1 Samuel 20:30 - Bible Ni Thothup

³⁰ Me ri damumuw Saul ngak Jonathan me ga’ar ngak, “Gab fak e moro’ro’! Kug nang e chiney ni kam fol ngak David, kam darifan nigem nge fa’anem ni chitinam!

1 Samuel 20:30 Referans Kwoze

Proverbs 21:24

Mu dag be’ ngog nib ufanthin ma bay gu dag be’ ngom nib tolngan’, ma ba yowlop, ma ba fel’ngak.

Efesus 6:4

Gallibthir, dab um puwan’gad ngak pifakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’ nagrad nrogon, mi gimed fonow nagrad nrogon girdi’en Kristus.

Efesus 4:31

Mu n’iged fan u wun’med urngin ban’en nib kireb nike aw nga lanin’med, nge tin kam dabuyed rok be’, ma dab ku um damumuwgad. Dab ku um tolulgad ngak be’ u fithik’ e damumuw ara umogned e thin nib kireb ngak be’! Dab ku um fanenikayed be’!

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Proverbs 27:3

Tomalngin e malang nge yan’ e dabi chugur nga malngin e oloboch nra k’aring be nib pinat.

Proverbs 25:28

Fa’anra dabiyag ni ngam kadan’um ko domumuw rom, ma ri ga bod feni me’waer bbinaw ni dariy e rungrung riy, nib puf wo’en e cham ngay.

Proverbs 19:19

Fa’anra be’ nib papay e damumuw ngak, ma ga digey nge sul wenigan e tirok’ ngak. Ma fa’an ga ra ayweg ko oloboch rok ta’abyay, ma ke mdugil ni ka ga ra ayweg bayay.

Proverbs 19:12

Damumuw ko pilung e bod e tolul rok ba layon, machane ra felan’ ma bod e waangchol u daken ran’ e pan.

Proverbs 15:2

Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

Proverbs 14:29

Fa’an ga ra par ni gab filmungyan’, ma ga ba gonop, machane fa’anra ba papey e damumuw ngom, ma kemus ni ga be dag fanam manan’.

BABYOR NI JOB 5:2

Gab balyang ni fa’anra li’em anum’ i leamnag e tin ke kirebnag be’ u wun’um.

1 Samuel 20:29

ni ga’ar, ‘Wenig ngom ngam pageg nggu wan, ya girdi’ nu tabinaw rog e ngar pi’ed e maligach u lan binaw, ma ke pi’ walageg ni pumo’on e thin ke yib ngog ni nggu wan ngaram. Ere fa’anra gur e fager rog, me ere mu guy rogon nggu wan gguy pi girdi’eg.’ Aram fan nde moy u tagil’ ko tebel rom.”

1 Samuel 20:31

N’umngin nap’an ni be par David nib fos e dariy e n’en nra rin’ ma ga mang pilung ko re nam ney. Mman mu pining ngam bow ngaray, ya thangri yim’!”