1 Samuel 18:10 - Bible Ni Thothup

¹⁰ Ma reb e rran riy me gagiyegnag Got ba kan nib kireb nge yib i ying ngak Saul, ngi i tolul u lan e naun rok ni bod be’ nike aliliy. Me chubeg David tatelin e musik rok ni harp, ni bod nma rin’ ni gubin e rran, ma bay ba sarey u pa’ Saul.

1 Samuel 18:10 Referans Kwoze

2 Thessalonika 2:11

Ireray fan nra pi’ Got gelngin e oloboch ni nge maruwel u lanin’rad ya nge mich u wun’rad e tin ni gathi ir.

1 Kings 18:29

Miyad par ni yad be non ni ba ga’ lamrad nge thig e yal’; machane de yib e fulweg ko meybil rorad, ma da nrung’ag ba lam ni non.

1 Samuel 19:9

Me reb e rran me gagiyegnag SOMOL ba kan nib kireb nge yibi ying ngak Saul. Ma bay Saul nike par nga but’ u lan e naun rok ni bay e sarey rok u pa’, ma bay David u rom ni be musik ko harp rok.

Acts 16:16

Bay reb e rran ni gamad be yan ko gin ni yima meybil riy, ma gamad mada’nag be’ ni bpin ni ir reb e sib ni keb i ying ba mo’onyan’ ngak nma yog e tin ni bay yib ban’en, ni bo’or e salpiy ni be yagnag ni fan ngak e pi’in nib milfan ngorad, ni bochan e ma yog ko girdi’ e tin ni bay yib ban’en,

1 Samuel 16:23

Re ngiyal’ i n’em i yan nga m’on e nap’an ni yugu ra yib fare kan nib kireb i ying ngak Saul ni Got e gagiyegnag nge yib, me fek David e harp rok nge chubeg. Me chuw fare kan nib kireb nge yan, me fel’ e tafinay rok Saul ngki sul nga rogon bayay.

Jeremiah 28:11

me yog u mit urngin e girdi’ ni ga’ar, “I SOMOL e keyog ni aray rogon ni nge tet’ar fare mat nike tay Nebukadnezzar ni Pilung nga pon urngin e nam; ni nge rin’ e ran’ey u lan l’agruw e duw.” Ma aram mu gu wan.

1 Kings 22:12

Ma urngin fapi profet ni ku aram e n’en nrogned ni lungurad, “Mm’ag e mael nga Ramoth, ya ga ra gel. I SOMOL e bayi gagiyeg nigem ngam gel.”

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.

1 Samuel 18:9

Me par ni kari awan’ ngak David e rofen nem i yan nga m’on.

1 Samuel 19:7

Me pining Jonathan David nge weliy urngin fapi thin ngak; ma aram me fek David i yan ngak Saul, me par David ngi i pigpig ngak Saul ni bod ni i rin’ ko som’on i yib.

Judges 16:20

Me tolul Delilah ni ga’ar, “Samson! Ke yib e piyu Filistia!” Me od me ga’ar u wan’, “Bay kug gel nigeg mu gu thay ni bod gubin yay.” Ma de nang nike chuw SOMOL rok.

1 Samuel 19:10

Me guy Saul rogon ni nge rugoy fare sarey ngak David nge richibiy ko rungrung, machane me pilo’ David riy me yan i rog fare sarey ko rungrung. Me mil David rok Saul.