1 Timothy 2:2 - Bible Ni Thothup

² aray rogon ni ngar meybilgad ni fan ngak e pi pilung nge urngin e girdi’ ni yad be tay murung’agen e girdi’, ni bochan e nge yag nda pired u fithik’ e mocha’ nge gapas, ni gadad be liyor ngak Got ma bfel’ pangidad.

1 Timothy 2:2 Referans Kwoze

Ezra 6:10

Thingar ni rin’ ni aray rogon ya nge yag nra pi’ed e maligach ni bfel’ u wan’ fare Got nu tharmiy, miyad meybilnag e fel’wa’athan nga dakenag nge ngak pifakag ni pumo’on.

Jeremiah 29:7

Mmaruwelgad ni fan ko pi binaw ni ku gu pi’med ngay ni kalbus. Mmeybilgad ngog ni fan ngorad, ni bochan e fa’anra fel’ rograd ma ku ra fel’ rogmed.

Proverbs 24:21

Fakag, mu digow ngak SOMOL ma ga tayfan e pilung. Ma dab mu’un nga ban’en nma rin’ e pi’in nma togopluw ngorow;

1 Thessalonika 4:11

Um athamgiliyed ngu’um pired ni gimed ba gapas, me mang e tiromed e maruwel e um leam niged, me bigimed mi i muruwliy e salpiy ni nge abich riy, ni bod rogon ni kug weliyed ngomed ko som’on.

Nehemiah 1:11

Mu telim ko meybil rog nge meybil rok urngin e tin ni kabay e tapigpig rom ni yad ba’adag ni ngu’ur ted fam. Mu man’og nigeg e daba’, ma ga gagiyegnag e en ni pilung nge runguyeg.” Ngiyal’nem e gag e ba milfan e wayin ko en pilung ngog.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

Roma 12:18

Mu rin’ed urngin e tin nrayag romed ngam pired ni ba aw e gapas u thilmed nge urngin e girdi’.

Psalms 72:1

Got, mu fil ngak e en ni pilung rogon i turguy ban’en nib mat’aw, mu gagiyegnag nge rin’ e tin ba yal’uw ni bod gur,

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

Acts 24:16

Ere gu ma guy rogon ni gubin ngiyal’ ni ngu’ug par u p’eowchen Got nge girdi’ ndariy ban’en ni be magawonnag lanin’ug u puluwog.

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Luke 2:25

Ma aram e immoy be’ nib mo’on ni be par u lan yu Jerusalem ni Simeon fithingan; ni ir be’ ni bfel’ ni bay madgun Got u wan’, ni be sonnag yu Israel ni ngan chuwegrad ko gafgow ni yibe tay ngorad. Ma bay fare Kan Nthothup rok,

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

2 Samuel 20:19

Re binaw romad ney e rib manigil, reb e tin nth’abi gapas mab yul’yul’ u lan yu Israel. Ere mangfan ni ga beguy rogon ni ngam gathay? Mog, gab adag ni ngam kirebnag ban’en nib milfan ngak SOMOL?”