1 Samuel 24:13 - Bible Ni Thothup

¹³ Bay ba thin ni yima yog kakrom ni yima ga’ar, ‘Tin nib kireb ban’en e pi’in nib kireb e yad ma rin’.’ Ere dab gu ngongliy e kireb ngom.

1 Samuel 24:13 Referans Kwoze

Matthew 7:20

Ere gimed ra nang e profet ni go’ bogi ban’en u rogon e ngongol rorad.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Ezekiel 16:44

Me ga’ar SOMOL, “Jerusalem, girdi’ e bay u rogned e bug i thin ney nib sor fan ngom: ‘Fare pin ni fak e bod e chitiningin.’

Genesis 16:5

Ma aram me ga’ar Sarai ngak Abram, “Ren’ey ni be changar Hagar ngog nga but’ e gur e kireb rom. I gag e gu pi’ e sib rog ngom, ma ka nap’an ni pir’eg rok nike diyen ma aram e be changar ngog nga but’. I SOMOL e bayi turguy e arodow ni ir e bfel’.”

Judges 11:27

Danga’, dawor gu rin’ ban’en nib kireb ngom. I gur e ga be rin’ e kireb ni ga be m’ag e mael ngog. I SOMOL e ir e nge duwgiliy. Daba’ e bayi turguy ko piyu Israel fa piyu Ammon.”

1 Kronicles 12:18

Me ying fare kan nthothup rok Got ngak bagyad, ni aram Amasai, facha’ ni munmun me mang tolang ko “Fare Guyey,” me tolul ni be ga’ar, “David ni fak Jesse, bmil famad ngom! Nge fel’ rogom nge pi’in yad be ayuwegnem! Got e bay u ba’ rom.” Me pining David e kefel’ ngorad ni ngar pired u rom me tayrad ni yad e tolang ko yu raba’ i salthaw rok.