1 Samuel 29:1 - Bible Ni Thothup

¹ Me pining yu Filistia urngin raba’ e salthaw rorad nga ta’bang nga Afek, ma ku aram e ngiyal nike n’uf piyu Israel e tent rorad ko fare alublub nu lane Loway ni Jezreel.

1 Samuel 29:1 Referans Kwoze

1 Samuel 4:1

Re ngiyal’nem e fal’eg piyu Israel rogorad ngranod ni ngar maelgad e pi Filistine; me yan i par e salthaw nu Israel nga Ebenezer, me par e pi Filistine nga Afek.

1 Kings 21:1

Naboth e bay bangi woldug ni fi’in ko binaw nu Jezreel, nib chugur ko naun rok Ahab ni Pilung.

1 Kings 20:30

Ma pi arorad ni magach ni kabfos e ra milgad ngalan fare binaw nu Afek, me puth e pi yoror ko fare binaw nga daken rliw’ nge medlip bbiyu’ i yad. Ma ku errogon Benhadad niki mil ngalan fare binaw nge yan i mith ngalan ba senggil ni bay u tabgul u ba naun.

Joshua 19:30

Ummah, Afek, nge Rehob: reliw’ nge l’agruw e binaw u gubin nib mu’un e yuchi binaw nib liyeg pi binaw ney ngay.

Joshua 12:18

Afek, Lasharon,

2 Kings 9:36

Ma nap’an nrogned e biney ngak Jehu, me ga’ar, “Irera’ e n’en ni yog SOMOL nra buch nnap’an ni non u daken fare tapigpig rok i Elijah: ‘Pilis e yad ra longuy e ldow ku Jezebel u lan yu Jezreel.

2 Kings 9:30

Me taw Jehu nga Jezreel. Ma ke rung’ag Jezebel e n’en nike buch, me yan i achey owchen, me fal’eg rogon piyan lolugen, me yan i sak’iy ngi i sap nga kanawo’ u langan e winda ko fare naun ni tafen e pilung.

1 Kings 21:23

Ma Jezebel ku ba’aray e n’en keyog SOMOL ni fan ngak, ‘Bayi longuy e pilis Jezebel u lan e binaw nu Jezreel.’

1 Samuel 28:4

Me mu’ulung e salthaw rok e pi Filistine ngarbad ra pired nga to’oben e binaw nu Shunem; me ulunguy Saul piyu Israel ngranod ra pired ko burey ni Gilboa.

Judges 6:33

Ma aram me mu’ulung urngin yu Midian, nge yu Amalek, nge fa yu ulung i girdi’ ni yad ma par u daken e ted, miyad th’ab e lul’ ni Jordan nga baraba’ ngarbad ra pired ngalan e loway u Jezreel.

Joshua 19:18

Re gin’em e ba mu’un yu Jezreel ngay, Kesulloth, Shunem,

1 Samuel 28:25

Me tay fapi ggan nga p’eowchen Saul nge pi tolang ni yad bay u tan pa’, miyad kay. Miyad chuw u rom ni ka re nep’ nem.

2 Samuel 2:9

Mu rom e tay Abner i Ishbosheth ni nge mang pilung ko fa yungi nug nu Gilead, Asher, Jezreel, Efraim, ngu Benjamin, nge ku gubin yang u daken yu Israel.

2 Samuel 5:17

Me rung’ag e pi Filistine ni David e ke mang pilung nu Israel; miyad yan ni yad gubin ni ngar koled. Fa’ani rung’ag David, me yan nga p’ening ko fare yoror ni ka ni ngongliy ni fan ko mael.

Psalms 83:7

nge girdi’en yu Gebal, Ammon, nge yu Amalek, nge yu Filistia nge yu Tyre.

Joshua 17:16

Miyad fulweg ni lungurad, “Fare gi binaw ni go’ burey e dab gu fel’gad nga daken, ma piyu Kanaan u lan e tafelfel’, e bay e chariot ni wasey rorad, ni yad ruw ulung nma par bochi i yad u Beth Shean nge yochi binaw nib liyeg, ma bochi i yad e ma par u lan fare loway ni Jezreel.”

Judges 7:1

Me od Jerubbaal (ni aram Gideon) nri kakadbul nge urngin e pumo’on ni kar uned ngak ngranod ra pired nga charen fare Alublub nu Harod. Ma ke par piyu Midian ngalan e loway ko lel’och rorad, u charen e burey ni Moreh.