1 Samuel 9:20 - Bible Ni Thothup

²⁰ Ma fapi dongki nike gaman dalip e rran ni karanod ngabang e dab mu rus nigew, ya kan piri’egrad. Machane mini’ e en nrib magan’ piyu Israel ngak? I gur — gur nge girdi’en e tabinaw rok e chitamam.”

1 Samuel 9:20 Referans Kwoze

1 Samuel 8:5

me lungurad ngak, “Mu sap, kam pilibthir, ma gal fakam e darir folwokgow rom. Ere mu pilungnag be’ nge mang ir e i gagiyeg nagmad, ni bod rogon yugu boch e nam.”

1 Samuel 12:13

“Ere ba’aray fare pilung ni gimed e mogned ni nge yib ngomed; gimed e mu ninged, ere chiney e ke pi’ SOMOL ngomed.

1 Samuel 9:3

Ma bay boch e gamanman ni dongki ni fak Kish ni karanod ngabang, me ga’ar ngak Saul, “Mfek reb e tapigpig nge un ngom ngam marow ngam gayew fapi dongki.”

Kolose 3:2

Um pired ni be l’agan’med ko pin’en ni bay u tharmiy, ma gathi pin’en ni bay u roy u fayleng.

Psalms 62:10

Dabi pagan’med nga fanmed yargal; dabi l’agan’med ko n’en ni yibe iring; ma ku ra mun daken e fel’ rogon romed, ma dabi pagan’med ngay.

1 Kronicles 29:3

Ma ku gon’ nga daken e tiney ni gubin e tirog e silber nge gol ni bochan e rib t’uf rog e Tempel rok Got.

1 Samuel 12:15

Machane fa’anra dab mu telmed ngak SOMOL mi gimed par ndab mu folgad ko tin keyog, mra togopluw ngomed nge pilung romed.

1 Samuel 8:19

Ma fapi girdi’ e dar motoyilgad ko tin keyog Samuel ngorad. Miyad fulweg ngak ni lungurad, “Danga’! Gamad ba’adag reb e pilung,

1 Samuel 4:20

Ma be yib e yam’ ngak, me ga’ar fapi ppin ni yad be ayuweg, “Mu gelnag lanin’um! Ya ba pumo’on fakam.” Machane de motoyil ngay ara fulweg.

1 Samuel 9:19

Me fulweg Samuel ngak ni ga’ar, “I gag e en nma guy ban’en. Mm’onow rog ko gin yima meybil riy. Ya gimew e ngam unew ngog e daba’ ko abich. Ma bayi gabul ni kadbul mu gu pi’ e fulweg ko tin ngam fithew ngog mi gimew yan.

1 Samuel 10:16

Me fulweg Saul ni ga’ar, “I yog ngomow ni ka ni piri’egrad,” machane de weliy ngak e tin keyog Samuel ni murung’agen ni bayi pilung.