1 Timothy 2:8 - Bible Ni Thothup

⁸ Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

1 Timothy 2:8 Referans Kwoze

Psalms 134:2

Mu chibiyed pa’med ngalang ngam meybilgad u lan e Tempel, ngam pininged e sorok ngak SOMOL!

Psalms 63:4

Bay ug pining e magaer ngom u n’umngin nap’an e yafos rog; bay gu pug pa’ag ngalang nggu meybil ngom.

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

Titus 3:8

Re thin ney e ba riyul’. Gub adag ni ngar mu tamilangnag e girdi’ ko yu bugithin ney, ni fan e pi’in nib mich Got u wun’rad e ngar tiyan’rad ngar ngongliyed e ngongol ni bfel’. Ya tiney e bfel’ ma ba ga’ fan ngak e girdi’.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

Luke 24:50

Ma aram me fekrad nga wuru’ e binaw ngranod ra mada’gad nga Bethany, me tining pa’ nga dakenrad me yibiliyrad ngak Got.

Isaiah 1:15

“Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

1 Peter 3:7

Ma ku er rogomed e pi’in ni pumo’on ni ngu’um pired pi leengimed ma thingar um nanged ni yad mme’waer ko pumo’on, ere thingar um ted farad; ya ku er rogorad nra pi’ Got e tow’ath rorad ni yafos ni bod gimed. Mu rin’ed ni aray rogon nge dabi magawon ban’en ko meybil ni gimed be pi’ ngak Got.

1 Timothy 5:14

Ere kabfel’ u wun’ug ni pi’in ke yim’ figirngirad ma dawor ra pilibthirgad e ngar uned ko mabgol, ngar fakyed e bitir, mu ur ayuweged e tabinaw rorad, ngad guyed rogon ni dabi yib tapgin ni nge yog e pi’in nto’ogor rodad ni gadad ba kireb,

Acts 21:5

Ma fa’ani taw nga nap’an ni nggu paged yad, ma gamad yan. Ma yad gubin, ni cheag e ppin rorad nge pifakrad ngorad ngar uned ngomad i yib nga wuru’ e re binaw nem. Ma gamad ragbug nga but’ u daken e yan’ u dap’el’ay ni gamad gubin nggu meybilgad.

Acts 10:4

Me lik’ath ngak fare engel nike tamdag me ga’ar, “Be mang?” Me fulweg fare engel ni ga’ar, “Got e bfel’ u wan’ e meybil rom nge maruwel ni kam tay ni ga be ayuweg e pi’in gafgow, ma be leam nigem.

Acts 10:2

Ir be’ nma liyor ngak Got u wan’; me ir nge urngin e girdi’ nu tabinaw rok e yad ma meybil ngak Got. Ma ayuweg piyu Israel ni pi’in gafgow, ma yugu ma meybil ngak Got.

Acts 7:60

Me ragbug nga but’ me non nri ba ga’ laman ni ga’ar, “Somol, dab mu tay ngan’um e re denen ney ni nge togopluw ngorad!” I yog e re bugithin ney nge mu’ me aw e fan rok.

1 Korinth 7:7

Bin riyul’ riy e ku gub adag ni urngin e girdi’ ni ngar pired ni bod gag; machane ra be’ ma tin nrayag rok ni Got e ke pi’ ngak, ni be’ e ba’aray ban’en nrayag rok, ma ba’aram be’ ni yugu reb e ban’en e rayag rok.

Acts 10:31

me ga’ar, Kornelius! Ke rung’ag Got e meybil rom, ma manang e maruwel ni kam tay ni ga be ayuweg e pi’in gafgow.

John 4:21

Me ga’ar Jesus ngak, “Ppin, nge mich u wun’um e tin kugog, bayi taw nga ba ngiyal’ ni gathi bay ki meybil e girdi’ ngak e en ni Chitamangiy u daken e re burey ney ara lan yu Jerusalem.

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

Matthew 21:21

Me fulweg Jesus ni ga’ar, “Dab mpaged talin e re bugithin ni ba’aray! Fa’anra pagan’med nga gelngin Got nder maruwaran’med riy ma aram e rayag ni ngam rin’ed e n’en ni kug rin’ ko re ke gek’iy ney; gathi kemus ni biney, ku rayag ni nge lungumed ko re burey ney, ‘Mpuw ngalang ngam man mu aw nga maday,’ me rin’ ni aram rogon.

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Psalms 66:18

Fa’anra mang e gu sabalbalyang ko pi denen rog, ma dabi motoyil SOMOL ngog.

Psalms 26:6

SOMOL, kug maluknag pa’ag ni nggu dag ni bfel’ e rog, gu be liyeg e altar rom ni gu be liyor ngom.

Psalms 24:4

Pi’in machalbog e ngongol rorad nge leam rorad, nda rir tedfan e pi liyos ara rmicheged ban’en miyad thilyeg.

BABYOR NI JOB 16:17

machane dawor gu gad pa’ag ngak be’ ni nge buch e rog riy, ma meybil rog ngak Got e ri sum u ngorngoreg.

Matthew 6:12

Ma ga n’ag fan u wun’um e kireb romad, ni bod ni kug n’iged fan u wun’mad e kireb nike rin’ boch e girdi’ ngomad.

Proverbs 21:27

I SOMOL e ba fanenikay e ngiyal’ nma pi’ e pi’in kireb e maligach ngak, nri ngiyal’ yad ma pi’ nib kireb fan u wan’rad.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Psalms 35:13

Machane, gag e nap’an ni yad bm’ar, mu gu chuw nga madan e kirban’; mu gu pag e abich; Mu gu meybil ni kugup’ owcheg nga but’,

1 Kings 3:11

me ga’ar ngak, “Bochan e kam wenig ngog ni nggu pi’ e gonop ngom nge yag ni mu gagiyeg nib yal’uw, ma da mu wenignag ni nge n’uw nap’am ara yo’or ban’en rom, ara nge yim’ e pi to’ogor rom,

Psalms 28:2

Mu rung’ag lungug u nap’an ni gu ra man ayuw ngom, ko ngiyal’ ni ku gu chibiy pa’ag ngalang ko Tempel rom nib thothup.

Psalms 141:2

Nge fel’ u wun’um e meybil rog ni bod e incense, nge pa’ag ni kug tining ngalang ni bod ba maligach ni blayal’.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

2 Korinth 2:14

Machane ke magaer Got! Ya ta’ab girdi’ ni kad ted Kristus e gubin ngiyal’ ni be fekdad Got i yan ni gadad e kalbus ni yibe dag i yan ni bochan e gel nike tay Kristus. Got e be maruwel ngodad ni ngad muruwliyed nge nang urngin e girdi’ Kristus ni bod rogon ban’en ni bfel’ bon ni be wear u gubin yang i yan.

Filippi 1:12

Pi walageg, gub adag ni ngam nanged ni pin’en ni kug mada’nag e kari ayuweg i wereg fare Thin Ni Bfel’.

1 Thessalonika 1:8

Ya fare thin ni murung’agen Somol e wear romed ngak e girdi’ ni gathi kemus nu Macedonia ngu Greece e wear nge mada’ ngay, ya ku errogon murung’agen rogon nib mich Got u wun’med nike wear nga urngin yang. Ere dakuriy ban’en ni kabay ni nggogned.