1 Samuel 18:17 - Bible Ni Thothup

¹⁷ Me ga’ar Saul ngak David, “Ba’aray Merab ni bin ilal e ppin ni fakag. Fa’anra mpar ni gur ba salthaw ni gab falu’ ma gab yul’yul’, ma ga be un ko pi mael rok SOMOL, ma gu ra pi’ ngom ngam leay.” (Ya be leamnag Saul ni aram kanawo’en me li’ e pi Filistine David, me par ni gathi ir e nge rin’.)

1 Samuel 18:17 Referans Kwoze

1 Samuel 25:28

Siro’, wenig ngom mu n’agfan rog, ni fa’anra bay ban’en nib kireb ni kug rin’. Bayi tem SOMOL ni gur e pilung, ma ku errogon e pi’in owchem, ni bochan e ga be mael ni fan ngak; ma dab mu rin’ ban’en nib kireb u n’umngin nnap’an e yafos rom.

1 Samuel 18:25

me yog Saul ngorad ni nge lungurad ngak David, “N’en ni be finey e en ni pilung ni ngam pi’ ngak ni puluwon e chi pin ni fak nem ni ngam leay e ra’ay yang i biyach u dal’ ra’ay i Filistine ni kam li’rad, ni aram e ke fulweg ngak e pi to’ogor rok taban e kireb ni kar ngongliyed ngak.” (Aray rogon kanawo’en ni leamnag Saul ni nge li’ e pi Filistine David.)

1 Samuel 17:25

Me lungurad, “A mu guyed! Mu telmed ko pong ni be tay! En nra li’ e ra fal’eg e en ni pilung rogon, ra pi’ fak ngak nge mang le’engin, me par ndab ki pi’ e girdi’ nu tabinaw rok urngin e tax ni yibe pi’.”

1 Samuel 18:21

Me ga’ar u wan’, “Nggu pi’ Mikal ngak David; ya nge bannag nge yib e pi Filistine i li’ ngem’.” Irera’ e yay ni gaman e l’agruw yay ngay ni ga’ar Saul ngak David, “Bay mu le’engiy fakag.”

1 Samuel 17:47

ma urngin e girdi’ ni bay u roy e bay ra guyed ni de t’uf rok SOMOL e saydon nge sarey ni nge ayuweg e girdi’ rok ngay. Ya ma gel ko mael, ma bayi pi’med ni gimed gubin nga pa’mad.”

Psalms 55:21

Thin rok e ba munguy ko che’, ma gumircha’en e ba sug ko fananikay; thin rok e bod feni sumnguy e gapgep, machane ma th’abey ni bod yungi saydon nib m’uth.

Psalms 12:2

Yad gubin ni yad be ban nigedyad; yad be pi’rad ngalang ko thin.

2 Samuel 12:9

Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

2 Samuel 11:15

I yoloy ngay ni ga’ar, “Mu tay Uriah nga mit e mael, ko gin nth’abi gel e mael riy, ma ga fulweg e salthaw nga wariyel ma ga pag ngan li’ ngem’.”

Deuteronomy 17:7

Fapi girdi’ ni yad e mich ko kireb nike rin’ facha’, e yad e som’on ni ngar malang niged, mfini malangnag gubin e girdi’, aray konawo’en mi gimed thang mit e biney e kireb.

Numbers 32:29

“Fapi pumo’on ko ganong rok Gad nge Ruben e fa’anra ngar th’abed e Jordan nga ba’nem ni ngar maelgad ni bod rogon nike yog SOMOL ma fa’anra yag ni ngar ayuweged gimed ngam koled e re gi binaw nem, ma aram e ngam pi’ed yu Gilead ngar tafned.

Numbers 32:27

Machane gamad gubin ni kug fal’eged rogomad ni nggu warod ko mael ni SOMOL e ke pi’mad. Gamad ra th’ab e Jordan nga ba’nem nggu chamgad, nri bod rogon ni kamog.”

Numbers 32:20

Me fulweg Moses, “Fa’anra n’en ni gimed be yog e arrogon u lanin’med, me’ere u roy u p’eowchen SOMOL e ngam fal’eged rogmed riy ko m’ag mael.

Numbers 21:14

Iraram fan ni Fare Babyoren e Mael rok SOMOL e ga’ar riy “. . . fare binaw nu Waheb u lan yu Sufah, nge fapi loway; fare Lul’ nu Arnon,

1 Samuel 14:49

Ma pi pumo’on ni fak Saul e Jonathan, nge Ishvi, nge Malkishua. Ma bin ilal i fak ni bpin e Merab fithingan, ma bin bitir e Mikal.

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.

1 Samuel 18:27

me yan David nge salthaw rok ngar li’ed 200 e Filistine. Me fek e biyach u dal’rad i yan ngak e en ni pilung me yan i the’eg nga p’eowchen, ni fan e nge mang ir e leay fachi pin ni fak. Ma aram me pi’ Saul fachi pin ni fak ngak David ni nge leay.

1 Samuel 30:26

Ma nap’an ni sul David nga Ziklag, me pi’ boch fa pin’em ni kan fek ko mael ngak e pi fager rok, nge pi tayugang’ nu Judah, ni ba’aray e thin nib cheg ngay, “Ba’aray ba tow’ath ni fanmed nike yib ko pin’en ni kug feked rok e pi to’ogor rok SOMOL.”

2 Samuel 6:16

Ma nap’an nni fek fare Kahol ko M’ag i yib ngalan binaw u Jerusalem, me changar Mikal u winda, ni be’ ni ppin ni fak Saul, me guy David ni Pilung ni be churu’ ma be og ngalang u fithik’ fare churu’ ni fan ngak Got, me ri dabuy.

Proverbs 26:24

Be’ nma dakebang nag ir e ma mithag e fananikan rok ko thin rok ni be pi’em ngalang.

Proverbs 26:25

Rayag ni bfel’ e thin rok, machane dabi pagan’um ngak, ya laniyan’ e ba sug ko fananikan.

Proverbs 26:26

Rayag ni nge upnguy e fananikan ni be tay, machane gubin e girdi’ nra guy e kireb ni be ngongliy.