1 Samuel 29:6 - Bible Ni Thothup

⁶ Me pining Akish David nge ga’ar ngak, “Nggog u fithingan Got nu Israel ni be par nib fos nri gab yul’yul’ ngog; ma rib magan’ug ngay ni ngam un ngog ngdarow ko re mael ney. Dawor gu pir’eg ban’en nib kireb rom ni ka fa rofen ni mub ngog ke mada’ ko chiney. Machane tin ba’aram e pilung e damur fel’ u wan’rad.

1 Samuel 29:6 Referans Kwoze

2 Kings 19:27

“Machane gu manang urngin ban’en rom, n’en ni ga be rin’ nge gin ga be yan ngay. Gu manang rogon e damumuw rom ngog.

2 Samuel 3:25

Ke yib e ngaray ni nge ban nigem ma ngenang urngin ban’en ni ga ma rin’ nge urngin yang ni gama yan ngay. Ma ri gamnang ni aram rogon!”

Psalms 121:8

Bay u mub ngu’um man ni be yoror rom e chiney i yan nga m’on ndariy n’umngin nap’an.

1 Samuel 20:3

Me fulweg David ni ga’ar, “Ri manang e chitamam gelngin ni gub t’uf rom, ere ke turguy ndabi weliy ngom e tin ke leamnag ni nge rin’, ya ra kireban’um. Nggu micheg ngom u fithingan SOMOL ni be par nib fos, ni gag e gu be yan u thathren e riya’!”

1 Peter 3:16

Machane ngam rin’ed u fithik’ e sumunguy nge tayfan. Mpired ndariy ban’en ni be methan’med ngay ni ban’en nib kireb ni kam rin’ed, ni fan e nganognimed nga dalib ni aram rogon ni gimed be fol rok Kristus, ma pi’in karogned pangimed ni bfel’ nga dalib e ngar tamra’gad ko thin ni karogned.

1 Peter 2:12

Ma susun e ngar um pired u fithik’ e pi’in ndar nanged Got ni bfel’ pangimed, ya ngrogned nib kireb e ngongol romed, me Chirofen ni sul Kristus riy miyad nang ni bfel’ e ngongol romed, ma aram miyad yog e sorok ngak Got.

Matthew 5:16

Ere ku er rogomed ni nge gal ra’emed u p’eowchen e girdi’, ya ngar guyed e tin ni bfel’ ni gimed be rin’ miyad yog e sorok ngak e Chitamangimed ni bay u tharmiy.

Jeremiah 12:16

Fa’anra m’ag u lanin’rad e taliw ko tirog e girdi’ ma yad ra micheg nga fithingag ni ngar ga’argad, ‘Bod rogon SOMOL ni be par nib fos’ — ni bod ni ka’ar filed ngak e girdi’ rog ni ngu’ur mowgad nga fithingan Baal — ma aram e bay ku ra manged boch e girdi’ rog nge fel’ rograd.

Isaiah 65:16

Demutrug be’ u lan binaw ni ning e fal’eg wa’ath, ma nge yog ko fare Got nib yul’yul’ nge fel’eg wa’athan. En nra mow e nge mow nga fithingan Got nib yul’yul’. Ma tin kakrom e oloboch e ra chuw min pagtalin.

Isaiah 37:28

“Machane gu manang urngin salpem, ni n’en ni ga be rin’ nge gin ngam sor ngay. Gumnang rogon e damumuw rom nib togopluw ngog.

1 Samuel 29:3

Me guyrad fapi toland ko salthaw nu Filistia miyad fith, “Mang e n’en ni be rin’ e pi Hebrew ney u roy?” Me fulweg Akish ni ga’ar, “Irera’ David, nreb e tolang ko salthaw rok Saul ni Pilung nu Israel. Ke n’uw nap’an nike par rog. Dawori rin’ ban’en nib kireb nrayag nu gu pir’eg nib kireb e rok riy ni ka nap’an e rofen ni ba’aram ni yib ngog.”

1 Samuel 28:10

Ma aram me micheg Saul bbugithin ni ga’ar, “Rogon nib riyul’ ni bay SOMOL ni be par nib fos e aram rogon ni gu be micheg ngom ni ga ra rin’ ma dab ni gechig nigem.”

Joshua 22:30

Finehas ni fare prist nge fa ragag i mitethin rok piyu Israel ni yad, nge pi lolgen e tabnaw ko pi ganong u ba’ ni ngal, e rung’aged e n’en keyog e ganong rok Ruben, nge Gad, nge ley ni Ngek e Manasseh, me fel’ u wan’rad.

Deuteronomy 10:20

Ngu’um pired ni bay madgun SOMOL ni Got romed u wun’med ma kemus ni ir e ngu’um liyorgad ngak. Ma gimed be par ni gimed ba yul’yul’ ngak ma kemus ni fithingan e ngu’um micheged bbugithin ngay.

Numbers 27:17

me yog ngorad e n’en ni ngu’ur rin’ed u fithik’ e mael, ya nge dabi par e tirom e girdi’ ni bod e saf ndariy be’ ni be gafaliyrad.”

Genesis 16:6

Me fulweg Abram ni ga’ar, “Kefel’, re bpin nem e gur e bay u tan pa’am ya ir e sib rom; mu rin’ ngak e tin ga ba’adag.” Ma aram me tabab Sarai i gafgownag Hagar, me mil Hagar.

1 Samuel 5:8

Miyad l’oeg e girdi’ ngranod ra kunuyed fa lal i pilung ko pi Filistine mi ni fith ngorad ni lunguy, “Be mang e ngad rin’ed ko fare Kahol ko M’ag rok fare Got nu Israel?” Miyad fulweg ni lungurad, “Nga ni fek nga Gath;” ma aram mi ni fek ngaram.

1 Samuel 29:7

Ere mu sul nga tabnaw u fithik’ e gapas, ma dab mu rin’ ban’en nra kireb u wan’rad.”