1 Samuel 3:3 - Bible Ni Thothup

³ ma bay Samuel ni be mol u lan fare Tempel rok SOMOL, ni aram e gin ni bay fare Kahol ko M’ag riy. Ma bay e magal ni ka be gak’.

1 Samuel 3:3 Referans Kwoze

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Psalms 29:9

Laman SOMOL e rurug e yuke gek’iy ni oak ma ke lufluf yuwan e gek’iy nga but’ ko ngiyal’ ni be tolul gubin e girdi’ u Tempel rok ni be lungurad, “Ke sorok Got!”

Psalms 5:7

Ma bochan ga’ngin e t’ufeg rom ma ke yag ni gub nga naun rom; ma ke yag ni nggu’un ko liyor u lan e Tempel rom nib thothup nggu siro’ ngom u fithik’ e liyor.

2 Kronicles 13:11

Gubin e kakadbul nge blayal’ ma yad ma pi’ ngak e incense nge gamanman ni maligach ni yibe urfiy nika yu reb. Ma yad be pi’ e maligach ni flowa u daken ba tebel ni kan tabgulnag, ma gubin e blayal’ ma yad ma gal’ e magal u daken e pi tagil’ e magal nib gol. Gamad ma rin’ e n’en keyog SOMOL, machane gimed e kam digeyed SOMOL.

1 Samuel 1:6

Peninnah, nma tagenging ngak Hannah e ri ma gafgownag lanyan’, ni bochan SOMOL e ke tay ni dariy fak.

Exodus 25:31

“Mu ngongliyed ba lay i tagil’ e magal ko gol ni go’ gol. Mu pirdi’iyed e gol nge mang enggin nge kenggin; ma nunuw riy e ya’an bogi floras nike puf nge tin dawori puf ni ngkun ngongliy nib peth ko re ley i tagil’ e magal ney.

1 Samuel 1:9

Bay ba ngiyal’ u Shiloh nnap’an nra mu’gad ko abich nge garbad, me sak’iy Hannah ni nge meybil. Ngiyal’nem e Eli ni prist e ke par nga daken e chiya’ u langan e mab ko fare Tempel rok SOMOL.