1 Timothy 3:8 - Bible Ni Thothup

⁸ Pi’in ni ngu’ur ayuweged e galesiya e ku errogon nthingar ur pired ni bfel’ pangirad ma yad ba yul’yul’ ko maruwel rorad; ma thangri dab ra unumed e wayin ni pire’ ara ur chogow niged e salpiy;

1 Timothy 3:8 Referans Kwoze

Filippi 1:1

Re babyor ney e yib rok Paul nge Timothy, ni yow e tapigpig rok Kristus Jesus — Ngak urngin e girdi’ rok Got ni yad be par u Filippi, nike mich Kristus Jesus u wun’rad, nge pi’in yad be tay murung’agen girdi’en e galesiya nge pi’in yad be ayuweg girdi’en e galesiya.

Titus 2:3

Ma ku errogon ni ngamog ngak e pi’in kar puwelwolgad ni nge par pangirad ni bod yalen e pi’in ni ppin ni yad ma par nib mat’aw pangirad u mit Got. Ma thangri dab ur t’ared e thin nga daken e girdi’, ara ra pired ni kar manged sib ko wayin. Ma thingar ra filed e tin ni bfel’

1 Timothy 5:23

Dab mu unum e ran ni go’ ran, machane mu unum bochu’uw e wayin nge ayuweg e yal rom, ni bochan e yugu ma yib e m’ar ngom.

1 Timothy 3:3

me ir be’ nder ma balyang ko rrum ma der ma cham, machane be’ nib munguy ma ba’adag e gapas; ma thangri dabi chogownag e salpiy;

Levitikus 10:9

“I gur nge fapi pumo’on ni fakam e nap’an ni gimed ra unum e wayin ara ban’en ni yima ching ngay ma dab kumbad ngalan fare Tent u p’eowcheg; ya fa’an gimed ra rin’, ma gimed ra yim’. Ren’ey e nge par nib motochiyel rok e pi’in owchamed e chiney i yan nga ram.

James 3:10

Taab l’ugunef e ir e gadad be pining e magaer riy ngak Got ma ku ir e gadad ma yibilay e girdi’ ngay ni nge buch ban’en rorad. Pi walageg ni girdi’en Kristus! Dab mu yodoroygad!

Titus 1:7

Ya ke milfan e maruwel rok Got ngak, aram fan ni cha’ ni ir e be yog e thin rok e galesiya e nge par nib yal’uw. Ma thangri dabi ufanthin fa reb e ba papey e damumuw ngak, ara ba tamuun rrum, ara ba tacham, fa reb e ma chogownag e salpiy.

1 Timothy 3:12

Be’ ni ngi i ayuweg e galesiya e thangri par ni ta’reb e bpin rok, ma nge yag ni gagiyegnag e bitir rok nge girdi’en e tabinaw rok ni bfel’ rogon.

Ezekiel 44:21

Prist e thingar dab ra unumed e wayin u m’on ni ngranod ngalan e thal ni langgin e yoror.

Psalms 52:2

Ga be t’ar liben ni nge math owchen boch e girdi’; balowthem e bod bangi resa nib m’uth. Gubin ngiyal’ ni ga ma tunguy e thin.

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 5:9

N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

1 Peter 5:2

gimed e ngu’um gafaliyed fare ran’ i saf ni Got e ke pi’ ngomed, ngu’um gafaliyed yad nib m’agan’med ngay nrogon nib m’agan’ Got ngay ni ngam rin’ed, ma gathi ngu’um rin’ed nde m’agan’med ngay. Mu ngongliyed e maruwel romed ni gathi kemus ni bochan e salpiy ni yibe pi’ riy ngomed, machane ngam ngongliyed ni fan e ri gimed ba’adag ni ngam pigpiggad ngak Got.

Roma 3:13

K’angrad e bod ba low ko yam’ nike mab. Be lobeb e sasalap l’ugun nib kireb u bolowthrad nga but’, nge thin nib kireb ni be yib u dap’i l’ugunrad nga but’ ni bod rogon e yub rok e porchoyog;

Psalms 50:19

“Yigub puf langmed ko tin kireb; dariy e ngiyal’ ni gimed ma stuntun ko mululfith lugun’.

1 Timothy 3:2

En ni be tay murung’agen girdi’en e galesiya e thangri yan i aw ni be’ ni bfel’ thin nge pangin; thangri par ni ta’reb e bpin rok, ma ba gonop, mrayag ni nge t’ar laniyan’, ma bfel’ e ngongol rok; ma thangri m’agan’ ngay ni nge t’ufeg e milekag ni karbad nga tabinaw rok; ma thangri yag rok ni nge machib;