1 Samuel 23:18 - Bible Ni Thothup

¹⁸ Miyow michmich u mit Got ni ngar pirew ni yow fager. Me par David u Horesh, me yan Jonathan nga tafen.

1 Samuel 23:18 Referans Kwoze

2 Samuel 21:7

Machane bochan e michmich u fithingan Got ni tay David nge Jonathan, ma de pi’ David Mefibosheth ni be’ ni pumo’on ni fak Jonathan, ni Saul e tutuw rok.

1 Samuel 20:42

Me ga’ar Jonathan ngak David, “Got e nge un ngom. I SOMOL e bayi gagiyegnag ni gur nge gag nge pi’in owchadow e bay ra ted u gil’ fare bugithin ni kad michegew ngodow u p’eowchen SOMOL.” Ma aram me yan David, me sul Jonathan ngalan binaw.

1 Samuel 18:3

Me m’ag Jonathan e fager ngak David ni ngar pirew ndariy e rofen ni nge kireb thilrow, ni bochan e rib t’uf David rok.

2 Samuel 9:1

Me fith David ni ga’ar, “Gur kabay be’ nike magey ko tabinaw rok Saul? Fa’anra bay, ma gub adag ni nggu t’ufeg ni bochan Jonathan.”

1 Samuel 20:8

Wenig ngom, mu ayuwegneg ko re bugithin ney, ma ga tay nga tagil’ fare bugithin ni mog ngog ni mmicheg u p’eowchen SOMOL. Ma fa’anra gag e kug bucheg ban’en, me gur e ngam li’eg nggum’! Ya dariy fan ni ngam pi’eg nga pa’ e chitamam nge mang ir e li’eg.”

1 Samuel 18:1

Tomuren nike mu’ Saul nge David ko welthin, ma ri adag Jonathan ni fak Saul daken David nge yan i par ni kari t’uf rok ni bod rogon feni t’uf rok ir.

1 Samuel 21:1

Me yan David i guy Ahimelek ni prist ni bay u lan yu Nob, me yib ngak David ni be t’on me ga’ar, “Mang ni ka mub ngaray ni go’ gur?”