1 Samuel 6:17 - Bible Ni Thothup

¹⁷ Pi Filistine e ra pi’ed lal i gol ni ya’an e bir ngak SOMOL ni tow’ath nge bayul rorad ngak ko denen rorad, nreb e pa’ Ashdod, ma reb e pa’ Gaza, ma reb e pa’ Ashkelon, ma reb e pa’ Gath, ma reb e pa’ Ekron.

1 Samuel 6:17 Referans Kwoze

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

Amos 6:2

Marod ngam yaliyed e binaw nu Kalneh. Mi gimed yan u rom ko fare binaw ni ba ga’ nu Hamath, mi gimed yan u rom nga p’ening ko fare binaw rok e piyu Filistia ni er yu Gath. Gur kabfel’ fapi binaw ko nam nu Judah ngu Israel? Gur ba ga’ taferad nga tafenmed?

2 Kronicles 26:6

Me m’ag Uzziah e mael ngak piyu Filistia. Me buthug nga but’ e yoror ko fapi binaw nu Gath, ngu Jamnia, ngu Ashdod, miki fal’eg boch e binaw nib gel ni fan ko mael u to’oben yu Ashdod nge gin kabay u Filistia.

2 Kings 1:2

Ahaziah ni Pilung nu Israel e mul u daken e naun rok nga but’ u Samaria nge maad’ad nib gel. Ma aram me l’oeg boch e tamal’og ni ngar fithed lanyan’ Baalzebub, ni got rok fare binaw nu Ekron u Filistia, ni nge nangfan ko ku ra gol fa dangay.

2 Samuel 21:22

Aningeg i girdi’ ney e owchen e fapi girdi’ ni n’un’uw ma tagyet nu Gath, me thang David nge salthaw rok e pogofan rorad.

1 Samuel 6:4

Miyad fith ni lungurad, “Mang mit i tow’ath ni nggu pi’ed nge yan ngak?” Miyad fulweg ni lungurad, “Lal i gol ni kan ngongliy ni bod ya’an e bir nge lal i gol ni ya’an e boro’, nra reb ma pa’ reb e pi pilung ko pi Filistine. Ya ta’ab mit i gafgow e be pi’ nge yib ngomed ni gimed gubin nge ngak fa lal i pilung ko Filistine.

1 Samuel 5:10

Miyad pi’ fare Kahol ko M’ag nge yan ko binaw nu Ekron; fa’ani taw ngaram me non e girdi’ ni ba ga’ lamrad ni lungurad, “Kar feked fare Kahol ko M’ag rok fare Got nu Israel i yib ngaray ni nge li’dad ni gadad gubin!”

1 Samuel 5:8

Miyad l’oeg e girdi’ ngranod ra kunuyed fa lal i pilung ko pi Filistine mi ni fith ngorad ni lunguy, “Be mang e ngad rin’ed ko fare Kahol ko M’ag rok fare Got nu Israel?” Miyad fulweg ni lungurad, “Nga ni fek nga Gath;” ma aram mi ni fek ngaram.

1 Samuel 5:1

Nap’an ni fek e pi Filistine fare Kahol ko M’ag rok Got u fithik’ e mael miyad fek u Ebenezer ko binaw nu Ashdod.

Judges 16:21

Me yib piyu Filistia ra lufed lan mit nruw raba’. Miyad fek nga Gaza ngar m’aged e chen ngak nni ngongliy ko wasey ni bronze, miyad tay ngi i maruwel ngi i bilig e wheat u kalbus.

Judges 16:1

Me yan Samson u rom nga Gaza, me guy be’ ni bpin u rom nma chuway’ ngak mi yow par.

Judges 1:18

Me ayuweg SOMOL e pi girdi’ nu Judah, ngar feked fa gi binaw ni go’ burey ngar tafnayed. Machane dar koled yu Gaza, Ashkelon, ara pi Ekron, nge yungin nib milfan nga Ekron. Pi girdi’ ney ni yad ma par u dap’eday e bay e chariot rorad ni wasey, ere deyag rok e pi girdi’ nu Judah ni ngar tulufedrad.

Levitikus 5:7

Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.

Deuteronomy 28:27

Bayi k’aring SOMOL e lot nge yib ngomed ni bod ni rin’ ngak piyu Egypt. Bayi k’aring e malad nga dowmed. Bayi tartar e biyach u dowmed mi i mak’adk’ad, ma dariy falyen.

Amos 1:6

Be ga’ar SOMOL, “Girdi’ nu Gaza e kar denen gad bayay nge bayay. Ri bay gu gechig nagrad, ya kar feked girdi’en reb e nam ni polo’ kar pi’ed nchuway’ ngak e girdi’ nu Edom ni ngar manged sib.

Judges 14:19

Me pi’ SOMOL gelngin nge gel, me yan nga p’ening nga Ashkelon. Me li’ guyey i pumo’on u rom, me fek e chugum rorad, me pi’ e mad rorad ni bfel’ ngak fapi pagel ni kar nanged fan fare salipow. Me sul nga tabinaw rok ni kari damumuw ko ren’em,