1 Timothy 1:10 - Bible Ni Thothup

¹⁰ ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

1 Timothy 1:10 Referans Kwoze

Levitikus 18:22

Dariy be’ nib pumo’on ni ngar pirew reb e pumo’on; rib fananikay Got e binem.

2 Timothy 4:3

Ya bay ba ngiyal’ ni bayi taw ngay me dabuy e girdi’ ni ngar motoyilgad ko bin nib riyul’ e machib, miyad fol ko tin yad ba’adag, ma bay uranod ngu’ur gayed i yan e pi’in nge machib nagrad ni yad e bay ra machib niged ngorad e tin ir e yad be yim’ ni bochan ni ngar rung’aged.

Roma 1:26

Bochan e yad be rin’ e pin’ey, ma aram e pagrad Got yad be rin’ e tin ni yima tamra’ ngay ni ir e yad be yim’ ni bochan. Mus ngak e pi’in ni ppin ni kar chealgad ngorad yad be par ni gathi aram yalen.

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

1 Timothy 6:3

En nra machibnag yugu ban’en nde ta’reb rogon ko tin nib riyul’ e thin ni thin rok Somol rodad i Jesus Kristus nge rogon murung’agen ni gadad ma liyor ngak Got

Jude 1:7

Mu tafinay niged fare binaw nu Sodom nge binaw nu Gomorrah, nge tin ni bay e binaw u to’oben ni girdi’ riy e i ngongol ni bod e n’en ni rin’ fapi engel nra thum’gad nga wuru’ i mat’wunrad, ya girdi’ riy e ur ngongliyed e ngongol ko darngal, ma i darngalnag e pumo’on e pumo’on: kar gafgowgad ko gechig u fithik’ e nifiy ni dabi math bi’id, ni aram e kar manged puguran ngak urngin e girdi’.

Titus 1:9

Ma thangri dabi pag e thin rok Got ni ir e nge pagan’uy ngay, ma ba puluw ko tin ni yibe machibnag ngak e girdi’. Ireray kanawo’en me fil e tin nib riyul’ ngak boch e girdi’ me pi’ e athamgil nga lanin’rad, me ki dag ngorad e oloboch nike tay e pi’in yad be togopluw ko re thin ney.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Hebrews 13:4

Mabgol e urngin e girdi’ ni nge tayfan, ma pumo’on nge ppin ni kar uned ko mabgol e thingari bagayad mi i par nib yul’yul’ ngak bagayad. Ya ra gechignag Got e pi arorad ni be ngongliy e ngongol ko darngal nge pi’in yad be par e girdi’ ni gathi mabgol rorad.

Levitikus 20:13

Fa’anra par be’ ni pumo’on nge ku reb e pumo’on, ma kar ngongliyew ban’en nib sonogor; yow l’agruw ni yira thang e fan rorow. Yow tapgin e yam’ ni kartew.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

2 Timothy 1:13

Dab mpag fapi thin nib riyul’ ni kug fil ngom, ya ir e ngu’um fol riy, mu um par u fithik’ e michan’ nge t’ufeg nma yag ngodad ko ta’ab girdi’ ni gadad ma tay Kristus Jesus.

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

Exodus 21:16

“En nra iring be’ nge pi’ nchuway’ ara nge mang sib rok, e yira thang e fan rok.

Genesis 19:5

Miyad tolulnag Lot ni yad be fith, “Bu uw fa gali pumo’on ni karbow ni ngar pirew rom e nep’ ney? Mfekrow i yib ngomad nga wean nggu pired.” Pi pumo’on nu Sodom nem e kar darngal niged e gali milekag nem.

Titus 1:13

Tin keyog e ba riyul’. Ireray fan nthingar mu puwan’ ngorad nib gel, ni bochan e nge mich Kristus u wun’rad ni bfel’ rogon,

Exodus 20:7

“Dab i un fithingag u l’ugunmed ni yugu dariy fan, I gag fare SOMOL ni Got romed, e gu ra gechignag e pi aromed ni be dariy fannag fithingag.

Revelation 18:13

nge cinnamon, nge florida, nge incense, nge myrrh, nge frankincense, nge wayin nge gapgep, nge flowa ni dawor ni lith nge wheat ni yima ngongliy e flowa riy, nge garbaw nge saf, nge os nge karrow, nge sib, nge mus ko pogofan rok e girdi’.

Zekariah 8:17

Dab mu tanom niged wo’en ni ngam gafgow niged bochi gimed. Dab mu mow gad ni gimed be micheg ban’en ni de riyul’. Gub fananikan e sasalap l’ugun, nge tin nde mat’aw, nge mod yargal.”

Hosea 10:4

Thin ni yad ma yog e dariy gam’ingin ma tin yad ma micheg e go’ ban nge m’ag ko thin u thilrad e bm’ayfan. Ngongol nib mat’aw e ke pilyeg ke ngongol ni de mat’aw, ni be ilal ni bod e pan ni yub u lan e milay’ ni kan gi’ e but’ riy.

Deuteronomy 24:7

“Fa’anra cheal be’ nu Israel nge iring reb e girdi’ nu Israel nge mang sib rok fa pi’ nchuway’ nge mang sib, ma ngan thang e fan rok. Aray rogon mi gimed chuweg e biney e kireb u lan e nam romed.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Zekariah 5:4

I SOMOL ni Gubin ma Rayag Rok e be yog ni bay i l’oeg e re buch wa’athan ney nge yan, nge chuw ngalan e naun rok e pi’in tamororo’ nge lan e naun rok e pi’in ma mow ni go’ bogi ban’en. Ra par u lan e pi naun rorad ngar pired ni dakriy e fel’ rorad.”

Genesis 40:15

Ya ni fekeg ko nam rok e Hebrew nda nnangeg, mu roy e da gu rin’ ban’en nib kireb riy ni gomanga ir tapgin ni ngan teg nga kalbus.”

Genesis 37:27

Ngad pi’ed ngak e pi Ishmaelite ney nchuway’. Ya gadad ra rin’ ni aray rogon ma dab kud maad’adgad ngak; ya ir be’ ni walagdad, ni bang u dowdad ma gadad ta’ab racha’.” Me fel’ u wan’ pi walagen ni nge par ni aram rogon.

1 Timothy 4:6

Fa’anra mog e pi thin ney ngak walagdad ni girdi’en Kristus ma ga ra mang reb e tapigpig ni bfel’, ni tapigpig rok Kristus Jesus, ma aram e ga be duruw’iyem ko thin ko mich u wun’uy ngak Kristus nge bin nib riyul’ e machib ni ir e kam fol riy.