1 Samuel 14:25 - Bible Ni Thothup

²⁵ Yad gubin nrabad nga fithik’ bangi garger, miyad pir’eg e honey u ga’ngin yang e re gi garger nem.

1 Samuel 14:25 Referans Kwoze

Deuteronomy 9:28

Ya ra dangay ma ra yog piyu Egypt nde yag rom ni ngam fek e girdi’ rom i yan ngalan fare nam ni mmicheg ni bay mu pi’ ngorad, miyad yog ni ka mu fek e girdi’ rom u Egypt nga daken e ted ni fan e ngam thang owcharad, ya dabumrad.

Numbers 13:27

Lungurad ngak Moses, “Kug lekged fare nam ni mol’ogmad ni nggu warod ngay; ba nam nib pire’ ban’en riy ma ba yong’ol e but’ riy, ma ba’aray boch i wom’ngin e woldug riy ni kug feked.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

1 Samuel 14:24

Rofen nem e ke yim’ piyu Israel ko bilig, ya ke micheg Saul bbugithin u p’eowchen SOMOL nike ga’ar, “Ra buch wa’athan e cha’ nra kay ban’en e daba’ u m’on ndawor gu falbayen e pi to’ogor rog.” Ere dariy be’ ni kay ban’en ko binem e rran ni polo’.

1 Samuel 14:26

Re gi garger nem e ba sug ko honey nib athib, machane dariy be’ ni kay buchu’uw, ya yad gubin ni kar rusgad ko buch wa’athan ni yog Saul nra yib ngorad.

Proverbs 25:16

Dab mu koy e honey nge pag oren; yug ra yo’or ma rayag ni ngam sul’ugun.

Judges 14:9

Me ker fapi honey ngalan pa’ ngi i yan ma be kay. Me yan ngak e chitamngin nge chitiningin me pi’ boch ngorow. Miyow kay, machane de yog Samson ngorow nike fek fapi honey u lan dugren fare layon nike yim’.