1 Samuel 5:6 - Bible Ni Thothup

⁶ Me gechignag SOMOL e girdi’ nu Ashdod nrib elmerin me yib e marus ngorad nib gel. I gechig nagrad nge girdi’ ko yungi n’en ni bay u to’obrad i yan, ya gagiyegnag e bir nge for u dowrad.

1 Samuel 5:6 Referans Kwoze

1 Samuel 5:11

Miyad pi’ bayay e thin nge yan ngak urngin fapi pilung ko Filistine ni ngarbad, me lunguy ngorad, “Mu pi’ed fare Kahol ko M’ag rok yu Israel nga ni yan ni tay ko gin ni immoy riy, nge dabi thang e fan rodad nge girdi’en e tabinaw rodad.” Ma ke yib e marus nib gel ngak e girdi’ u lan fare binaw ni ga’ngin ni bochan e rib gel e gechig ni be tay Got ngorad.

Acts 13:11

Bay yib pa’ Somol nga dakenam e chiney; ma bay mmalmit, nge dab kum guy e tamilang ni bay n’umngin nap’an.” Ka chingiyal’ nem me thamiy Elymas rok nike ing e lumor owchen me yan ni nge guy rogon ni nge pir’eg be’ ni nge kol pa’ nge fek i yan ko gin ni nge yan ngay.

Psalms 32:4

Ya mu gechig nigeg ni rran nge nep’, I gur SOMOL; mu gu par ni kari m’ay gelngig, ni bod e wa’angachal ni mlik’nag e yal’ u ngal’an e gowel.

Deuteronomy 28:27

Bayi k’aring SOMOL e lot nge yib ngomed ni bod ni rin’ ngak piyu Egypt. Bayi k’aring e malad nga dowmed. Bayi tartar e biyach u dowmed mi i mak’adk’ad, ma dariy falyen.

Exodus 9:3

ma bay gu gechig nigem nga ba liliy nib kireb ni bay gu pi’ nge yib ngak e gamanman rom, ni os, nge dongki, nge kamel, nge garbaw, nge saf, nge kaming.

Psalms 78:66

Me tuluf e pi to’ogor rok ngar sulod ni ka ra waergad ma ka ra tamra’gad.

1 Samuel 5:7

Fa’anra guyed ni aram rogon me lungurad, “Fare Got nu Israel e be gechig nagdad nge fare got rodad i Dagon. Dabkiyag ni nge par fare Kahol ko M’ag rok Got u roy.”

BABYOR NI JOB 31:3

Ma pi’ e riya’ nge mogothgoth nge yib ngak e pi’in yad ma rin’ e kireb.

1 Samuel 5:9

Ma nap’an ni taw ngaram miki gechignag SOMOL e re binaw nem me karing e marus ngorad nib gel. Got e gechig nagrad ko bir ni gagiyegnag nge for u downgin urngin e girdi’ ko re binaw nem, ni bitir nge pi’lal.

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Psalms 147:6

I Somol e ma ayweg e pi’in gafgow, machane ma pirdi’iy e pi’in kireb nga but’.

Genesis 41:31

Re ngiyal’ i n’en ni ba’aram ni pire’ e ggan riy e bay ni pag talin, ni bochan e uyongol ni bay yib nga tomuren e rib gel e gafgow ni yira tay riy.