1 Samuel 30:20 - Bible Ni Thothup

²⁰ Miki fulweg urngin e yu ran’ i saf nge garbaw; me yan fapi salthaw rok ni yad be gafaliy fapi gamanman ni gubin ni bay nga m’on; me ga’ar e girdi’, “Pin’ey e bmilfan ngak David!”

1 Samuel 30:20 Referans Kwoze

1 Samuel 30:26

Ma nap’an ni sul David nga Ziklag, me pi’ boch fa pin’em ni kan fek ko mael ngak e pi fager rok, nge pi tayugang’ nu Judah, ni ba’aray e thin nib cheg ngay, “Ba’aray ba tow’ath ni fanmed nike yib ko pin’en ni kug feked rok e pi to’ogor rok SOMOL.”

Roma 8:37

Danga’, cha’nem ni gadad ba t’uf rok e ir e ke pi’ gelngidad kad gelgad u fithik’ e pin’ey ni gubin!

Isaiah 53:12

Mu gu pi’ ngak tagil’ ni ngu’un tay fan riy, ni bang u fithik’ e pi tagil’ ko girdi’ nib sorok ma ba gel gelngirad. Pi’ ir ngan li’ ngem’, min ta’reb rogonnag ngak e girdi’ nike th’ab e motochiyel. Me yan i fek luwan e pi tadenen ni pire’, me meybil ni nge n’ag Got fan e denen rorad.”

2 Kronicles 20:25

Me yan Jehoshafat nge pi salthaw rok i yan ko fa gin ngar feked e chugom ni bay riy, miyad pir’eg e garbaw nib yo’or, nge chugom, nge mad, nge ku boch ban’en nib tolang pulwon. Dalip e rran nra pired u rom ni yad be kunuy fa pin’em, machane kaygi pag oren ni de yag ni ngar feked ni gubin.

1 Samuel 30:21

Ma aram me sul David ngak fa l’agruw mir’ay i salthaw rok nra pired ko fare pa’ i lul ni Besor ni bochan e dakuriy gelngirad ni ngkur uned ngak. Marbad i yib ni ngar mada’gad David nge pi salthaw nra uned ngak, me yan David i yan ngorad nge yan i nang salperad.

2 Kronicles 14:15

Ku ra chamgad ko gin ke n’uf e pi tagafal gamanman e tent rorad riy, ngar feked bokun e gamanman ni saf nge kamel. Ma aram miyad sul nga Jerusalem.