1 Timothy 3:16 - Bible Ni Thothup

¹⁶ Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

1 Timothy 3:16 Referans Kwoze

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Mark 16:19

Ma aram e fa’ani mu’ Somol Jesus ko numon ngak pi gachalpen min fek ngalang nga tharmiy, nge yan i par nga but’ nga ba’ ni mat’aw rok Got.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

Luke 24:4

Miyad sak’iy u rom ndawor ra nanged fan e ren’em, ma yugu ra gin gad ma ke sak’iy l’agruw i pumo’on nga to’obrad, ni be galgal ram’en e mad rorow.

Kolose 1:23

Thingar um pired ni gimed ba yul’yul’ ma gimed bmuduwgil ko n’en nike michan’med ngay, ma dab mpaged gimed nge maruwaran’med ko n’en ke lagan’med ngay, ni yag ngomed ko ngiyal’ ni mu rung’aged fare Thin Ni Bfel’. I gag Paul e gu mang reb e tapigpig ni bochan e re Thin Ni Bfel’ ney — nre Thin Ni Bfel’ ney ni kan machibnag ngak urngin e girdi’ u fayleng.

1 John 1:2

Ma nap’an ni yib i m’ug e re yafos nem ma gamad guy, ere gamad be weliy murung’agen ma gamad be weliy ngomed murung’agen e yafos ndariy n’umngin nap’an ni i par rok e en ni Chitamangiy mi nib ndag ngomad.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

1 Peter 1:12

I Got e dag ngak e pi profet nem ni maruwel ni yad be tay e gathi yad e nge yib fan ngorad, ya gimed, ni aram e ur weliyed murung’agen e tin nib riyul’ ni ir e kam rung’aged e chiney. Pi mol’og ko fare Thin Ni Bfel’ ni yad e ra welthingad u fithik’ gelngin fare Kan Nthothup nni pi’ u tharmiy nge yib e rogned e pi thin ney ngomed. Ireray e tin nib riyul’ e thin ni mus ngak e pi engel ni yad ba’adag ni ngar nanged fan.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Kolose 2:2

Gu be rin’ ni aray rogon ni bochan e nge athamgil lanin’rad miyad chichir nga ta’bang u fithik’ e t’ufeg rorad ngorad, me ri pagan’rad ko tin kar nanged fan ni ir e ba riyul’. Ma aram miyad nang e tin rib fel’ ni kem’ay i leamnag rok Got, ni er Kristus.

Kolose 1:27

Ya ba’aray rogon ni leamnag Got: i leamnag ni nge nang e girdi’ rok e tin immoy nda nnang, ni fare n’en nrib fel’ ni bay rok ni fan ngak girdi’en urngin e nam. Ere ren’em ni immoy nda nnang e ba’aray: Kristus e bay u fithik’med, ni fan e ren’ey e aram e gimed ra un ngak Got ko fla’ab.

Kolose 1:6

Fare Thin Ni Bfel’ e be yib wenegan ni bfel’ ngak e girdi’ ma be wear u fayleng i yan, ni bod rogon ni wear romed ni ka nap’an e chirofen ni som’on ni mu rung’aged rogon gelngin ni be runguy Got e pi’in nib tadenen ngari tamilangan’med riy.

Luke 22:43

Me yib ba engel nu tharmiy i m’ug ngak nge pi’ gelngin.

Matthew 3:16

Ma nap’an ni yugni tawfenag Jesus, me yib u fithik’ e ran nga talang. Me mab e tharmiy ngak, me guy fare Kan Thothup rok Got ni be yib u lang i yib nga but’ ni bod ba bulogol me yib i par nga daken.

1 John 3:5

Gimed manang ni m’ug Kristus ni bochan e nge fek e denen ko girdi’ nge chuweg, ma ir e dariy e denen rok.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

1 Timothy 3:9

ma susun e ngar chichiiyed pa’rad ko thin nib riyul’ ni kar nanged ko mich u wun’uy ngak Got, ma dariy ban’en ni be yog lanin’rad ngorad ni kar rin’ed nib kireb.

John 20:12

Me guy l’agruw i engel u lan fare low nib wechwech e mad rorow, ni kar pirew nga but’ ko gin ba’aram ni imoy downgin Jesus riy, ni bagayow e bay ko gin ni imoy lolugen Jesus riy, ma bagayow e bay ko gin ni imoy rifrifen ay riy.

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

Revelation 7:9

Ma fa’ani mu’ e biney mu gu sap, mu gguy e girdi’ nike mu’ulung ni pire’ ni pire’ — ndariy be’ nrayag ni nge theegrad! Nra bad u gubin e nam, nge ganong, nge gubin mit e girdi’, ngu gubin e thin, ni kar sak’iygad u p’eowchen tagil’ Got nge fare Fak e Saf, ni karon’ed e mad nib wechwech ni bay yuwan e fal’tir u pa’rad.

1 Peter 1:20

Ni Got e turguy u m’on ko ngiyal’ ni ba’aram ndawori sunumiy e fayleng riy, ma ke yib i m’ug ngomed ko tin tomur ney e rran ni bochmed.

Hebrews 7:7

Rib muduwgil ni en ni yibilay be’ e ba ga’ ngak fa’anem nike yibilay.

Efesus 6:19

Ma ku errogon gag ni ngu’um meybil niged gag, nge yag ni pi’ Got ngog e tin ba’adag ni nggu weliy, nge yag ni gu weliy ndab kug tamdag me yag ni gu tamilangnag fan e n’en nib mith ko thin ni bfel’.

Efesus 1:9

e rin’ riy e tin ke finey, me dag ngodad e n’en nike tay nib mith nike mu’ i leamnag rok ni nge libguy u daken Kristus.

Galatia 4:4

Machane fa’ani taw nga nap’an e ngiyal’ ni duwgiliy Got, me pi’ Got Fak nge yib. Me yib ni ba girdi’ e chitiningin, mi i par u tan fare Motochiyel rok piyu Israel,

1 Korinth 15:47

Bin som’on e Adam e ni ngongliy ko but’, ere be’ u roy u fayleng; ma bin migid e Adam e yib u tharmiy.

1 Korinth 2:7

Re gonop ni ir e gu be weliy murung’agen e gonop rok Got nib mith, nde nang e girdi’, ni Got e ke duwgiliy ke tay ni fan ko fla’ab rodad ni ka ngiyal’ ni ba’aram ndawor ni sunumiy e fayleng riy ma kem’ay i turguy rok.

Roma 10:18

Machane nggu fith ni nge lungug: Gur riyul’ ndar rung’aged e re thin rok Got nem? Rrung’aged — ni bod ni be yog e babyor nib thothup ni be ga’ar: “Lamrad e wear nga urngin yang u daken e fayleng, thin rorad e ke taw ko gin ni mus e fayleng riy.”

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

Galatia 2:8

Ya gelngin Got e ngongliyeg nggu mang reb e apostel nggu wan ngak e pi’in gathi yad piyu Israel, ni bod rogon Peter ni ngongliy Got rogon nge mang reb e apostel ngak piyu Israel.

Roma 9:5

yad owchen e pi chitamangidad nu Israel, mi Kristus ni ngal’ nib girdi’ e bmu’un ko re racha’ nem. I Got ni ir e be gagiyegnag urngin ban’en e nganog e sorok ngak ndariy n’umngin nap’an! Amen.

Acts 10:34

Me tabab Peter ko welthin ni ga’ar, “Ka fin gu nang e chiney nriyul’ ni gubin e girdi’ ma ta’reb rogorad u wan’ Got.

Roma 8:3

I Got e ke rin’ e n’en nde yag ni nge rin’ e Motochiyel ni fan ngodad ni bochan e gadad bme’ewaer nrogon e girdi’. Ke l’oeg Fak ke yib ni bay downgin ni bod rogon e dowef rodad nrayag ni nge denen, mu fithik’ e re dowef nem ni pi’ ni maligach e gechignag Got e denen riy.

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

John 16:28

Ku gub rok e en ni Chitamangiy ngaray nga fayleng; me ere chiney e bay gu chuw u roy u fayleng nggu sul ngak e en ni Chitamangiy.”

John 13:3

Ma manang Jesus ni en ni Chitamangiy e ke pag fan urngin ban’en ngak; ma manang ni yib rok Got ma bay sul ngak Got.

Luke 24:51

Ma nap’an ni be yibiliyrad, me yan rodad ni aram e kan fek i yan nga tharmiy.

Revelation 17:7

Me fitheg fare engel ni ga’ar, “Mang ni kam gin? Bay gog ngom e n’en nib mith ni ir e be yip’ fan e re pin nem nge re gamanman nem nike af e re pin nem nga daken, ni fare gamanman ni medlip lolugen ma ragag e gagey rok.

Revelation 17:5

Ma kan yoloy ba ngachal nga daken peri’ ni bay fan nib mith ni ga’ar: “Fare Babylon nib Gilbuguwan, ni ir e chitiningin urngin e ppin ni yad ma chuway’ ngorad nge urngin e kireb nu fayleng.”

Hebrews 8:1

N’en ni gadad be weliy murung’agen e ba’aray: bay fare Prist ni Th’abi Ga’ rodad nike par nga but’ u ba’ ni mat’aw u tagil’ Got ni Pilung ni Th’abi Tolang u tharmiy.

2 Thessalonika 2:7

Ma gelngin e N’en nib Kireb nib mith e ke tabab ko maruwel, machane n’en ni bayi buch e dabi buch nge yan i mada’ ko ngiyal’ ni yira chuweg u kanawo’ rok e en ni ir e be taleg.

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.

Acts 1:19

Urngin e girdi’ ni yad be par u Jerusalem e rrung’aged murung’agen e ren’em, ma aram miyad tunguy fithingan e re gi binaw nem ko thin rorad ni Akeldama, ni fan e re bugithin ney e “Binuwan e Racha’.”)

John 17:5

Chitamag! Mu gilnag buguwag u p’eowchem e chiney, ni fare gilbuguwan ni immoy rog nnap’an ni ug moy rom ko ngiyal’ ndawor ni sunumeg e fayleng riy.

John 15:26

“Fare Taayuw e bay yib, ni aram fare Kan ni Thothup nma dag e tin riyul’, ni bay yib rok e en ni Chitamangiy. Bay gu pi’ rok e Chitamag nge yib ngomed, me ir e bayi weliy murung’ageg.

John 6:62

Ra di’in an’med ni fa’an gimed ra guy e en ni Fak e Girdi’ nike sul ngalang ko gin ni immoy riy?

Luke 2:32

ni ir e tamilang ni nge dag e kanawo’ rom ngak e pi’in gathi yad piyu Israel, me gilnag buguwan e girdi’ rom ni piyu Israel.”

Mark 16:5

Ma nap’an nra chuwgad ngalan fare low ko yam’ miyad guy be’ ni kab pagel, nike par nga but’ u ba’ ni mat’aw rorad nike yin’ ba mad nib n’uw nib wechwech; miyad gin ngak, me yib e tamdag ngorad.

Mark 1:13

Me par Jesus u daken e ted ko gin ni bay e gamanman ni malboch riy ni aningeg i ragag e rran, mi i guy mo’onyan’ rogon e n’en nra rin’ me denen Jesus. Me yib e pi engel ngarbad ra pigpiggad ngak.

Matthew 28:2

Mi yigi yib ba durru’ ni ba ga’; me yib ba engel rok Somol u tharmiy nga but’ nge lulubiy fare gaf i malang nge chuw u langan fare low, me par nga daken.

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Matthew 4:11

Ma aram me pag fare mo’onyan’ Jesus; me yib e pi engel ngarbad ra pigpiggad ngak.

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Roma 10:12

Re bugithin ney e ke uneg urngin e girdi’ ngay, ya dariy ban’en nib thil rok piyu Israel nge pi’in gathi yad piyu Israel; i Got e ta’ab Somol rorad ni yad gubin, ma ri ma tow’athnag urngin e pi’in yad ma pining fithingan.

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

Roma 16:26

Machane chiney e kan dag e tin riyul’ u daken e tin ni yoloy e pi profet; mi Got ni bay i par ndariy n’umngin nap’an e ir e yog ni ngan wereg e re thin nem ngak urngin e nam, ni fan e nge urngin e girdi’ me mich u wun’rad e re thin nem ngar folgad riy.

2 Korinth 1:19

Yi Jesus Kristus, ni Fak Got, ni ir e kug machib niged Silas, nge Timothy murung’agen ngomed e gathi be’ ni ir e “Kefel’ ” nge “Danga’.” Gathi errogon, ya ir e “Kefel’ ” rok Got;

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 John 3:8

Ma en nra i denen i yan e ke par nike mil suwon ngak fare mo’onyan’, ya fare mo’onyan’ e ke denen ko tabolngin. Ireray fan ni yib i m’ug Fak Got, ni bochan e nge kirebnag e maruwel rok e re mo’onyan’ nem.

Luke 20:44

David e pining ‘Somol’ ngak. Ere ra di’in me yan i aw ni fare Messiah e ir owchen David?”