1 Timothy 1:20 - Bible Ni Thothup

²⁰ ni Hymeneus nge Alexander e yow mu’un nga fithik’rad, ni kug pi’row nga gelngin Satan, ya ngar filew ni ngar talgow ndab ku rognew e thin nib kireb nib togopluw ngak Got.

1 Timothy 1:20 Referans Kwoze

2 Timothy 2:17

Ya n’en ni yad be fil ngak e girdi’ e ra yan i bod rogon ba malad ni be longuy e ufin u dowey. L’agruw ni’ ko pi tamchib ney e Himeneus nge Filetus.

1 Korinth 11:32

Machane be gechig nagdad Somol ni fan e nge dabi unegdad ngak e girdi’ nu fayleng nge gechig nagdad.

2 Thessalonika 3:15

Machane dab mu ted ni be’ ni to’ogor romed; ya ngam nonod ngak nge pag e tin be rin’, nrogon ni yira non ngak be’ ni walagey ni girdi’en Kristus.

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.

Acts 19:33

Me tafinaynag boch fapi girdi’ ni Alexander e bay rogon ko re mu’ulung nem, ni bochan e piyu Israel e tuwesriy ni ir e nge yan nga p’eowchen fapi girdi’ ni aram urngin. Me fanathin Alexander nga pa’ ni be guy rogon ni nge welthin nge tamilangnag e girdi’.

Revelation 13:1

Ma aram mu gguy ba gamanman nike yib u fithik’ e day ngalang, ni ragag e gagey rok ma medlip lolugen, nra reb e gagey rok ma bay ba kiy i te’eliyaw riy, ma ra reb e pi lolugen nem ma kan yoloy ba ngachal nib kireb ngay nib togopluw ngak Got.

2 Timothy 3:2

Ya bayi par e girdi’ ni kemus ni yad e yad be leam nagrad, ma kari gel e chogow rorad, ma kar ufanthin gad, ma ke tolangan’rad ni yad be leamnag nri ba ga’ farad; ma bay urogned e thin nib kireb ngak e girdi’, ma bay dab kur folgad rok e gallibthir rorad, ma bay dab kur pininged e magaer ngak be’ u lanin’rad, ma bay dab kur liyorgad ngak Got;

2 Timothy 2:14

Mpuguran e re bugithin ni ba’aray ngak e tirom e girdi’, ni ngam ta’chiylen ngorad u p’eowchen Got ndab ku ur lu’aged murung’agen yu bugithin. Ya dariy e fel’ nra yib riy, ya kemus nra kirebnag e pi’in yad be motoyil.

2 Korinth 10:6

Nap’an ni gimed ra micheg ni kam yul’yul’gad, ma aram e bay gu fal’eged rogomad ni nggu gechigniged e pi’in ndar yul’yul’gad u rogon e ngongol rorad.

Acts 13:45

Ma fa’ani guy piyu Israel fapi girdi’ ni aram urngirad, me yib e awan’ ngorad; miyad non nib togopluw ko thin ni be yog Paul miyad yog e thin nib kireb ngak.

2 Korinth 13:10

Aram fan ni kug yoloy e re babyor ney ko ngiyal’ ni kug bay u orel romed; bochan e nggu taw ngomed ma dab gu non ngomed nib gel u mat’wug nike pi’ Somol ngog — ni mat’wug ni ngug gelnagmed ngay, ma gathi nggu kireb nagmed ngay.

Matthew 18:17

Ma fa’anra dabi fol rorad, me ere mog fapi thin ni urngin ngak girdi’en e galesiya. Ma fa’anra dabi fol rok girdi’en e galesiya, ma ga tay ni gowa be’ u yugu reb e nam fa reb e tamukun tax.

1 Timothy 5:15

ni bochan e boch e ppin nike yim’ figirngirad e kar pi’ed keru’rad ngak Got kar folgad rok Satan.

Hebrews 12:5

Mogned, kam paged talin fapi thin ni bay u lan e babyor nib thothup nma pi’ e athamgil nga lanin’uy ni fa’ani be non Got ngomed pifak? Ni be ga’ar, “Fakag, mu tiyan’um ko ngiyal’ nike gechig nigem Somol riy, ma dabi mulan’um ko ngiyal’ nra puwan’ ngom.