1 Samuel 14:45 - Bible Ni Thothup45 Machane me ga’ar fapi girdi’ ngak Saul, “Mog, i Jonathan nike ayuweg piyu Israel kar gelgad ko re mael ney e ngan li’ ngem’? Dangay! Kug micheged nga fithingan SOMOL ni be par nib fos ni mus nga ta’ab gaf i piyan lolugen ma dabi mul. Ya n’en ni rin’ e daba’ e Got e ayuweg nge rin’.” Aram rogon ni ayuweg e girdi’ Jonathan nge dakun thang e fan rok. Gade chapit la |
Me ga’ar fare pin, “Gur en Pilung, wenig ngom mu meybil ngak SOMOL ni Got rom, ni re girdi’ rog nsusun e nge falbiyen e kireb rok fare pagel ni fakag e dabi rin’ reb e kireb nib gel e oloboch riy ni nge thang e pogofan rok e bin kaba’ e pagel ni fakag.” Me fulweg David, ni ga’ar, “Kug micheg u fithingan SOMOL ni be par nib fos, ndariy bochi ban’en nra buch rok fakam.”
Amariah ni Prist ni Th’abi Ga’ e ir e bay mat’wun nra yog e bug ni tomur e thin u gubin e yupa’ i oloboch nib l’ag rogon ko motochiyel rok SOMOL, me Zebadiah nib mo’on ni fak Ishmael ni governor nu Judah e ir e bay mat’wun ni nge yog e bug ni tomur e thin u gubin e yupa’ i oloboch. Pi Levite e maruwel rorad ni ngar guyed rogon ni tin kan turguy u tagil’ e puf oloboch e yira rin’ ni aram rogon. Mu athamgilgad ngam rin’ed e pin’ey ni aray rogon, mang e yigi par SOMOL u ba’ rok e en nib mat’aw!”