1 Samuel 2:29 - Bible Ni Thothup

²⁹ Ere mangfan ni gimed be chogownag e pi maligach nge pin’en ni yibe pi’ ngog ni gag e gog ni nga ni pi’? Eli, mangfan ni kam m’oneg fa gal pumo’on ni fakam rog kam pagrow kar sugsuggow ko yu ngin nth’abi fel’ ko pi maligach ni be pi’ e girdi’ rog ngog?

1 Samuel 2:29 Referans Kwoze

Matthew 10:37

“En ni kab t’uf rok e chitamangin ara chitiningin ngog e dariy rogon ni nge mang be’ rog; en ni kab t’uf rok fak ni pumo’on ara fak ni bpin ngog e dariy rogon ni nge mang be’ rog.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Luke 14:26

“En nra yib ngog e dabiyag ni nge mang reb i gachalpeg ni fa’anra dabi m’onegeg rok e chitamngin nge chitiningin, nge leengin nge pifak, nge pi walagen ni pumo’on nge pi walagen ni ppin, ma ku errogon ir.

James 3:17

Machane bin som’on e fare gonop ni yib u tharmiy e bmachalbog; ma ku errogon nma fal’eg thiliy nge aw e gapas riy, ma ma sumunguynigey, ma ma fal’eg owchey nge thin ngak e girdi’, ma ba sug ko runguy ma ma k’uf ni ngongol ni bfel’; ma ma ta’reb rogonnag e girdi’ u wun’uy ma der ma dake modingnigey.

Matthew 22:16

Ma aram miyad l’oeg boch pi gachalprad nge boch e girdi’ ko ba’ rok Herod e girdi’ ngranod ngak Jesus. Me lungurad ngak, “Tamchib, gamad manang ni gur reb e girdi’ nib riyul’ e tin ni ga ma yog nge tin ni ga ma rin’, ma ga be fil ngak e girdi’ e tin nib riyul’ ni murung’agen e tin nib m’agan’ Got ngay ni nge rin’ e girdi’, nder magafan’um ko tin ni be leamnag e girdi’, ya ta’reb rogon e girdi’ u wun’um.

Mikah 3:5

Girdi’ e ke ban nagrad e pi profet ni yad be micheg e gapas ngak e pi’in yad be pi’ e salpiy ngorad, ma yad be yog ni bay yib e mael ngak e pi’in ndarir pi’ed e salpiy ngorad. Pi profet ney e be ga’ar SOMOL ngorad,

Hosea 4:8

Ke yo’or ban’en romed ni bochan e denen ko girdi’ rog, are gimed e gimed ba’adag ni ngu’ur pirednag e denen.

Ezekiel 34:2

I ga’ar, “Fak e girdi’, mup nga owchen e pi tagagiyeg nu Israel e kireb rorad. Mu yi’iy ngamog ngorad e n’en ni Gag SOMOL ni Th’abi Tolang e gu be yog ngorad: Kam riya’gad gimed e pi tagafal saf nu Israel! Gimed be ayuwegmed, machane damur ayuweged e saf.

Joshua 18:1

Nga tomuren nike kol yu Israel fare nam miyad mu’ulung ni yad gubin nga Shiloh ngar n’ufed ngalang fare Tent u p’eowchen SOMOL.

Deuteronomy 33:9

Yul’yul’ ni ur ted ngom e kab gel ko yul’yul’ ni ur ted ngak e gallabthir rorad, nge ngak pi walagrad ara pifakrad. Ur folgad ko thin rom ma ur pired ni yad ba yul’yul’ ko m’ag rom.

Levitikus 19:15

“Ra mpithiged e oloboch rok e girdi’ ma dab mu sasalapgad; dab mu folgad ngak be’ ni bochan e ba gafgow ara mu rusgad ngak e girdi’ ni pire’ ban’en rorad.

2 Korinth 5:16

Ere dab kud dugliyed rogon be’ u lanin’dad nrogon nma rin’ e girdi’. Yugu ra ka’ad leam niged murung’agen Kristus u ba ngiyal’ ni bod rogon nma leamnag e girdi’ murung’agen ban’en, ma dab kud rin’ed e chiney ni aram rogon.

Roma 16:18

Ya pi’in yad ma rin’ e pin’em e darir pigpiggad ngak Kristus ni ir e Somol rodad, ya tin ni yad be ar’arnag e yad be pigpig ngay. Yad ma bannag e girdi’ nib manigil nga wom’ngin i l’ugunrad ni bfel’ nge thin rorad nma pi’ey ngalang.

Ezekiel 13:19

Gimed be m’aynag fag u mit e girdi’ ni fan e nge yag buchu’uw e barley nge yoch yang e flowa ngomed. Gimed be thang e pogofan ko girdi’ ni dariy tapgin e yam’ ni ngar ted, mi gimed be pag e pi’in ni bay tapgin ni ngarm’ad ni yad ba fos. Ma gimed be sasalap l’ugun ko girdi’ rog ngi i mich u wan’rad e thin romed.”

1 Samuel 3:13

Kugog ngak ni bay gu gechignag e tabinaw rok ndariy n’umngin nap’an ni bochan e fa gali pagel ni fak e karognew e thin nib kireb nib togopluw ngog. Manang Eli ni yow be rin’ e pin’ey, machane de talegrow.

Psalms 26:8

A SOMOL, ba t’uf rog fare naun ni ga ma par riy, ni fa gin tagalim’ nib maluplup’.

Ezekiel 34:10

I Gag SOMOL ni Th’abi Tolang e kugog ni gag e to’ogor romed. Bay gu fek e saf rog romed ma dakriy bayay ni nggu pagmed ngu’um gafaliyedrad; ma ku dakriy bi’id ni nggu pagmed nge mang gimed e um ayuweged gimed. Bay gu leag e saf rog u pa’med nggu ayuwegrad nge dabkiyag ni mu longuyed yad.”

2 Kings 12:6

Machane me yan i gaman e rliw’ nge dalip e duw ko gagiyeg rok Joash ma ka dawor ri ngongliy fapi prist e yungin ke kireb u langgin fare Tempel.