1 Samuel 17:51 - Bible Ni Thothup

⁵¹ Me mil i yan ngak, nge yan i sak’iy nga to’oben, me girengiy e saydon rok Goliath u tafen, me th’ab k’angan nge luf lolugen nge thang e fan rok. Fa’ani guy e pi Filistine nike yim’ e en ni ur nonod nga daken, miyad mil.

1 Samuel 17:51 Referans Kwoze

Hebrews 11:34

miyad thang e nifiy nib gel, ma de yag ni ngan li’rad ko saydon. Yad mme’waer machane yib gelngirad ngar gelgad; ma yad ba gel ko mael, ma aram miyad li’ e salthaw rok e pi nam.

1 Samuel 21:9

Me fulweg Ahimelek ni ga’ar, “Bay e saydon rok Goliath ni fare Filistine, ni facha’ nim li’ nge yim’ u lan e loway u Elah; bay u roy ni kan bachiy nga bangi mad u fon fare mad ni Efod. Fa’anra ga ba’adag, mag fek — kari mus e re talin e cham ni bay u roy.” Me ga’ar David, “Mu pi’ ngog, ya dariy bang e saydon u bang ni bod feni fel’ e gin!”

2 Samuel 23:21

Miki thang e fan rok be’ nu Egypt, ni be’ nib pumo’on nib ga’ ma bay ba sarey rok u pa’. Me yan Benayah ngak nike fek ba ley i gek’iy nib tomal ni talin e cham rok, me leag Benayah fare sarey u pa’ fare Egyptian, nge rugoy ngak nge yim’.

Hebrews 2:14

Pi girdi’ nem ni be yog e bitir ngorad e yad e girdi’ nni ngongliyrad ni ufin nge racha’, me yib Jesus i ngal’ nib girdi’ nge bod yad, me yag rarogorad ngak nrarogon e girdi’. I rin’ ni aram rogon ni fan e yam’ ni nge tay e nge kirebnag gelngin e mo’onyan’; ya mo’onyan’ e bay e yam’ u pa’,

Ester 7:10

Ma aram mi ni uchuliy Haman nge yim’ ko fare fen e mo’ochol nike chamey ni fen Mordekai. Aram me m’ay e damumuw rok fare pilung.

1 Samuel 17:50

Ere David e de fek e saydon, me li’ Goliath nga ba gawul nge ba malang!

1 Samuel 21:10

Ma aram me chuw David u rom, ni be mil rok Saul, me yan ngak Akish ni Pilung nu Gath.

1 Samuel 31:9

Miyad th’ab e k’ong rok Saul ngar lufed lolugen, miyad fek talin e cham rok, miyad l’oeg e pi mal’og ni karfeked e pin’em ngranod u ga’ngin yang yu Filistia ngar weliyed e re thin ni bfel’ ney ngak e pi liyos rorad nge ngak e girdi’ rorad.

2 Samuel 4:7

Nap’an nra thapgow nga lane naun, mranow ngalan e singgil rok Ishbosheth, ko gin bay riy ni karimol aran, mar li’ew nge yim’. Ma aram mar th’abew lolugen ngar fekew, mranow e re nep nem ngar thumurgow u Jordan Valley.