1 Samuel 19:5 - Bible Ni Thothup

⁵ I dow ko pogofan rok ko fa ngiyal’nem ni li’ Goliath, ni aram e ke gagiyegnag SOMOL piyu Israel kar gelgad ko mael. Mu guy faram ma ga felfelan’ ngay. Ere mang ni nge chiney ma ngam finey ni ngam rin’ ban’en nib kireb ngak be’ ni bfel’ e rok ni ngam thang e fan rok David ni dariy tapgin?”

1 Samuel 19:5 Referans Kwoze

1 Kronicles 11:14

ma aram e ir nge pi salthaw rok e rduwgilgad u luwrad u lulukngun fa gi flang ngar chamgad ngak e pi Filistia. Me SOMOL e gelnag ko mael.

1 Samuel 11:13

Machane me ga’ar Saul, “Dariy be’ ni ngan thang e pogofan rok e daba’, ya daba’ e irera’ e re rran ni ayuweg SOMOL yu Israel.”

Matthew 27:4

ni be ga’ar, “Kug denen, ya kug yagnag be’ nib mo’on ndariy ban’en nike kirebnag ni ngan li’ ngem’!” Miyad fulweg ngak ni lungurad, “Dariy rogon e tin ngomad, ya gur e bay rogon ngom!”

1 Samuel 20:32

Me ga’ar Jonathan, “Mangfan nthingari yim’? Be mang e ke bucheg?”

Judges 9:17

Dab mu paged talin ni yan e chitamag ko mael ni bochmed. I pag fan e pogofan rok ni bochan e nge chuwegmed u tan pa’ yu Midian.

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Psalms 119:109

Ya gubin ngiyal’ ni kug fal’eg rogog kug kol e pogofan rog nga pa’ag; ma motochiyel rom e dawor gu pag talin.

1 Samuel 28:21

Me yan fare pin ngak me guy ni kari rus, me ga’ar fare pin ngak Saul, “Wenig ngom, kug dow ko pogofan rog kug rin’ e tin kam wenignag ngog.

Filippi 2:30

yi pag fan e pogofan rok nge chugur ni ngem’ ni fan ko maruwel rok Kristus, ni bochan e nge ayuwegneg ko n’en ndabiyag ni ngam ayuweged gag riy.

John 15:25

Machane thangri aw ni aray rogon, ya nge yib i m’ug nib riyul’ e tin kan yoloy ngalan e Motochiyel rorad ni ga’ar, ‘Kar fanenikayed gag ndariy tapgin.’

Matthew 27:24

Ma fa’ani guy Pilate ndakuriy fan ni ngki fithrad ya richey min cham, me fek e ran nge lukuy pa’ ngay u p’eowchen fapi girdi’ ni aram urngirad me ga’ar, “Yam’ ni nge tay e re mo’on ney e dariy bochu’uw murung’agen ngog! Ya gimed e kam dugliyed!”

Jeremiah 26:15

Machane ba’aray ban’en ni ngar mu nanged: fa’an gimed ra li’eg nggum’, me ere gimed nge girdi’ ko re binaw ney e ra yan i aw nib kireb e romed ni bochan e ka mu thanged e fan rok be’ ndawori bucheg ban’en, ya SOMOL e ke l’ugeg ni nggu weliy urngin e pin’ey ngomed.”

Psalms 69:4

Pi’in yad be fanenikayeg ndariy tapgin e yad ba pire’ nga piyan lolugeg; pi to’ogor rog e yad be lifith l’ugunrad nib togopluw ngog yad ba gel ma yad ba’adag ni ngar li’edgag nggum’. Kar gel niged yad ngog ni nggu pag ngorad bogi n’en ni gathi gu iring.

1 Samuel 14:45

Machane me ga’ar fapi girdi’ ngak Saul, “Mog, i Jonathan nike ayuweg piyu Israel kar gelgad ko re mael ney e ngan li’ ngem’? Dangay! Kug micheged nga fithingan SOMOL ni be par nib fos ni mus nga ta’ab gaf i piyan lolugen ma dabi mul. Ya n’en ni rin’ e daba’ e Got e ayuweg nge rin’.” Aram rogon ni ayuweg e girdi’ Jonathan nge dakun thang e fan rok.

Judges 12:3

Nap’an ni gguy ndab mu ayuwgad, mu gu pagfan e fan rog nggu th’ab e mathil ngug cham ngorad, me gel nageg SOMOL ngorad: Ere mangfan ni kambad e chiney ni cham ngog?”

Hebrews 2:3

Ere uw rogon ma gadad thay riy ni fa’anra dariyfan u wun’dad e n’en ni ir e th’abi manigil nike rin’ Kristus ni fan ngodad ni bochan e ngad thapgad ngak Got? I Somol e ir e som’on ni weliy murung’agen kanawo’en min thap ngak Got, ma picha’ nrung’aged e re bugithin nem ni yog e kar micheged ngodad nre bugithin nem e ba riyul’.

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Psalms 25:3

Pi’in yad be toer ngom e dab ra waergad, machane pi’in nib machreg ni yad ma togopluw ngom e yad ma waer.

1 Samuel 19:6

Me motoyil Saul ko tin keyog Jonathan me micheg bbugithin nga fithingan SOMOL ndab kun li’ David ngem’.

1 Samuel 22:14

Me fulweg Ahimelek ni ga’ar, “I David u fithik’ e tolang ko salthaw rom e th’abi yul’yul’! Ma figirngin fakam, ma ir e ga’ rok e pi matnag rom, ma gubin e girdi’ nma tayfan u lan tafen e pilung.

2 Samuel 23:10

machane me dugil Eleazar nge par u luwan nge cham ngak e pi Filistine nge taw ko ngiyal’ ni kari galuf pa’ ndakiyag ni puf pa’ ko saydon rok. I gel SOMOL ko mael e rofen nem nrib fel’ rogon. Nap’an ni m’ay fare mael, me sul piyu Israel ko gin ni bay Eleazar riy ngar lufed madan e mael ko salthaw u daken fapi ldow.

Psalms 94:21

pi’in yad ma makath nib togopluw ngak e pi’in ni bfel’ miyad turguy ni ngan thang e fan rok e pi’in bfel’ e rok.

1 Kronicles 11:18

Fa dalip i salthaw nib gilbugwarad e rcham niged wo’rad ngar thumurgad nga wuru’ e gin be par e pi Filistia riy, miyad l’ing boch e ran u lan fare luwed, ngar sulweged ngak David. Machane de unum David; ya n’en ni rin’ ngay e pu’og nga but’ nike ognag ngak SOMOL

Psalms 109:5

Yad be fulweg ngog e kireb ni taban e fel’ nge fananikan ni taban e t’ufeg.