1 Samuel 24:17 - Bible Ni Thothup

¹⁷ Me ga’ar ngak David, “I gur e gab mat’aw, me gag e gub kireb. Rib fel’ e tin ga be rin’ ngog, me gag e gu be rin’ e kireb ngom!

1 Samuel 24:17 Referans Kwoze

1 Samuel 26:21

Me fulweg Saul ni ga’ar, “Kug rin’ e kireb. David ni fakag, mu sul e ngaray! Ri dakuriy bi’id ni nggu rin’ ban’en nib kireb ngom, ni bochan e dam fek e pogofan rog e nep’ ney. Kug par ndariy rogog! Kug rin’ ban’en nrib gel e kireb riy!”

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Genesis 38:26

Me poy Judah fa pin’en me ga’ar, “Ir e bfel’ e rok. I gag e dag yul’yul’ ko tin gu micheg ngak ni nggu pi’ fare pagel ni fakag i Shelah nge figirngiy.” Ma aram e daki moleg Judah bayay fare bpin.

Matthew 27:4

ni be ga’ar, “Kug denen, ya kug yagnag be’ nib mo’on ndariy ban’en nike kirebnag ni ngan li’ ngem’!” Miyad fulweg ngak ni lungurad, “Dariy rogon e tin ngomad, ya gur e bay rogon ngom!”

Psalms 37:6

me gagiyegnag pangim nib mat’aw nge gal ni bod ram’en e yal’ ni misiw’.

Exodus 9:27

Me pi’ Farao e thin nge yib ngak Moses nge Aron, ni be ga’ar, “Yaney e kug denen; i SOMOL e mmat’aw, ma girdi’ ko nam rog nge gag e gamad ba kireb.

1 Samuel 26:17

Me poy Saul laman David me fith ni ga’ar, “Mog lungum e yer, i gur David ni fakag?” Me fulweg David ni ga’ar, “Errogon, i gur Pilung.”