1 Samuel 14:10 - Bible Ni Thothup

¹⁰ Machane fa’an yad ra yog ni nga darow ngorad, ma gadow yan ngorad, ya aram e pow riy nike m’ay i gagiyegnag rok SOMOL ni ngad gelgow ngorad.”

1 Samuel 14:10 Referans Kwoze

Genesis 24:14

Ma bayi lungug ngak bagyad, ‘Wenig ngom, mu sobut’eg e rume’ rom buchu’uw ngam pi’ boch e ran gu unum.’ Ma fa’anra ga’ar, ‘Mu unum, ma bay kug pi’ e ran i unum e kamel rom,’ ma aram e ir e cha’ ni kam turguy ni nge le’engiy e tapigpig rom i Isak. Fa’anra yodoro’, ma aram e kug nang ni kam tay nga tagil’ e tin mog ngak e masta rog.”

1 Samuel 10:7

Fa’anra yan i yodorom ma ngam rin’ e tin bayi pow’iyem Got ngay ni ngam rin’.

Judges 7:11

Ngam rung’ag e n’en yad be yog, ma aram e dab kumrus ni ngam og ngorad.” Mranow e tapigpig rok i Purah nga pe’ning nga marichlen e gin ke par piyu Midian riy.

Judges 6:36

Me ga’ar Gideon ngak Got, “Kamog ni kam leamnag ni gag e ngam pi’eg nggu ayuweg yu Israel.

1 Samuel 14:9

Ma fa’an yad ra yog ngodow ni ngad son nigew yad ngarbad ngodow, ma gadow son ko gin gadow bay riy.

Exodus 3:12

Me ga’ar Got ngak, “Bay gu un ngom, ma ba’aray e mich riy ni bayi m’ug ni gag e ku gol’igem, nap’an ni ga ra fek piyu Israel nga wuru’ yu Egypt, ma bay mub mu meybil ngog u daken e re burey ney.”

2 Kings 20:9

Me fulweg Isaiah ni ga’ar, “Bayi pi’ SOMOL ba pow ngom ni nge gagyal ni bayi tay nga tagil’ e tin ke micheg. Bin ngan e gab adag e chiney, gab adag ni nge yan e re taglul’ ni be’er u daken e tawo’ nga m’on ni ragag thal e tawo’ fa nge sul nga tomur ni ragag thal.”