1 Samuel 15:33 - Bible Ni Thothup

³³ Me ga’ar Samuel, “Rogon nike gagiyegnag e saydon rom bo’or e matin karanod ra pired ndakuriy pifakrad, e aram rogon e en ni chitinam e chiney ni nge par ndakuriy fak.” Me th’eth’ab Agag ni nochiyang u m’on ko altar nu Gilgal.

1 Samuel 15:33 Referans Kwoze

Judges 1:7

Me ga’ar Adonibezek, “Medlipi ragag e pilung ni kan th’ab e yu bugul ni ga’ u pa’rad nge yu bugul ni ga’ u ayrad ni ur fanged chobngen e ggan u tan e tebel rog. Ere chiney e ke rin’ Got ngog e n’en ni gu rin’ ngorad.” Min fek Adonibezek nga Jerusalem ko gin ni yim’ riy.

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

Revelation 16:6

Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

Jeremiah 48:10

Mu bucheg wa’athan e pi’in darir rin’ed e maruwel rok SOMOL u polo’ i gumicha’rad! Mu bucheg wa’athan e pi’in da rir thanged e pogofan.

Isaiah 34:6

Saydon rok e bayi pen ko racha’ rorad nge mam, ni bod e racha’ nge mam u pifak e saf nge kaming ni yima maligach ngay. I SOMOL e bayi pi’ e re maligach ney u lan e binaw nu Bozrah; bayi gagiyegnag ngan cham nib almarin u daken e but’ nu Edom.

1 Kings 18:40

Me ga’ar Elijah ngak e girdi’, “Mu koled fapi profet rok Baal nge dabi mil ta’bagayad!” Miyad kol fapi profet ni gubin, me fekrad Elijah ko fare lul’ ni Kishon fithingan nge thang e pogofan rorad.

Numbers 14:45

Me yib e pi Amalekite nge piyu Kanaan ni be par u rom ra maelgad ngorad ngar gelgad ngorad, miyad lol’oegrad ngar mada’gad nga Hormah.

Exodus 17:11

Ma n’umngin nap’an ni be par Moses nike k’iyag pa’ ngalang e be par piyu Israel ni yad be gel ko mael, ma nap’an nra tay pa’ nga but’ me gel yu Amalek i yan.

1 Samuel 15:32

Me ga’ar Samuel, “Mfek Agag ni Pilung i yib ngog.” Me yib Agag ngak ni be t’on ko marus, ni be ga’ar u wan’, “Ra chugur e yam’ ma rib gel e kireban’ nma yib!”

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

Hosea 6:5

Ere kug l’oeg e pi profet rog ngomed ni ngrogned ngomed murung’agen e pufthin nge gechig. N’en ni gu ba’adag ni ngam nanged e mmom ma ba tamilang:

Exodus 21:24

puluwon reb e lanmit e ku lanmit, ma reb e nguwol e ku reb e nguwol, ma reb e rifrif u pa’ay e ku reb e rifrif u pa’ay, ma reb i rifrifen ey e ku reb i rifrefen ey,

1 Samuel 10:8

Bay mm’on rog nga Gilgal, mu rom e bay da gakgow ngay, mu gu pi’ e gamanman nga ni urfiy ni maligach, nge maligach nma gapaseg thilin Got nge girdi’. Mu son nigeg u rom ni medlip e rran, ya bay gub mu gog ngom e n’en ni ngam rin’.”