1 Samuel 20:8 - Bible Ni Thothup

⁸ Wenig ngom, mu ayuwegneg ko re bugithin ney, ma ga tay nga tagil’ fare bugithin ni mog ngog ni mmicheg u p’eowchen SOMOL. Ma fa’anra gag e kug bucheg ban’en, me gur e ngam li’eg nggum’! Ya dariy fan ni ngam pi’eg nga pa’ e chitamam nge mang ir e li’eg.”

1 Samuel 20:8 Referans Kwoze

2 Samuel 14:32

Me ga’ar Absalom, “Gu pi’ e thin ngeb ngom ni ngamub ya nggu l’oegem ngak e en ni pilung ngam wenig ngak ni fan ngog ni nge lungum, ‘Ke ga’ar Absalom mangfan ni gu chuw u Geshur nggu sul ngaray? Fa’an mang e gu par u rom ma kabfel’.’” Me ul ul Absalom ngay nge ga’ar, “Gu ba’adag ni ngam man mu non ngak e en ni pilung nge yag ni gu wan gguy, ma fa’anra bay e kireb rog, me thang e pogofan rog.”

1 Samuel 18:3

Me m’ag Jonathan e fager ngak David ni ngar pirew ndariy e rofen ni nge kireb thilrow, ni bochan e rib t’uf David rok.

1 Samuel 23:18

Miyow michmich u mit Got ni ngar pirew ni yow fager. Me par David u Horesh, me yan Jonathan nga tafen.

1 Samuel 20:16

ma ngi i par e re thin rodow ney ni kad michegew ngodow ndabi math. Ma fa’anra math, mi SOMOL e bayi gechig nigem ni bochan.”

Acts 25:11

Fa’anra kug th’ab e motochiyel ni kug rin’ ban’en nike yib tapgin ni ngan thang e fan rog ni bochan, ma dab gu wenignigeg ni nge dab nrin’ ngog. Machane fa’anra de riyul’ e pin’en ni karogned nib togopluw ngog, ma dariy be’ nrayag rok ni nge pi’eg nga pa’rad. Ere gu be wenig ni ngan pi’ e re pa’ i oloboch ney nge yan ngak e cha’ ni ir e Emperor nu Roma.”

Proverbs 3:3

Dab mu pithig pa’am ko yul’yul’ nge t’ufeg. Mu the’ row nga bilel’ugnam; mag yoloy nga lanin’um.

Psalms 116:11

ni mus ko ngiyal’ ni gu rus me lungug, “Dariy be’ ni nge pagan’uy ngak.”

1 Kronicles 12:17

Me yan David ni nge mada’ nagrad me ga’ar, “Fa’anra gimed be yib ni fager ni ngam ayuwegedgag, me ere mired e ngaray. Mu’uned ngomad! Machane fa’anra kambad ni gimed be leamnag ni ngam yag nigedgag nga pa’ e pi to’ogor rog, ni yug aray rogon ndawor gu rin’ ban’en ni nggu gafgow nagmed, ma fare Got rok e pi chitamngidad e bayi nang nge gechig nagmed.”

Ruth 1:8

Machane nap’an ni kayad be yan, me ga’ar ngorow, “Mu sulow nga tafenmew ngam pirew rok e gali cha’ ni chitiningmew. Mang e yigi ayuwegmew SOMOL ni bod rogon ni um ayuwegew gag nge pi’in karm’ad.

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!

Joshua 2:14

Me ga’ar fa gali mo’on ngak, “Gamow ra pi’ e pogofan romow ngalon e pogofan romed! Fa’anra dabmog e n’en ni kug bownag, ma gamow ra tay u tagil’ e tin ku gognew ngom ko ngiyal’ nra pi’ SOMOL e re nam ney ngomad.”

Genesis 47:29

Fa’ani chugur ni nge yim’, me pi’ e thin nge yan ngak Josef nge yib me ga’ar ngak, “Wenig ngom, mmicheg bbugithin ngog u mit Got; mu tay pa’am nga tan eg ngam mmicheg ngog ni bay mpar ni gab yul’yul’ ma ga rin’ ngog e tin ni bfel’, ndab mu k’eygeg u Egypt.

Genesis 24:49

Ere fa’anra ngamu rin’ew e tin mat’owmew ngak e masta rog, me ere kammagaer gow mognew ngog; ma fa’anra danga’, mi gimew yog nrogon mu gu duwgiliy e tin nggu rin’.”

1 Samuel 20:9

Me ga’ar Jonathan, “Dab mu leamnag e tinir! Ya fa’an mang e kug nang nike duwgiliy e chitamag u wan’ ni nge li’em, ma rib mudugil ni gu ra weliy ngom.”

1 Samuel 18:1

Tomuren nike mu’ Saul nge David ko welthin, ma ri adag Jonathan ni fak Saul daken David nge yan i par ni kari t’uf rok ni bod rogon feni t’uf rok ir.