1 Timothy 1:2 - Bible Ni Thothup

² Ngak Timothy, nike mang be’ nri fakag u daken e mich u wun’uy ngak Kristus: I Got ni Chitamangiy nge Kristus Jesus ni ir e Somol rodad e ngu’ur ayuwegew gur ma yow be runguyem, ma yow be pi’ e gapas nga lanin’um.

1 Timothy 1:2 Referans Kwoze

Titus 1:4

Gu be yol ngak Titus, ni en nriyul’ ni fakag u fithik’ e michan’ romow ngak Kristus ni be lungug: I Got ni Chitamangiy nge Kristus Jesus ni ir e ma thapegey ngak Got e ngu’ur ayuwegew gur ma yow be pi’ e gapas nga lanin’um.

2 Timothy 1:2

Ngak fakag i Timothy nib t’uf rog ni be lungug: I Got ni Chitamangiy nge Kristus Jesus ni Somol rodad e ngu’ur ayuwegew gur ma yow be runguyem ma yow be pi’ e gapas nga lanin’um.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

2 Timothy 2:1

Me gur, fakag, e ngam fek gelngim ko ayuw ni be pi’ Got ngodad u daken e ta’ab girdi’ ni kad ted Kristus.

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

1 Thessalonika 3:2

ma gamad l’oeg Timothy ni walagdad ni girdi’en Kristus ni be un ngomad i muruwliy e maruwel rok Got, ni aram e gamad be machibnag fare Thin Ni Bfel’ ni murung’agen Kristus. Gu l’oeged ni nge pi’ e athamgil nga lanin’med me gelnag e michan’ romed ngak Kristus,

Galatia 1:3

I Got ni Chitamangidad nge Somol rodad i Jesus Kristus e ngu’ur ayuwegew gimed ma yow be pi’ e gapas nga lanin’med.

1 Timothy 1:12

Gu ma pining e magaer ngak Kristus Jesus ni ir e Somol rodad, ni ir e ma pi’ gelngig ko maruwel ni gu be tay. Gu ma pining e magaer ngak ni bochan e be finey nrayag ni nge pagan’ ngog, nge bochan e turguyeg ni nggu pigpig ngak,

1 Timothy 6:20

Timothy, mu ayuweg e n’en ni gur e kan pag fan ngom ni ngam ayuweg. Dab mu’un i yog e thin nma yog e pi’in ndariyfan Got u wun’rad nge tugthin ndariyfan ni murung’agen e llowan’ nike balyang boch e girdi’ karogned e llowan’ ngay.

Titus 2:2

Mog ngak e pi’in kar pumo’ongad ni ngar pired ni yad bmuduwgil, ma ngar pired ni yad ba gonop, ma nge yag nra t’ared lanin’rad ko tin nde mat’aw; ma nge yal’uw rogon nib mich Kristus u wun’rad, nge rogon nib t’uf Got rorad nge girdi’, nge rogon ni ngar k’adedan’rad.

Titus 3:15

Urngin e girdi’ ni yad bay rog e be lungurad e nge felan’ Got ngom. Mu weliy ngak e pi tafager rodad ni pi’in ke mich Got u wun’rad ma yad be par nike pagan’rad ngak ni gamad be yog ni nge felan’ Got ngorad. I Got e ngi i ayuwegmed ni gimed gubin.

2 John 1:3

I Got ni Chitamangiy nge Somol Jesus Kristus, ni Fak e en ni Chitamangiy, e ngu’ur ayuwegew gadad, ma yow be runguydad, ma yow be pi’ e gapas nga lanin’dad, ngu’ud pired riy u fithik’ e yul’yul’ nge t’ufeg.

3 John 1:4

Dariy ban’en nrib gel e felfelan’ nra pi’ ngog ko bin ni nggu rung’ag murung’agen pifakag ni yad be fol ko tin riyul’.

Jude 1:2

Runguy nge gapas nge rogon ni gimed bt’uf rok Got nge rogon ni bt’uf Got romed nge girdi’ e ngi i par u lanin’med nge yan i mus ngarogon.