1 Samuel 21:7 - Bible Ni Thothup

⁷ (Deog ni be’ u Edom ir e en nib ga’ ko tagafal gamanman rok Saul, ni immoy u rom e rofen n’em, ni bochan e thangri lebguy e maruwel rok u p’eowchan SOMOL.)

1 Samuel 21:7 Referans Kwoze

1 Samuel 22:9

Me Doeg e ba sak’iy u rom ni yad fapi tolang ko salthaw rok Saul, me ga’ar Doeg, “Gguy David nnap’an e yan ngak Ahimelek ni be’ ni pumo’on ni fak Ahitub nu Nob.

Matthew 15:8

I Got e ga’ar, ‘Pi girdi’ ney e yad be tayfag ko thin ni yad be yog, machane rib mal’af lanin’rad rog.

Amos 8:5

Ma gimed be ga’ar u wun’med, “Manga yigi papey nge m’ay e pi rran nib thothup ney nge yag nda pi’ed e grain rodad ni chuway’. Mingiyal’ e ra mus e Sabbath nge yag nda tababgad bayay ko market? Ma gadad pi’ nchuway’ nib tolang puluwon, ma gadad maruwel ko thabthabel ni kan dalibnag ngu’ud sasalapgad ko pi’in nge chuway’.

Ezekiel 33:31

Ere girdi’ rog e bay ra mu’ulunggad ngom ni ngar rung’aged e thin ni ngam weliy ngorad, machane gathi bay rrin’ed e tin kam weliy ngorad ni ngar rin’ed. Ya ka yad ba’adag ni ngu’ur lifithed l’ugunrad ngar thag niged e salpiy.

2 Kronicles 26:10

Miki ubung e pi tagil’ e damit ni kan yororiy ni fan ko mael u daken e ted me fu’og e luwed nib yo’or, ni bochan e bay yu ran’ i gamanman rok u enggin e purey’ nge yungi tafelfel’ u ba’ ni ngal. Ri ba’adag e milay’, ma aram me tay ir ko girdi’ ni ngar yunged e milay’ ni grape ko gin ni go’ burey mi ni wolduguy e gin nib yung’ol e but’ riy.

1 Samuel 14:47

Tomuren ni mang Saul pilung nu Israel me mael ngak urngin e pi to’ogor rok ni bay u gubin yang, ni aram e girdi’ ko Moab, ngu Ammon, ngu Edom, nge fapi pilung nu Zobah, nge pi Filistine. Gubin yang ni i yan ngay ko mael ma i gel.

1 Samuel 11:5

Ma ka fini sul Saul u milay’ ni yad e garbaw rok, me fith ni ga’ar, “Mang e ke buch? Mangfan ni gubin e girdi’ ni be yor?” Miyad weliy ngak e thin nike yib i yog e pi mol’og nu Jabesh.

Genesis 26:20

Pi tagafal saf u Gerar e ra malu’agthin gad e girdi ni magfaliy e saf rok Isak ni murung’agen fare luwed ni yad be ga’ar, “Re ran ney e fanmad.” Ma aram me tunguy Isak fithingan fare luwed ni “Malu’agthin.”

1 Samuel 21:8

Me ga’ar David ngak Ahimelek, “Bay ba sarey rom fa bang i saydon ni ga ra pi’ ngog? Thin rok pilung e ke gur nageg kug chuw ni de yag ni nggu fek e saydon rog fa ba talin e cham.”

1 Samuel 22:22

Me ga’ar David ngak, “Nap’an nug guy Doeg u rom e rornem, mar gunang nra yog ngak Saul. Ere gag tapgin e yam’ nike tay urngin pi girdi’em.

Levitikus 22:10

“Kemus ni be’ nreb i girdi’en e tabnaw ko prist e ra kay boch fare maligach nib tabgul; ma dariy yug be’ nra kay boch — ku ra be’ nma par rok e prist ara ma maruwel rok e prist ma dabi kay.

Levitikus 22:13

Ma fa’anra be’ ni bpin ni fak e prist nike yim’ figirngin ara ke chuw ko pumo’on rok ma dariy e bitir rok, ke sul ke yan i par nga tabnaw ko chitamngin nike mang reb i chonggin fare tabnaw e rayag ni kay boch fapi ggan ko chitamngin nib prist; kemus ni reb i chonggin e tabnaw rok fare prist e ra kay boch fare ggan.

Levitikus 24:5

Mu feked rliw’ nge aningeg e pawn e flour ngam lithed ragag nge l’agruw e flowa ni lof riy.

Levitikus 24:8

Chiney i yan ngaram e gubin e Sabbath, ma Aron e thangri tay fare flowa u p’eowchen SOMOL. Irera’ ba maruwel rok yu Israel ni dariy n’umngin nap’an.

1 Samuel 22:10

Me Ahimelek e fith ngak SOMOL ko mang e thangri rin’ David, ma aram me pi’ boch e ggan ngak David nge fare gi saydon rok Goliath ni be’ nu Filistia.”