1 Samuel 15:23 - Bible Ni Thothup

²³ Togopluw ni ngan tay ngak e ta’reb feni kireb nge pig, ma ufanthin nge tolngan’ e ba denen ni ta’reb rogon ko meybil ni yima tay ko liyos nma meybil boch e girdi’ ngay. Bochan e kam pi’ed keru’med ko tin ni yog SOMOL ngom ni ngam rin’, ma aram e ku er rogon ir nike n’igem ni aram e dab kum pilung.”

1 Samuel 15:23 Referans Kwoze

Jeremiah 28:16

Are SOMOL e keyog ni bayi tharbegem. U m’on ni nge chuw e biney e duw ma gur e bay mum’ ni bochan e kamog ko girdi’ ni ngar togopluwgad ngak SOMOL.”

1 Samuel 13:14

Ma chiney e aram e bayi tal e gagiyeg ni ga be tay. I SOMOL e bay fek be’ ni ba’adag nge tay ni ir e nge mang pilung rok e girdi’ rok, ni bochan e dakum fol rok SOMOL.”

Levitikus 20:6

“Fa’anra yan be’ ni be ning e ayuw ngak e girdi’ nma non ko pi thagith, ma bay gu cheal nggu togopluw ngak ma dakriy bangyal’ ni gu ra leamnag ni ir reb e girdi’ rog.

Galatia 5:20

nge tayfan nge meybil ngak e liyos nma meybil boch e girdi’ ngay, nge pig; nge tathil ni be tay e girdi’, nge cham ni yad be tay, nge awan’, nge damumuw, nge athamgiliy ban’en ni fan e gur fa’anem e nganog e sorok ngom. Ma yad be wear ngar yuraba’gad ara ra yu’ulunggad;

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

Psalms 107:11

ni bochan e ra togopluwgad ko tin ni yog Got ni Gubin ma Rayag Rok, ya ra dabuyed ni ngar folgad ko pi fanow rok.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

Exodus 22:18

“Mu thanged e pogofan rok ere pin ni tamapig.

Genesis 31:34

Ma kefek Rachel fapi liyos ni thothupen e tabnaw rok Laban ke tay ngalan e tutuw ko kamel ke par nga daken. Me’ere i gaweg Laban u gubin yang u lan fare tent ma de pir’eg.

Genesis 31:19

U m’on ni chuw Rachel u nap’an ndemo’ Laban u tabnaw rok ya ke yan ni nge thethab buni’en e saf rok, me iring Rachel fapi liyos ni thothupen e tabnaw rok Laban.

BABYOR NI JOB 34:37

Ke puthuy e togopluw ko pi denen rok; ma be moningnag Got u p’eowchadad ni gadad gubin.

Deuteronomy 9:7

“Dab mpaged talin rogon ni mu k’aringed e damumuw ngak SOMOL ni Got romed u lan e ted ni desert. Ka fa rofen ni mu chuwgad u Egypt nge yib i mada’ ko rofen ni mu tawgad ngaray, ni go’ togopluw e um ted ngak.

Levitikus 20:27

“Demturug e re mo’on ara re bpin nra ning e ayuw ngak e pi thagith ma yira malangnag nge yim’; aromed nra yodroy e ir tapgin e yam’ nra tay.”

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Isaiah 19:3

Arme nggu wagageynag e tin ke tanomnag yu Egypt mu gu mulegan’rad. Bay rman ayuwgad ko pi liyos rorad, bay u ranod ko pi tapig ngu’ur fithed e thagith komang e bfel’ ni ngar rin’ed.

Isaiah 8:19

Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

1 Samuel 16:1

Me ga’ar SOMOL ngak Samuel, “Uw n’umngin nap’an ni ngam par ni be kireban’um ngak Saul? Kug chuweg ko pilung ndab kimang pilung nu Israel. Mfek boch e gapgep ko olive, ya nggu l’ugem ngam man nga Bethlehem ngak be’ nib mo’on ni Jesse fithingan, ya kug turguy reb e pagel ni fak ni ir e nge mang pilung.”

Deuteronomy 9:24

N’umngin nap’an ni kug nangmed, e gimed be par ni gimed be togopluw ngak SOMOL.

Numbers 14:9

Dab mu togopluwgad ngak SOMOL, ma dab mu rusgad ngak e girdi’ ni be par u rom. Rib mom ni gadad ra gel ngorad. I SOMOL e ba’ rodad ma ke gel ngak e pi kan ni be yoror rorad; ere dab mu rusgad.”

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.

Acts 13:22

Ma nap’an ni chuweg Got Saul, me fek David nge tay ni ir e nge mang pilung. Ba’aray e n’en ni yog Got ni murung’agen David, ‘Kug pir’eg ni David, ni fak Jesse, e ir e cha’ ni gub adag, ya ir be’ nra rin’ urngin e tin ni gub adag ni nge rin’.’

1 Samuel 28:3

Re ngiyal’ i n’em e ke yim’ Samuel, ma urngin e girdi’ nu Israel nra mowaw niged nge mu’ miyad k’eyag u Ramah ni aram e binaw rok. Mi Saul e ke chuweg urngin e tamanbey nge sothiw u lan yu Israel.

2 Samuel 7:15

Machane gathi bay gu par ndab kug ayuweg ni bod ni gu rin’ ngak Saul, ni gag e gu chuweg ni fan e nge mang gur e mpilung.

2 Samuel 12:9

Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

Jeremiah 16:12

Machane kireb ni ka mu rin’ed e ke thum’ ngaru’ ko tin i rin’ e pi chitamangimed. Gimed gubin nib gelan’med ma ba kireb e leam romed, ma damur folgad rog.

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

Hosea 13:11

Kug pi’ e pi pilung ngomed u fithik’ e damumuw rog, ma kug chuwegrad u fithik’ e damumuw nib gel.