1 Samuel 19:17 - Bible Ni Thothup

¹⁷ Me ga’ar Saul ngak Mikal, “Mang ni kam ban nigeg kam pag e to’ogor rog ke mil?” Me ga’ar, “I ga’ar ngog e fa’anra dab gu ayuweg nge mil, ma nge thang e pogofan rog.”

1 Samuel 19:17 Referans Kwoze

2 Samuel 2:22

Miki ga’ar Abner bayay ngak, “Mu tal i tulfeg! Mangfan ni ga be suryeg ni nggu li’em nga mum’? Uw rogon ni gura sabliy Joab ni walagem?”

Galatia 4:16

Ere kug di’in e chiney u lanin’med? Kug mang to’ogor romed ni bochan e gu be weliy e tin riyul’ ngomed?

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

1 Kings 21:20

Ma fa’ani guy Ahab Elijah me ga’ar, “To’ogor rog, kam piri’egeg.” Me ga’ar Elijah, “Er rogon, kug piri’egem. Kam par ni tin nib kireb u p’eowchen SOMOL e ga be ngongliy.

2 Samuel 17:20

Me yib e pi tolang ko salthaw rok Absalom ngar fithed fare pin ni lungurad, “Bu uw Ahimaaz nge Jonathan?” Me ga’ar, “Kar th’abew e lul’ nga ba’nem.” Me gayrow fapi pumo’on ma dar pir’eged yow, ma aram miyad sul nga Jerusalem.

1 Samuel 28:12

Me guy fare pin Samuel me k’ad fare pin e tolul. Me ga’ar ngak Saul, “Mangfan ni kam ban nigeg? Ya gur Saul ni Pilung!”

1 Samuel 22:17

Ma aram me ga’ar ngak fapi matnag rok ni yad be sak’iy u charen, “Mu thanged e fan rok e pi prist nir rok SOMOL! Kar puruy’gad ngak David mdarogned ngog nike mil, ni yug aram rogon ni yad manang ni kab kafram i yib.” Machane fapi matnag rok e dariy bagyad ni mithmith ni nge li’ fapi prist rok SOMOL.

1 Samuel 19:14

Fa’ani yan e salthaw rok Saul ni ngar feked David, me yog Mikal ngorad nib m’ar David.

1 Samuel 19:16

Miyad yan ngalan e naun miyad pir’eg fare liyos ni bay u chob rok nike tayey’ ko fare gayul ni bunu’en e kaming.