1 Samuel 6:6 - Bible Ni Thothup

⁶ Dab mu gel niged lanin’med ni bod ni rin’ Farao nge girdi’ nu Egypt. Dab mpaged talin nga rogon ni gagiyeg nagrad Got ngar ngongolgad nga fithik’ e balyang, ma fin ngiyal’ nra paged piyu Israel ngar chuwgad u Egypt e dakur yodoromgad.

1 Samuel 6:6 Referans Kwoze

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Exodus 8:15

Fa’ani guy fare pilung nike manigil boch gubin ban’en, me gelnag laniyan’ bayay nge daki fol ko tin keyog Moses nge Aron, ni bod rogon ni yog SOMOL.

Exodus 7:13

Me gelnag Farao ni pilung laniyan’, nde fol ko thin ni ka rognew, ni bod rogon ni fa’ani yog SOMOL.

Exodus 9:34

Ma fa’ani guy Farao nike tal e n’uw nge ayis ni be mul nga but’, ma dakir chub e dirra’, me denen bayay ni aram e ke gelnag laniyan’, ni ir nge pi tolang u tan pa’.

Hebrews 3:13

Machane rogon ni ngam pired ndariy bigimed ni ngeb e denen i bannag nge gelan’ e thingari bigimed me ayuweg bigimed ni gubin e rran, ni n’umngin nap’an ni fare rran ni “Daba’ ” ni be yog e babyor nib thothup murung’agen e be yip’ fadad.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Psalms 95:8

“Dab mu gel niged lanin’med, ni bod ni rin’ pi chitamangimed u Meribah, ni bod e n’en nrin’ed fa rofen nem u daken e ted u Massah.

BABYOR NI JOB 9:4

I Got e rib gonop ma rib gel gelngin; dariy be’ nrayag ni nge chugur ni nge ta’reb gelngirow.

Exodus 14:23

Me lol’oegrad piyu Egypt nga maday, nib mu’un urngin e os rok Farao ngay, nge pi chariot rok, nge pi’in yad be yannag e pi chariot nem.

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Exodus 8:32

Machane miki gelnag Farao laniyan’, nde pag piyu Israel ngranod.

Exodus 4:21

Me ga’ar SOMOL ngak Moses, “Chiney e aram e ngam sul nga Egypt, ma ngam guy rogon ngar mu ngongliy u p’eowchen Farao urngin fapi maang’ang ni kug pi’ gelngim ni ngam ngongliy. Bay gu gagiyegnag nge gelnag laniyan’, nge dabi pag e girdi’ nu Israel ngranod.

Exodus 7:14

Ma aram me ga’ar SOMOL ngak Moses, “Farao ni pilung e kari gelnag laniyan’; ndabi pag piyu Israel ngranod.