1 Timothy 3:6 - Bible Ni Thothup

⁶ Ma thangri dabi yan i aw ni ir be’ ni kafini pig kemang reb i girdi’en Kristus ndawori n’uw nap’an; ya richey nge uf nge turguy Got e gechig rok ni bod ni rin’ ngak fare mo’onyan’.

1 Timothy 3:6 Referans Kwoze

1 Timothy 6:4

e ba ufanthin, ma dariy ban’en ni manang. Ma ri ba’adag ni nge malu’ag thin me tugthin ngak be’ u murung’agen yu bugithin, ma ireray e ren’en nma sunumiy e awan’, mma wereg e girdi’, mma k’aring e thin nib kireb nganog, ma ir e ma pow’iy e girdi’ ngi i sana be’ ku be’ nib kireb e n’en ni be leamnag,

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

2 Korinth 12:7

Machane bochan e ngan tiyeg ndab gu ufanthin ni bochan e pin’en ni bfel’ nem ni kug guy, ma aram mi ni pi’ ba liliy ngog nib gel e amith riy, ni yib ni susun e mol’og rok mo’onyan’ ni nge pirdi’iyeg ya nge dab gu uf.

1 Korinth 8:1

Nggu wan nga murung’agen e ggan nni pi’ ngak e liyos nma meybil boch e girdi’ ngay. Bmuduwgil nriyul’ ni “gadad gubin ma ba tamilangan’dad u murung’agen,” ni bod ni kanog. Machane mit i tamilangan’ nem e ma gelnag e ufanthin ko girdi’; machane rogon ni nge be’ me t’uf be’ rok e ra yib wenegan ni bfel’.

1 Korinth 3:1

Pi walageg ni girdi’en Kristus, de yag ni gu welthin ngomed ni bod ni gu ma welthin ngak e pi’in bay fare Kan Nthothup rorad; ya thingar gu non ngomed ni bod ni yima non ngak e pi’in nib mil farad ko re fayleng ney, ni bod e pi’in girdi’en Kristus ni yad bod e pi’in bitir u rogon e michan’ rorad ngak Kristus.

Isaiah 2:12

Rofen nem e SOMOL ni Gubin ma Rayag Rok e bayi sobut’nag e pi’in ba gel gelngirad, nge gubin e pi’in tolngan’ nge ufanthin.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Proverbs 18:12

Pi’in tolangan’ e yad be bibiy e riya’ i yan; dariy be ni yira tayfan nge mada’ ko ngiyal’ nike sobut’an.

2 Kronicles 32:25

Machane ke uf Hezekiah ma daki pining e magaer ngak SOMOL ko urngin ban’en nike rin’ ni fan ngak, ma aram me yib e gafgow nga Judah ngu Jerusalem.

2 Kronicles 26:16

Machane nap’an ni par Uzziah ni Pilung nike gel gelngin me tolngan’, ma aram tapgin me mul pa’ ko pilung. I dariyfannag SOMOL ni Got rok ni bochan e yan ngalan fare Tempel ni nge urfiy e incense u daken fare altar ko incense.

2 Kings 14:10

Amaziah, chiney e kam gel ngak piyu Edom, ma aram e ka rim taf. Nge fel’ u wun’um e fla’ab rom mag par u tabnaw. Mang ni ngam k’aring e wagey ni kemus ni nge girengiy e riya’ nga dakenam nge girdi’ rom?”

Deuteronomy 17:20

Irera’ rogon ma dabi leamnag nib sorok boch ngak e pi’in yad nu Israel, ma dariy e ngiyal’ ni nge pi’ keru’ ko tin keyog SOMOL ni ngan rin’. Ma aram e ra par ngi i gagiyeg nib yo’or e duw, ma pi’in owchen e bay ur gagiyeg niged piyu Israel nib yo’or e mfen.

Deuteronomy 8:14

ma ngar mu guyed rogon ya richey nge tolangan’med ngam paged talin SOMOL ni Got romed, ni ir e chuwegmed u Egypt, ni um pired riy ni gimed e sib.

Jude 1:6

Mu tafinay niged fapi engel nra thum’gad nga wuru’ i mat’wunrad ni pi’ Got ngorad, miyad pag e gin ni yad ma par riy: ke tayrad Got u fithik’ e llumor u ar nike m’agrad ko chen ni dabi m’ay bi’id yad be sonnag fare Rran ni ba ga’ ni ir e bay ni gechig nagrad riy.

2 Peter 2:4

Ya fapi engel nra denengad e de ta’rad Got, ya tharbegrad nga infiyerno, ni aram e gin kan chen nagrad riy u fithik’ e lumor, yad be sonnag e Rofen ni Pufthin.

2 Timothy 3:4

ma dabiyag ni nge pagan’uy ngorad, ma dariyfan e girdi’ u wun’rad, ma yad ba uf; ma bayi t’uf e fafel rorad me tomur Got u wun’rad;

Luke 10:18

Me fulweg Jesus ngorad ni ga’ar, “Kug guy Satan nike mul u lanelang ni bod e uluch.

1 Timothy 3:7

Ma susun e ir be’ nma tay e girdi’ fan, ni girdi’ ni gathi yad girdi’en e galesiya, ni bochan e nge dabi kireb thin me mul ngalan e wup rok mo’onyan’.

Daniel 11:12

Ma bayi uf ni bochan e gel nike tay nge bochan e salthaw ni pire’ nike li’, machane dabiyag ni nge par i yan nib gel.