1 Samuel 30:16 - Bible Ni Thothup

¹⁶ Me pow’iy David i yan ngorad. Fapi tacham e yug ra bagyad ma gin bay riy ko re gin’em, ni yad be abich, ma yibe unum, ma yibe madnom ni bochan urngin e tin kar koled u Filistia ngu Judah u fithik’ e mael.

1 Samuel 30:16 Referans Kwoze

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

Isaiah 22:13

Machane mu rin’ed nib thil, ya um garusgad ma gimed be madnom. Ma gimed be li’e saf nge garbaw ni ngan languy, ma yibe unum e wayin. Me lungmed, ‘Kabfel’ ni ngu’ud abichgad ma gadad be garbad! Ya bayi gabul ma kadm’ad.

BABYOR NI JOB 20:5

ma dariy reb e girdi’ nib kireb nike par nib felfelan’ nib n’uw nap’an.

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

1 Samuel 30:14

Kug maelgad ko fa gin ni tafen e pi Kerethite u ley ni yimuch yu Judah nge fa gin tafen fare ke girdi’ rok Kaleb, ma kug urfiyed nga but’ fare binaw nu Ziklag.”

Exodus 32:6

Me reb e rran riy nri kab kadbul miyad pi’ e maligach ni mo’oruf, miyad fek i yib e maligach nma gapaseg thilin Got nge girdi’; miyad par nga but’ ngu’ur abichgad ma yad be garbad, miyad cheal ngu’ur rin’ed e tin galong ma yad be chingnag.

Joshua 22:8

ni ga’ar ngorad, “Mu sulod nga tabnaw romed ni kari fel’ rogmed, nike yo’or e garbaw romed, nge silber, nge gol, nge bronze, nge wasey, nge mad ni yo’or; mu f’othed rok pi walagmed e pin’en ni kam feked ko pi to’ogor romed.”

1 Samuel 30:15

Me fith David ngak ni ga’ar, “Mog, rayag ni ngam pow’iyeg i yan ko pi girdi’en e cham nem?” Me fulweg ni ga’ar, “Gu ra rin’ ni fa’an ga ra micheg ngog u fithingan Got ndab mu li’eg nggum’ ara mu pi’eg ngak e masta rog.”

Psalms 119:162

Kar gu felfelan’ ni bochan e tin kam micheg, ni felfelan’ ni bod be’ nike pir’eg e machaf.

Isaiah 9:3

Somol kam pi’ e felfelan’ ni ba ga’ ngorad; kam gagiyeg nagrad kar felfelan’gad. Yad be felfelan’ ko n’en ka mu ngongliy, ni bod e felfelan’ ni be tay e girdi’ ko ngiyal’ ni yad be kunuy e ggan ko woldug rorad, ara ngiyal’ ni yad be f’oth e chugum nra koled u tan e mael.

Judges 8:11

Me yan Gideon u daken e kanawo’ ni yan u marichlen e ted, ko ngek u Nobah ngu Jogbehah, nge cham ngak fa ba’nem e salthaw nra gin gad ma ke og ngorad.

1 Kronicles 4:43

Mu rom e ra li’ed nge yim’ e pi Amalekite ni kabfos, ma ka aram nap’an e ra pired u rom.