1 Samuel 30:12 - Bible Ni Thothup

¹² boch e fig nib fengfeng, nge l’agruw punug i grape ni kan gelk’ad ke mlik’. Me abich nge mu’ me sul gelngin; ya de kay fa unum ban’en nike polo’ e dalip e rran riy.

1 Samuel 30:12 Referans Kwoze

Judges 15:19

Me bing Got bangi but’ nib aw nga but’ u rom u Lehi, me yib e ran riy. Me unum Samson e ran riy, me fel’ rogon. Min tunguy fithingan e re alublub nem ni Hakkore; re alublub nem e kabay u rom u Lehi.

1 Samuel 14:27

Machane de nang Jonathan e re thin nem nike yog e chitamngin ko girdi’; aram me yan i rugoy ba ley i gek’iy ni be fek nga fithik’, nge kay boch. Ka chingiyal’ nem me yib gelngin.

Matthew 27:63

me lungurad, “Keb ngan’mad nnap’an ni kabfos fare talifith l’ugun me ga’ar, ‘Ra gaman dalip e rran mi ni fasegeg ko yam’.’

Jonah 1:17

Me l’oeg SOMOL ba nig ni ba ga’ nge yib i ful’ Jonah; me par Jonah u lan yin fare nig ni dalip e rran nge dalip e nep’.

Ester 4:16

“Mman ngam pining gubin e Jew nu lan yu Susa nga ta’bang; mi gimed pag e abich ngam meybil nigedgag. Dab mu ked fa mu unumed ban’en ni dalip e rran nge dalip e nep’. Pi tapigpig rog ni ppin nge gag e ku bay gu rin’ed ni aray rogon. Ma nga tomuren e bay gu wan ngak fare pilung, ni yugu aram rogon ni ba togopluw ko motochiyel. Fa’anra thingar gum’ ni bochan e ren’ey ni kug rin’, me ere kefel’ nggum’.”

1 Samuel 30:13

Me fith David fachi pagel ni ga’ar, “Mini’ e en ni masta rom, ma ga be’ nu uw?” Me fulweg ni ga’ar, “Gag be’ nu Egypt, ni tapigpig rok be’ ko Amalek. Dalip e rran nike digeyeg e masta rog u roy ni bochan e gu m’ar.

1 Samuel 30:11

Me pir’eg fapi salthaw ni yad David bochi pagel nu Egypt u wuru’ e binaw miyad fek i yib ngak David. Miyad pi’ boch e ggan nge ran ngak,

Lamentations 1:11

Girdi’ rok e yad be gel’gel’ ma yad be changarnag ban’en ni ngar ked; Yad be thilyeg e machaf rorad ko ggan ni nge yag nra pired ni dab ra m’ad. Fare binaw e tolul ngalang, ni ga’ar, “SOMOL, mu changar ngog, ngam guyeg u fithik’ e bilig t’ay e gafgow ni gu be tay.”