1 Samuel 25:11 - Bible Ni Thothup

¹¹ Dab gu fek e flowa nge ran rog, nge pi gamanman ni kug li’ ni fan ngak e pi’in ma puy bunu’en e saf rog, nggu pi’ ngak bogi pumo’on ni karbad u dagnang ko uw!”

1 Samuel 25:11 Referans Kwoze

Judges 8:6

Me ga’ar e pi’in yad ma yog e thin u Sukkoth, “Mang ni nggu pi’ed e ggan ngak e salthaw rom, ya dawor mu kol Zebah nge Zalmunna.”

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

1 Peter 4:9

Mbinged e tabinaw romed ngomed, ndab um gun’gun’gad.

2 Korinth 6:9

ma gowa gamad e girdi’ nda nnang murung’agmad, machane gubin e girdi’ ni manangmad; ma gowa kug m’ad, machane gimed be guymad ni ka gamad ba fos. Kan gechig nagmad, machane dawor nthang e fan romad;

BABYOR NI JOB 31:17

ara gu pag e pi’in ni kanim’ rorad ngarm’ad ko bilig ma gu be abich.

1 Samuel 24:13

Bay ba thin ni yima yog kakrom ni yima ga’ar, ‘Tin nib kireb ban’en e pi’in nib kireb e yad ma rin’.’ Ere dab gu ngongliy e kireb ngom.

Deuteronomy 8:17

Ere dabi ga’ar bigimed u wan’, ‘Gelngig nge fanag madangdang e ke yagnag ngog e re fel’ rogon ney ni kug tay.’

Judges 8:15

Me yan Gideon ngak e pumo’on nu Sukkoth, me ga’ar, “Ki gimed manang faram ni mu siyeged ni ngam ayuweged gag? I lungumed e dabiyag ni ngam pi’ed e flowa nge kay e salthaw rog nike aw porowrad ni bochan e dawor gu kol Zebah nge Zalmunna. Ere yow ba’aray!”

1 Samuel 25:7

Ke rung’ag ni ga be th’ab bunu’en e pi saf rom, ma ba’adag ni ngam nang ni pi’in yad ma gafaliy e saf rom e ku’ur pired romad ma da gu rin’ed ban’en ngorad nib kireb. Dariy ban’en rorad nni iring u n’umngin nap’an ni ur pired u Karmel.

1 Samuel 25:12

Me sul fapi salthaw rok David ko gin bay riy nga rogned ngak e tin keyog Nabal.

Judges 8:8

Me yan Gideon nga Penuel, miki wenig ngak e girdi’ u rom ni nga ni pi’ e ggan ngak e salthaw rok, machane miki fulweg e pumo’on nu Penuel ngak ni bod e n’en ni yog e pumo’on nu Sukkoth.