1 Samuel 27:8 - Bible Ni Thothup

⁸ Ma ngiyal’ i n’em e i yan David nge pi salthaw rok ngu’ur maelgad ngak e girdi’ nu Geshur, Girzi, ngu Amalek, pi girdi’ ney e kari n’uw nap’an ni kar pired ko rengi n’em. Ma yan David ngi i cham ko binaw rorad nge taw nga Shur, i yan nga pe’ning nge mada’ nga Egypt,

1 Samuel 27:8 Referans Kwoze

Joshua 13:2

ga’ngin yang fare gi but’ nu Filistia ngu Geshur,

Joshua 13:13

Machane yu Israel e dar tulufed e girdi’ nu Geshur ngu Maakah ngar chuwgad; kiyad be par u Israel.

Judges 1:29

Ma ganong rok Efraim e de tuluf piyu Kanaan ni yad be par u lane binaw nu Gezer, ma aram miki par piyu Kanaan rorad u rom.

Joshua 16:10

Ma dar tulufed piyu Kanaan ni ur pired u Gezer, ere ke par piyu Kanaan u fithik’ e pi Efraim ke mada’ ko bin daba’ e rran, machane nni tayrad ni yad e sib.

1 Kronicles 2:23

Machane nam nu Geshur ngu Aram e ra kolew nel’i ragag e yochi binaw u rom, nib mu’un fa galochi binaw ni Jair nge Kenath ngay, nge pi yochi binaw nib chugur ngay. Urngin e pi girdi’ ni yad ma par u rom e pi’in ni owchen Makir ni chitamngin Gilead.

2 Samuel 15:8

Nap’an ni ug par u Geshur, u lan yu Syria, mu gu micheg ngak SOMOL ni fa’anra fulwegeg nga Jerusalem, mra gu wan nga Hebron nggu meybil ngak u rom.”

2 Samuel 14:32

Me ga’ar Absalom, “Gu pi’ e thin ngeb ngom ni ngamub ya nggu l’oegem ngak e en ni pilung ngam wenig ngak ni fan ngog ni nge lungum, ‘Ke ga’ar Absalom mangfan ni gu chuw u Geshur nggu sul ngaray? Fa’an mang e gu par u rom ma kabfel’.’” Me ul ul Absalom ngay nge ga’ar, “Gu ba’adag ni ngam man mu non ngak e en ni pilung nge yag ni gu wan gguy, ma fa’anra bay e kireb rog, me thang e pogofan rog.”

2 Samuel 14:23

Me sak’iy nge yan nga Geshur nge non ngak Absalom nge un ngak ngar sulow nga Jerusalem.

1 Samuel 30:1

Me yan l’agruw e rran me taw David nge salthaw rok nga Ziklag. Ma pi Amalekite e karbad ra maelgad nga ley ni yimuch yu Judah ma kar chamgad nga Ziklag. Kar urfiyed fare binaw nga but’

Exodus 17:8

Me yib girdi’en yu Amalek ngar maelgad ngak piyu Israel u Refidim.

Exodus 15:22

Moses e gafaliy e girdi’ nu Israel ngar chuwgad ko fare gi day ni Red Sea fithingan ngranod ngalan e ted ni desert u Shur. Dalip e rran ni ur milekaggad u daken e re gi ted nem ni desert, ma dar pir’eged e ran.

Joshua 12:5

Gil’ilungun e bmu’un fare Burey ni Hermon ngay, nge Salekah, nge ga’ngin yu Bashan me yan nge taw ko mathil nu Geshur ngu Maakah, ma ku arita’ baley yu Gilead, me yan nge mada nga tafen i Sihon ni Pilung nu Heshbon.

1 Samuel 29:6

Me pining Akish David nge ga’ar ngak, “Nggog u fithingan Got nu Israel ni be par nib fos nri gab yul’yul’ ngog; ma rib magan’ug ngay ni ngam un ngog ngdarow ko re mael ney. Dawor gu pir’eg ban’en nib kireb rom ni ka fa rofen ni mub ngog ke mada’ ko chiney. Machane tin ba’aram e pilung e damur fel’ u wan’rad.

2 Samuel 3:3

Chileab, ni chitinngin e Abigail, nu Carmel ni Nabal e pumo’on rok nike yim’, Absalom, ni chitinngin Maakah, ni be’ nib bpin ni fak Talmai ni Pilung nu Geshur;

2 Samuel 3:22

Me ta’boch me sul Joab nge boch e pi tolang ko salthaw rok David ko mael, ni bo’or bogi ban’en ni kar feked u fithik’ e mael. Machane dakimoy Abner u rom u Hebron rok David, ni bochan e ke pi’ David ke yan nike micheg ni dabi buch ban’en rok.

2 Samuel 8:12

pi nam nu Edom, Moab, Ammon, Filistia, ngu Amalek — nge ku boch fa pin’en ni fek rok Hadadezer.

Numbers 13:29

Pi Amalekite e yad be par ko ley ni yimuch e re nam nem; ma pi Hittite, nge pi Jebusite, nge pi Amorite e yad be par u daken e ted; ma piyu Kanaan e yad be par u dap’el’ay u to’oben fa gi day ni Mediterranean fithingan nge to’oben fare lul’ ni Jordan fithingan.”

Numbers 14:45

Me yib e pi Amalekite nge piyu Kanaan ni be par u rom ra maelgad ngorad ngar gelgad ngorad, miyad lol’oegrad ngar mada’gad nga Hormah.