngi i par e pi profet nem ni yad be waliy e tirog e girdi’ nga wuru’ e kanawo’ ko malulifith ni yad be tunguy?

Matthew 18:7

Ke gafgow e girdi’ nu fayleng ni bo’or ban’en ni bay riy nma waliy e girdi’ ngar pi’ed keru’rad ngak Got! Pin’ey nma waliy e girdi’ ngar pi’ed keru’rad ngak Got e gubin ngiyal’ ni bay i yib — machane ri bayi gafgow e en ni ir e tabolngin e pin’em!

Luke 17:1

Me ga’ar Jesus ngak pi gachalpen, “Pin’en nma waliy e girdi’ nge mul nga fithik’ e denen e bmuduwgil nra yib; machane ri ra gafgow e en ni ir e ra fek i yib!

Acts 20:23

Kemus ni n’en ni gu manang e urngin e binaw nra gu taw ngay ma be yog fare Kan Nthothup ngog ni be son nigeg e kalbus nge gafgow ni bay ntay ngog.

Acts 21:11

Me yib ngomad, me fek e leed rok Paul, me m’ag ay nge pa’ ngay, me ga’ar, “N’en nike yog fare Kan Nthothup e ray nike ga’ar, ‘Cha’ ni fen e gi leed ney e ireray rogon ni piyu Israel e ngar m’aged u Jerusalem, miyad pi’ nga pa’ e pi’in gathi yad piyu Israel.’ ”

1 Korinth 2:10

Machane Got e ke dag ngodad u daken fare Kan ni Thothup rok e tin ni i tay nib mith. Ya Kan Nthothup e ma guy urngin ban’en, ni mus ko tin nda nnang ni kem’ay i leamnag rok Got.

1 Korinth 11:19

(Bmuduwgil nthingar mu yuraba’gad u fithik’med, nge yag ni gagiyel e pi’in nib mat’aw.)

James 3:15

Mit ney e gonop e gathi yib u tharmiy nga but’; ya gonop nib mil suwon ngaray nga fayleng, ma gathi fare Kan Nthothup e yib rok ya mo’onyan’ e yib rok.