1 Samuel 23:2 - Bible Ni Thothup

² Ma aram me fith SOMOL ni ga’ar, “Gu ba’adag ni gu ra yan gu cham ko pi Filistine?” Me fulweg SOMOL ni ga’ar, “Mman mu cham ngorad ngam ayuweg yu Keilah.”

1 Samuel 23:2 Referans Kwoze

1 Samuel 23:4

Ma aram miki fith David laniyan’ SOMOL bayay, me ga’ar SOMOL ngak, “Mman ngam cham nga Keilah, ya bay gu pi’ e pi Filistine nga pa’am.”

2 Samuel 5:23

Miki fith David SOMOL bayay, me fulweg SOMOL ngak ni ga’ar, “Dab mman u roy ngam cham ngorad, machane ngam liyeg ngam man mu og ngorad u keru’rad, ko fa gin nib chugur ko fa yu ke gek’iy ni balsam.

2 Samuel 5:19

Me fith David ngak SOMOL ni ga’ar, “Bfel’ u wun’um ni gu ra yan gu cham ngak e pi Filistine? Mog, ga ra gagiyegnag ngug gel?” Me ga’ar SOMOL ngak, “Mman, ya bay gu gagiyegnag ngam gel.”

Jeremiah 10:23

SOMOL, gu manang ni dariy bagmad ni ir e ga’ ko gin nge sor e yafos rok ngay; dariy be’ ni bay gafan e yafos rok u pa’.

1 Samuel 30:8

Me fith David SOMOL, “Rayag ni nggu lek daken e pi’in karbad ngaray ko mael? Mog, rayag ni gu kolrad?” Me fulweg SOMOL ni ga’ar, “Mu lek dakenrad; ya ga ra kolrad ngam ayweg e pi’in kan fekrad.”

1 Samuel 23:6

Nap’an ni mil Abiathar ni fak Ahimelek nge yan ngak David ngalan yu Keilah, me ke fek fare mad ni efod.

Joshua 9:14

Pumo’on nu Israel e ra feked boch fapi ggan rorad, machane dar fithed murung’agen ngak SOMOL.

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

1 Kronicles 14:10

Me fith David Got ni ga’ar, “Bfel’ u wun’um ni gu ra mael ngak e Filistia? Ga ra gel nigeg?” Me fulweg SOMOL ni ga’ar, “Errogon, mmael ngorad! Gu ra gel nagem!”

Judges 1:1

Nga tomuren nike yim’ Joshua me fith e girdi’ nu Israel SOMOL ni lungurad, “Bin ngan ko pi ganong romad e ir e som’on ni nge yan ko mael ngak piyu Kanaan?”

Numbers 27:21

Bay i toer ngak Eleazar ni prist, mi Eleazar e bay i maruwel ko fare Urim nge Thummim. Ara’ rogon ni bay i pow’iy Eleazar Joshua nge urngin e girdi’ nu Israel u urngin e tin bay ur rin’ed.”

1 Samuel 10:22

miyad fith ngak SOMOL ni lungurad, “Gur bay yugu be’ nga bang ni aram e cha’ ni ir?” Me fulweg SOMOL ni ga’ar, “Ba’aram Saul ni be mith u fon e chugum.”

1 Samuel 23:3

Machane me ga’ar e pi salthaw rok David ngak, “Ke gaman e tin ngad dugowgad ngay u roy u lan yu Judah; ma ku ra gel boch e kireb riy ni fa’an gad ra yan nga Keilah ngad chamgad e pi salthaw nu Filistine!”

2 Samuel 2:1

Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

1 Samuel 14:37

Me fith Saul Got ni ga’ar, “Ra gu og ngak e pi Filistine ma bfel’? Ga ra ayuwegmad nggu gelgad?” Machane de fulweg Got e tin be fith e rofen nem.