1 Samuel 9:15 - Bible Ni Thothup

¹⁵ Ka reb e rran riy ndawori taw Saul, me ga’ar SOMOL ngak Samuel,

1 Samuel 9:15 Referans Kwoze

Acts 13:21

Ma fa’anra weniggad ngak Got ni nge pi’ ba pilung ngorad, me pi’ Got Saul ngorad, ni be’ nib mo’on ni fak Kish, ni yib ko ganong rok Benjamin, me par ni ir e pilung rorad ni aningeg i ragag e duw nap’an.

1 Samuel 15:1

Me ga’ar Samuel ngak Saul, “I gag e en ke pi’eg SOMOL ni nggu gapgepnag lolugem ngam par ni kam mang pilung rok piyu Israel ni girdi’ rok. Ere mu telim ko thin nike yog SOMOL ni Gubin ma Rayag Rok.

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Psalms 25:14

SOMOL e tafager rok e pi’in yad be fol rok, ma micheg ngorad e m’ag u thilrad.

BABYOR NI JOB 33:16

Ma pagrad ngar rung’aged e n’en ni be yog, miyad rus ko tin ni be puwan’nag ngorad.

2 Samuel 7:27

SOMOL ni Gubin ma Rayag Rom, ni gur e Got rok piyu Israel! Bochan e kam gagiyegnag kug nang e pin’ey, ni gag e tapigpig rom, ya kam weliy ngog ni bay um gagiyegnag ngi i par e pi’in owcheg ni yad e bay ur pilunggad, ma aram fan nda gur tamdag ni nggu meybil ngom ni aray rogon.

1 Samuel 20:2

Me fulweg Jonathan ni ga’ar, “Danga’, ri dab mum’! Chitamag e gubin ban’en nma rin’ mma weliy ngog, ndemturug ko ban’en ni ba ga’ fan fa dangay, ma dabiyag ni nge mithag rog e bug nir e thin. Ere gathi er rogon!”

Acts 27:23

Ya fowngan e Got ni gag girdi’en me ir e gu ma meybil ma gu ma liyor ngak e yib ba engel rok ngog

1 Samuel 9:17

Fa’ani guy Samuel Saul me ga’ar SOMOL ngak, “Irera’ fare mo’on ni gu weliy murung’agen ngom. Ir e bayi gagiyegnag e girdi’ rog.”

1 Samuel 9:14

Aram miyow yan ko fare binaw, ma nap’an nranow nga langgin mi yow guy Samuel nike yib ni aram e nge yan ko gin ba’aram ni nga ni meybil riy.

1 Samuel 3:21

Me par SOMOL ni be yib i m’ug u Shiloh, ko fa gin’em ni yib i m’ug riy ngak Samuel nge welthin ngak. Ere fa’anra welthin Samuel, ma urngin e girdi’ nu Israel ni yad ma motoyil ngak.