1 Samuel 19:7 - Bible Ni Thothup

⁷ Me pining Jonathan David nge weliy urngin fapi thin ngak; ma aram me fek David i yan ngak Saul, me par David ngi i pigpig ngak Saul ni bod ni i rin’ ko som’on i yib.

1 Samuel 19:7 Referans Kwoze

1 Samuel 18:13

Me l’oeg Saul David nge yan me tay ni ir pilungen reb e biyu’ e salthaw. Me fek David e salthaw rok ngranod ko mael,

1 Samuel 18:2

Rofen nem i yan nga m’on e tel Saul i David nge par rok ndaki pag nge sul nga tabinaw rok.

1 Samuel 16:21

Me yib David ngak Saul ni nge un ko pigpig ngak. Me yan i par nrib adag Saul daken me tay ni ir e ngi i fek talin e cham rok.

1 Samuel 18:10

Ma reb e rran riy me gagiyegnag Got ba kan nib kireb nge yib i ying ngak Saul, ngi i tolul u lan e naun rok ni bod be’ nike aliliy. Me chubeg David tatelin e musik rok ni harp, ni bod nma rin’ ni gubin e rran, ma bay ba sarey u pa’ Saul.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

1 Kronicles 11:2

Kakrom nnap’an e ka Saul e pilung rodad, mag gafaliy e girdi’ nu Israel ko mael, me SOMOL ni Got rom e micheg ngom ni bay mu pow’iy e girdi’ rok mag mang tagagiyeg rorad.”

Exodus 4:10

Me ga’ar Moses, “SOMOL, danga’, I gag e dag salap ko welthin. Ka’aram rogog ke mada’ ko chiney ni kam non ngog. Gu ba kirkireb ko welthin, ba mama’ e thin u langag.”

Genesis 31:2

Ma ke guy ni cha’anem i Laban e gathi rikabgol ngak ni bod ko som’on.

1 Samuel 19:6

Me motoyil Saul ko tin keyog Jonathan me micheg bbugithin nga fithingan SOMOL ndab kun li’ David ngem’.

1 Samuel 19:8

Miki mael piyu Israel nge pi Filistine bayay. Me mael David ngorad nge li’rad nrib gel e gafgow ni tay ngorad, miyad pigichel ngar milgad.